ایشیا کپ سپر فور: پاکستان اور بھارت آج دبئی میں آمنے سامنے
اشاعت کی تاریخ: 21st, September 2025 GMT
data-id="863a0a8" data-element_type="widget" data-widget_type="theme-post-content.default">
دبئی: کرکٹ کے سب سے بڑے روایتی حریف پاکستان اور بھارت آج ایشیا کپ 2025 کے سپر فور مرحلے میں دبئی انٹرنیشنل کرکٹ اسٹیڈیم میں ٹکرائیں گے، میچ پاکستانی وقت کے مطابق شام ساڑھے سات بجے شروع ہوگا اور دنیا بھر کے شائقین کی نظریں اس اہم مقابلے پر جمی ہوئی ہیں۔
میڈیا رپورٹس کےمطابق یہ میچ اس لیے بھی خاص اہمیت رکھتا ہے کہ گروپ مرحلے میں بھارت نے پاکستان کو 7 وکٹوں سے شکست دی تھی، اس کے بعد دونوں ممالک کے درمیان ہاتھ نہ ملانے کے تنازعے اور بھارتی کپتان سوریا کمار یادیو کے سیاسی بیان نے ماحول کو مزید کشیدہ بنا دیا ہے۔
بین الاقوامی کرکٹ کونسل (آئی سی سی) نے اس میچ کے لیے اینڈی پائی کرافٹ کو میچ ریفری مقرر کیا ہے۔ پاکستان کرکٹ بورڈ نے ان کی تبدیلی کا مطالبہ کیا تھا تاہم آئی سی سی نے یہ درخواست مسترد کردی۔
پاکستانی ٹیم نے ہفتے کے روز آئی سی سی کرکٹ اکیڈمی میں تین گھنٹے کی بھرپور پریکٹس کی، چیئرمین پی سی بی محسن نقوی نے کھلاڑیوں سے ملاقات کی اور ان کا حوصلہ بڑھاتے ہوئے توقع ظاہر کی کہ ٹیم اچھی کارکردگی کا مظاہرہ کرے گی۔
پاکستانی ٹیم کی قیادت مڈل آرڈر بلے باز سلمان علی آغا کر رہے ہیں، بیٹنگ لائن اپ میں بابراعظم، محمد رضوان، فخر زمان یا محمد ہارس میں سے کسی ایک کو شامل کیے جانے کا امکان ہے، بولنگ میں شاہین شاہ آفریدی، حارث رؤف اور نسیم شاہ ٹیم کے مضبوط ہتھیار ہوں گے جبکہ اسپن ڈیپارٹمنٹ میں شاداب خان اور محمد نواز کو اہم ذمہ داریاں سونپی جا سکتی ہیں۔
بھارتی ٹیم ٹورنامنٹ میں اب تک ناقابلِ شکست رہی ہے، کپتان سوریا کمار یادیو کی قیادت میں ٹیم نے مضبوط کارکردگی دکھائی ہے، بیٹنگ لائن اپ میں روہت شرما، شبمن گل اور شریاس آئیر جیسے تجربہ کار کھلاڑی شامل ہیں، جبکہ ہاردک پانڈیا اور رویندرا جدیجا آل راؤنڈر کی حیثیت سے کھیل کا رخ بدل سکتے ہیں، بولنگ میں جسپریت بمراہ، محمد سراج اور کلدیپ یادو بھارتی ٹیم کے اہم ہتھیار ہوں گے۔
کرکٹ کے ماہرین کا کہنا ہے کہ دبئی کا میدان ہمیشہ سے دونوں ٹیموں کے درمیان سنسنی خیز مقابلوں کا گواہ رہا ہے، آج کا میچ نہ صرف ایشیا کپ میں اگلے مرحلے کے لیے فیصلہ کن ثابت ہوگا بلکہ پاک بھارت کرکٹ کی روایتی رقابت میں ایک اور یادگار باب کا اضافہ کرے گا۔
.ذریعہ: Jasarat News
پڑھیں:
دبئی ولی عہد نے شہر کے لیے 15 ہزار نوکریوں اور جدید منصوبوں کی منظوری دیدی
data-id="863a0a8" data-element_type="widget" data-widget_type="theme-post-content.default">
متحدہ عرب امارات کے سالانہ حکومتی اجلاس میں دبئی کے ولی عہد شیخ حمدان بن محمد بن راشد المکتوم نے اہم اور انقلابی منصوبوں کی منظوری دی ہے، یہ اقدامات دبئی کو دنیا کے سب سے خوبصورت، قابلِ رہائش اور صحت مند شہروں میں شامل کرنے کے لیے کیے جا رہے ہیں۔
عالمی میڈیا رپورٹس کے مطابقولی عہد نے ان منصوبوں کے ذریعے 15 ہزار نئی ملازمتیں پیدا ہوں گی اور جدید مگر سستے نجی اسکولز بھی قائم کیے جائیں گے، منصوبوں میں عوامی پارکس، ایوی ایشن ٹیلنٹ پروگرام، مالیاتی دیوالیہ پن عدالت کا قیام، اور کینسر کی ابتدائی تشخیص کے نظام جیسے اقدامات شامل ہیں۔
ان منصوبوں کا مقصد دبئی کی معیشت کو دگنا کرنا اور نجی شعبے میں 65 ہزار اماراتی شہریوں کے روزگار کے ہدف کو حاصل کرنا ہے، اس کے علاوہ دبئی اسپورٹس کونسل کی پیش کردہ اسپورٹس سیکٹر اسٹریٹجک پلان 2033 بھی منظور کیا گیا، جو دنیا میں دبئی کو کھیلوں کا عالمی مرکز بنانے پر توجہ دے گا۔ یہ منصوبہ 19 پروگرامز اور 75 اقدامات پر مشتمل ہے، جن میں نوجوانوں اور خصوصی افراد کے لیے کھیلوں کے مواقع بڑھانے پر زور دیا گیا ہے۔
ایگزیکٹیو کونسل نے فنانشل ریسٹرکچرنگ اینڈ انسولونسی کورٹ کے قیام کی بھی منظوری دی، جو کاروباری اداروں کی قرض ادائیگی، مالی تنظیم نو اور اثاثہ جات کے تحفظ میں معاون ثابت ہوگی۔
شیخ حمدان بن محمد بن راشد المکتوم نے کہا کہ یہ تمام اقدامات دبئی کے وژن کا حصہ ہیں، جس کا مقصد ہر شہری کو خوشحال، صحت مند اور پُرامن زندگی کے مساوی مواقع فراہم کرنا ہے۔
محققین نے مٹاپے سے منسلک پانچ نئے جینز دریافت کر لیے