کیلیفورنیا: مقبول آکٹوپس ’گھوسٹ‘ کی زندگی کے آخری دن، مداحوں کی الوداعی دعائیں
اشاعت کی تاریخ: 19th, September 2025 GMT
کیلیفورنیا کے شہر لانگ بیچ کے ’ایکویرئم آف دی پیسفک‘ میں موجود مقبول آکٹوپس ’’گھوسٹ‘‘ اپنی زندگی کے آخری مرحلے میں ہے، جس دوران وہ کھانے پینے اور اپنی ضروریات کو بھول کر صرف انڈوں کی حفاظت میں مصروف ہے، حالانکہ ان انڈوں سے بچے کبھی نہیں نکل سکیں گے۔
سوشل میڈیا پر بڑی تعداد میں افراد نے گھوسٹ کو یاد کرتے ہوئے اپنے تاثرات کا اظہار کیا ہے۔ کچھ لوگوں نے بتایا کہ وہ گھوسٹ کے دیدار کے لیے ایکویرئم گئے تھے، جبکہ کچھ نے اُس کی یاد میں ٹیٹو بنوائے یا سوئٹر پہنے۔
یہ بھی پڑھیں: ہاتھی جیسی نایاب ’ڈمبو آکٹوپس‘ کیمرے کی آنکھ میں محفوظ
ایکویرئم کی جانب سے انسٹاگرام پر کہا گیا ’وہ ایک شاندار آکٹوپس ہے جس نے ہمارے دلوں پر 8 بازوؤں کے نشان چھوڑے ہیں۔‘
گھوسٹ نے حال ہی میں انڈے دیے ہیں اور اپنی زندگی کے آخری حیاتیاتی مرحلے ’سینیسینس‘ میں داخل ہوچکی ہے۔ اس دوران مادہ آکٹوپس خود کو بھلا کر صرف انڈوں کو صاف رکھنے اور جراثیم سے بچانے پر توجہ دیتی ہے مگر چونکہ گھوسٹ کے انڈے غیر زرخیز ہیں اس لیے ان سے بچے پیدا نہیں ہوں گے۔
گھوسٹ کا تعلق کینیڈا کے برٹش کولمبیا کے پانیوں سے ہے اور مئی 2024 میں اسے ایک سائنسی کلیکٹر کے ذریعے ایکویرئم لایا گیا تھا۔ اُس وقت اس کا وزن صرف 3 پاؤنڈ تھا جو اب بڑھ کر 50 پاؤنڈ سے زیادہ ہو گیا ہے۔
یہ بھی پڑھیں: جھیل سی گہری یہ آنکھیں ایک سمندری مخلوق کی جنہیں جلد ہی نظر لگ گئی
عموماً دیوہیکل بحرالکاہلی آکٹوپس 3 سے 5 سال زندہ رہتا ہے، اور ماہرین کے مطابق گھوسٹ کی عمر 2 سے 4 سال کے درمیان ہے۔
ایکویرئم کے وائس پریزیڈنٹ نیٹ جاروس نے بتایا کہ گھوسٹ نہایت سرگرم اور انسان دوست آکٹوپس تھا، جو اپنی دیکھ بھال کرنے والوں کے ساتھ وقت گزارنے میں دلچسپی لیتا۔ وہ رضاکارانہ طور پر باسکٹ میں داخل ہوکر اپنا وزن کرواتا اور کئی بار کھانے کے بجائے اپنے نگہبان سے کھیلنے کو ترجیح دیتا۔
گھوسٹ کو کئی دلچسپ مشاغل بھی دیے گئے جن میں کھانے کو کھلونوں اور پہیلیوں میں چھپانا شامل تھا تاکہ وہ جنگل میں شکار کرنے جیسے ماحول کو محسوس کرسکے۔ ایک بار عملے نے اُس کے لیے ایک بڑا شفاف بھول بھلیاں بھی بنایا، جسے اُس نے فوراً سمجھ لیا۔
یہ بھی پڑھیں: 16 سال نر کے بغیر رہنے والی مادہ مگرمچھ نے 14 انڈے دیدیے
اب جب کہ گھوسٹ اپنی آخری زندگی گزار رہا ہے، ایکویرئم نے ایک نیا آکٹوپس بھی حاصل کر لیا ہے جو عوامی آگاہی کے اس مشن کو آگے بڑھائے گا۔ یہ نیا آکٹوپس 2 پاؤنڈ وزنی ہے اور عملے کے مطابق نہایت متجسس اور خوش مزاج ہے۔
ایک میرین بائیولوجی کے طالب علم جے میک میہن نے کہا کہ وہ خوش ہیں کہ آخری دنوں میں گھوسٹ کو ایک بار پھر دیکھنے کا موقع ملا۔
