علی پور میں سیلابی ریلے سے تباہی؛ مریم اورنگزیب متاثرہ علاقوں میں پہنچ گئیں
اشاعت کی تاریخ: 13th, September 2025 GMT
علی پور : شدید سیلابی ریلے سے علی پور اور گردونواح کے کئی دیہات متاثر ہوگئے، جس کے باعث لوگوں کو بھاری نقصان اٹھانا پڑا ہے۔
وزیراعلیٰ پنجاب مریم نواز شریف کی ہدایت پر سینئر منسٹر مریم اورنگزیب رات گئے علی پور کے سیلاب متاثرہ علاقوں لاتی ماڑی اور سیت پور پہنچیں اور امدادی سرگرمیوں کا جائزہ لیا۔
سینئر منسٹر مریم اورنگزیب نے سیلاب متاثرین سے ملاقات کی اور ان کے مسائل سنے۔ ساتھ ہی مریم اورنگزیب کی نگرانی میں انخلا آپریشن بھی جاری رہا، اس دوران محفوظ مقامات تک رسائی کے لیے بیڑوں کا بھی استعمال کیا گیا۔
مریم اورنگزیب کی نگرانی میں سیلاب متاثرہ خاندانوں میں ٹینٹ تقسیم کیے گئے جبکہ کھانے پینے کا سامان اور راشن بھی فراہم کیا گیا۔
انتظامیہ نے سیلاب سے متاثرہ علاقوں میں ریسکیو اور ریلیف سرگرمیاں تیز کر دی ہیں۔ سینئر منسٹر مریم اورنگزیب نے اعلان کیا ہے کہ وہ خود مزید امدادی سامان لے کر سیت پور جائیں گی۔
.
ذریعہ: Express News
کلیدی لفظ: مریم اورنگزیب علی پور
پڑھیں:
لاہورمیں الیکٹرک ٹرام منصوبہ مؤخر، فنڈز سیلاب متاثرین کو منتقل
لاہور، پنجاب کے وزیرِ ٹرانسپورٹ بلال اکبر نے اعلان کیا ہے کہ کینال روڈ پرالیکٹرک ٹرام منصوبہ آئندہ سال فروری میں شروع نہیں کیا جا سکے گا۔وزیر ٹرانسپورٹ بلال اکبر کے مطابق منصوبے کے لیے مختص 130 ارب روپے کا فنڈ سیلاب متاثرین کی بحالی کے لیے منتقل کیا جا رہا ہے۔ انہوں نے کہا کہ منصوبے کو مؤخرکرنے کے باوجود محکمہ ٹرانسپورٹ نے تین نئی تجاویز تیار کی ہیں، جو دسمبر میں وزیر اعلیٰ پنجاب کو پیش کی جائیں گی۔انہوں نے بتایا کہ ٹرام منصوبے کے ساتھ لاہور کے ٹرانسپورٹ نیٹ ورک کو ازسرِنوترتیب دیا جا رہا ہے تاکہ مستقبل میں جدید اور پائیدارسفری سہولیات فراہم کی جا سکیں۔
2009 میں لاہور کے لیے چار میٹرولائنز کی ضرورت تھی، تاہم تازہ ترین اسٹڈی کے مطابق اب شہر میں کم از کم چھ میٹرو لائنز درکار ہیں۔چند روزمیں گوجرانوالہ اورفیصل آباد میٹرو منصوبوں کی گراؤنڈ بریکنگ تقریب منعقد کی جائے گی، جس کے بعد کینال روڈ ٹرام منصوبے پر بھی کام شروع کیا جائے گا، ورلڈ بینک کے تعاون سے 25 کروڑ ڈالرز کی لاگت سے لاہور میں 400 نئی الیکٹرک بسیں شامل کی جا رہی ہیں۔حکومت کی کوشش ہے کہ آنے والے برسوں میں لاہور میں ایک سے دو نئی میٹرو لائنز کا اضافہ کر کے شہریوں کے سفر کو مزید آسان اور ماحول دوست بنایا جائے۔
آزاد کشمیر میں حکومت سازی فیصلہ کن موڑ پر، نئے وزیر اعظم کا اعلان آج متوقع