میرپور خاص: مہران پولیس اسٹیشن منشیات فروشوں کا گڑھ بن گیا
اشاعت کی تاریخ: 26th, September 2025 GMT
data-id="863a0a8" data-element_type="widget" data-widget_type="theme-post-content.default">
میرپورخاص (نمائندہ جسارت) مہران پولیس اسٹیشن کی حد میں منشیات فروشوں کا گڑھ بن گیا تمام علاقوں میں چرس ہیروئن آئس کرسٹل کچی شراب کی فروخت کھلے عام جاری شہریوں نے درخواست اعلی حکام کو ارسال کردی ۔تفصیلات کے مطابق میرپورخاص شہر کے مہران تھانے کی حد کے تمام علاقوں کوری پھاٹک مالھی کالونی پاک کالونی کھپرو اسٹینڈ اور دیگر علاقوں میں کرسٹل آئس ہیروئن چرس کچھی شراب کی فروخت اور سلائی کرنے والے کے محفوظ پناہ گاہ بن چکا ہے۔ علاقہ مکینوں کا کہنا تھا کہ مہران تھانے کی حد پاک کالونی کوری پھاٹک کھپرو اسٹینڈ اور دیگر علاقوں میں بڑی تعداد میں موالی نشئی افراد مغرب کے بعد بڑی تعداد میں آئس کرسٹل کے لیے علاقوں میں موجود ہوتے ہیں جس سے علاقہ مکین سخت اذیت میں مبتلا ہیں۔ ذرائع کے مطابق مہران تھانے کی حد میں کھلے عام آئس کرسٹل کچی شراب چرس ہیروئن سپلائر ان علاقوں میں رہائش پزیر ہیں جن کے نام علاقہ مکین کئی بار شکایت کی صورت میں مہران تھانے میں میں جمع کراچکے ہیں مگر کوئی سنوائی اب تک نہیں ہوسکی ہے ۔علاقہ مکینوں نے بتایا کہ کوری پھاٹک اور اطراف کے بھینسوں کے باڑوں میں کام کرنے والے گوالے بڑی تعداد میں ان علاقوں میں آئس اور کرسٹل لینے کے لیے پہنچتے ہیں جہاں وہ مختلف گھروں کے دروازے بجاتے ہیں۔ علاقہ مکینوں نے بتایا کہ اس تمام صورتحال میں ان علاقوں میں رہنا عذاب بن چکا ہے جبکہ متعلقہ تھانہ ان منشیات فروشوں کے خلاف کارروائی نیہں کرتا ہے جس سے ان علاقوں میں کھلے عام یہ انسانی زہر کی فروخت کا عمل جاری ہے۔ ذرائع کے مطابق علاقہ مکینوں نے منشیات فروشوں کی ناموں کی لسٹ بنا کر آئی جی سندھ ڈی آئی جی ایس ایس میرپورخاص کو دینے کا فیصلہ کیا جس میں مہران تھانے کی ان منشیات فروشوں کی پشت پناہی اور سہولت کاری کے ثبوت بھی فراہم کئے جائیں گے۔
ذریعہ: Jasarat News
کلیدی لفظ: مہران تھانے کی منشیات فروشوں ان علاقوں میں علاقہ مکینوں
پڑھیں:
خلا میں باربی کیو پارٹی! چینی خلانوردوں نے چکن ونگز گرل کر ڈالے
data-id="863a0a8" data-element_type="widget" data-widget_type="theme-post-content.default">
بیجنگ: چین کے ٹیانگونگ خلائی اسٹیشن میں موجود خلانوردوں نے خلا میں پہلی بار باربی کیو پارٹی مناتے ہوئے کامیابی کے ساتھ چکن ونگز اور اسٹیکس گرل کر کے کھائے، جس سے دنیا بھر میں سوشل میڈیا پر دلچسپ بحث چھڑ گئی ہے۔
خلانوردوں کی یہ خلائی دعوت اس طرح سے ممکن ہوئی جب چین نے ایک جدید اوون تیار کیا جو مائیکروگریویٹی ماحول میں بھی کھانا پکانے کے قابل ہے۔ اس اوون کی خاص بات یہ ہے کہ یہ دھوئیں اور نقصان دہ کیمیکلز سے پاک طریقے سے کھانا تیار کرتا ہے، جس سے خلائی اسٹیشن کا حساس ماحول متاثر نہیں ہوتا۔
چائنا آسٹروناٹ ریسرچ اینڈ ٹریننگ سینٹر کے ڈپٹی چیف ڈیزائنر لیو ویبو نے بتایا کہ یہ اوون اپنی نوعیت کا پہلا آلہ ہے جسے زمین سے باہر یعنی خلا میں موجود کسی اسٹیشن پر باقاعدہ استعمال کیا جا سکتا ہے۔ ان کے مطابق اوون کا درجہ حرارت 190 ڈگری سیلسیئس تک بڑھایا جا سکتا ہے، جس سے چکن، اسٹیک اور دیگر کھانے کے اجزا پوری طرح پک جاتے ہیں۔
جاری کردہ ویڈیو میں دکھایا گیا کہ خلانوردوں نے چکن ونگز کو ایک خاص پنجرے نما گرِل میں رکھا اور اسے اوون کے ہیچ میں بند کر کے پکایا۔ کچھ دیر بعد جب کھانا تیار ہوا تو وہ حیران رہ گئے کہ ذائقہ، خوشبو اور رنگ کسی زمین پر بنے کھانے سے کم نہیں۔
خلائی اسٹیشن میں موجود خلانورد وو فی نے مسکراتے ہوئے بتایا کہ یہ چکن ونگز حیران کن طور پر مزیدار ہیں، ان کا ذائقہ اور خوشبو زمین جیسے ہی ہیں۔ انہوں نے مزید کہا کہ خلا میں کھانا پکانے کا یہ تجربہ نہ صرف تفریحی تھا بلکہ سائنسی طور پر بھی انتہائی مفید ہے کیونکہ یہ آئندہ طویل خلائی مشنوں کے لیے راستہ ہموار کرے گا۔
ماہرین کا کہنا ہے کہ اس کامیاب تجربے سے مستقبل میں خلائی سفر کے دوران تازہ کھانے کی فراہمی ممکن ہو سکے گی، جس سے خلابازوں کی صحت، توانائی اور نفسیاتی کیفیت میں بہتری آئے گی۔
ابھی تک خلا میں کھانے کا انحصار پہلے سے تیار شدہ خشک یا منجمد خوراک پر ہوتا تھا۔
نومبر میں سال کا سب سے روشن سپر مون آسمان پر جلوہ گر ہوگا