اُن کے مطابق ’جب آپ کا کسی جانور سے ایسا تعلق قائم ہو جائے اور آپ کو معلوم ہو کہ وہ زیادہ عرصہ نہیں جیئے گا تو ہر لمحہ قیمتی ہو جاتا ہے۔ مجھے امید ہے کہ گھوسٹ مزید لوگوں کو آکٹوپس کے بارے میں جاننے اور اُن کی اہمیت سمجھنے کی ترغیب دے گا۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آکٹوپس امریکا کیلیفورنیا.ذریعہ: WE News
کلیدی لفظ: امریکا کیلیفورنیا کہ گھوسٹ
پڑھیں:
اقوام متحدہ آخری امید ،اس کاقائم رہنا ناگزیر ہو گیا ہے ، نائب صدر متحدہ عرب امارات
اقوام متحدہ آخری امید ،اس کاقائم رہنا ناگزیر ہو گیا ہے ، نائب صدر متحدہ عرب امارات WhatsAppFacebookTwitter 0 19 September, 2025 سب نیوز
دبئی(آئی پی ایس )متحدہ عرب امارات کے نائب صدر اور وزیراعظم شیخ محمد بن راشد المکتوم نے اقوام متحدہ کو انسانیت کی آخری امید قرار دیتے ہوئے کہا کہ عالمی ادارے کی بقا آئندہ 80 برس کے لیے ناگزیر ہے۔اقوام متحدہ کے قیام کے 80 برس مکمل ہونے پر اپنے خصوصی ویڈیو پیغام میں متحدہ عرب امارات کے نائب صدر اور وزیراعظم نے کہا کہ آج دنیا کو درپیش پیچیدہ عالمی چیلنجز اس بات کا تقاضا کرتے ہیں کہ اقوام متحدہ کے اصولوں اور اقدار کو ازسرِنو زندہ کیا جائے تاکہ عالمی امن و سلامتی کو یقینی بنایا جا سکے۔
انہوں نے کہا کہ متحدہ عرب امارات کی خارجہ پالیسی ہمیشہ برداشت، مکالمے اور پائیدار ترقی پر مبنی رہی ہے۔شیخ محمد بن راشد نے دنیا کو یاد دلایا کہا کہ عرب امارات نے انسانی امداد کو اپنا نصب العین بنایا اور انسدادِ دہشت گردی کے ساتھ ساتھ نفرت انگیز بیانیے اور انتہا پسندی کے خلاف ہمیشہ فعال کردار ادا کیا ہے۔انہوں نے مزید کہا کہ اقوام متحدہ کی بنیاد امن، انصاف اور انسانی وقار کے تحفظ پر رکھی گئی تھی اور آج بھی اس ادارے کی ذمہ داری ہے کہ وہ اپنے وعدوں کو نئے عزم کے ساتھ پورا کرے۔
فلسطینوں کی موجودہ صورتحال میں عرب دنیا میں یہ خیال تقویت پکڑ رہا ہے کہ مشرقِ وسطی سمیت دنیا بھر میں سکیورٹی چیلنجز شدید تر ہورہے ہیں۔ ان مسائل کے حل کے لیے اقوام متحدہ کو مزید مثر کردار ادا کرنے کا مطالبہ زور پکڑ رہا ہے۔یاد رہے کہ متحدہ عرب امارات نے 1971 میں اقوام متحدہ کی رکنیت حاصل کی تھی اور دو بار اقوام متحدہ کی سلامتی کونسل کا غیر مستقل رکن منتخب ہوچکا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرحالات کی رفتار بتارہی ہے پی ٹی آئی پارلیمنٹ اورکچھ جج عدلیہ سے مستعفی ہوجائیں گے، عرفان صدیقی حالات کی رفتار بتارہی ہے پی ٹی آئی پارلیمنٹ اورکچھ جج عدلیہ سے مستعفی ہوجائیں گے، عرفان صدیقی متاثرین کیلئے مزید خیموں اورچیزوں کی فراہمی یقینی بنارہے ہیں: قائم مقام صدر سعودی عرب سے معاہدہ ایک رات میں طے نہیں پایا، اس میں کئی ماہ لگے، اسحق ڈار لیڈر بڑی مشکلوں سے بنتے ہیں، پھانسیوں کا سلسلہ بند ہونا چاہئے: کیپٹن (ر) صفدر افغانستان: طالبان حکومت نے جامعات میں 680 کتابوں پر پابندی عائد کردی وزارت خزانہ کی آئی ایم ایف سے ریلیف لینے کی تیاری، منی بجٹ نہ لانے کا فیصلہCopyright © 2025, All Rights Reserved
رابطہ کریں ہماری ٹیم
سی ڈی اے کا سوہان گارڈن ہاؤسنگ اسکیم کو شوکاز نوٹس جاری،تفصیلات سب نیوز پر