حیدرآباد ،شاہ عبداللطیف بھٹائی اسپتال میں سہولیات نا پید
اشاعت کی تاریخ: 26th, September 2025 GMT
data-id="863a0a8" data-element_type="widget" data-widget_type="theme-post-content.default">
250926-2-4
حیدرآباد(اسٹاف رپورٹر) لطیف آباد کی لاکھوں غریب عوام کے لئے قائم واحد سرکاری اسپتال شاہ عبدالطیف بھٹائی اسپتال میں سہولیات ناپید، ادویات کا فقدان ، ڈاکٹرز صرف مریضوں کا طبی معائنہ کرکے باہر کی ادویات لکھنے پر مجبور ہیں سابق صوبائی وزیر صحت اور سابق میئر حیدرآباد سید احد یوسف کی کاؤشوں سے قائم ہونے والے بھٹائی اسپتال کا ایم کیو ایم اور پیپلزپارٹی کے دور میں بے غرق کردیا گیا یہاں سہولیات کا فقدان اپنی جگہ اب تو حد کردی گئی ہے عام ادویات بھی میسر نہیں ہیں لطیف آباد کے مختلف یونٹوں سے آنے والے غریب عوام کو لائنوں میں لگنے کے بعد ڈاکٹر صرف طبی معائنہ کرکے ادویات باہر سے لکھ کر دے رہے ہیں گذشتہ روزایک غریب سفید پوش شخص نے اپنی پرچیاں دیکھاتے ہوئے کہاکہ بچوں کو ایک ہزار سے زائد کی ادویات باہر سے لکھ دی گئیں ہے جبکہ میری آمدنی ایک ہزار روپے روز بھی نہیں ہے ان ادویات میں بروفین جیسا عام ملنے والا سیرپ میں شامل تھا جبکہ اسپتال میں لائٹ نہ ہونے پر آنکھوں کا معائنہ نہیں کیاجاتاحادثاتی طور پر آنے والے مریضوں کو فوری طور پر سول اسپتال کا راستہ بتادیاجاتا ہے موجود حالات میں شہر میں ڈینگی اور ملیریا پھیلا ہوا ہے لیکن بھٹائی اسپتال میں نہ تو ٹسیٹ کا انتظام ہے نہ ہی کوئی سہولت یہ ہی وجہ ہے کہ غریب عوام نجی اسپتال کا رخ کرنے پر مجبور ہیں ۔
ذریعہ: Jasarat News
کلیدی لفظ: اسپتال میں
پڑھیں:
حیدرآباد:اے سیکشن پولیس کی کارروائی، 9مسروقہ کاریں برآمد
data-id="863a0a8" data-element_type="widget" data-widget_type="theme-post-content.default">
250926-8-11
حیدرآباد(اسٹاف رپورٹر)ایس ایس پی حیدرآباد عدیل حسین چانڈیو کی ہدایت پر پولیس کی موٹرسائیکل اور کار چوروںکیخلاف تابڑ توڑ کارروائیاں ،گزشتہ کارروائیوں کے دوران اے سیکشن نے شاندار کارروائی میں 9مسروقہ کاریں برآمد کرلیں، جبکہ ایس ایچ او نسیم نگر اور دیگر تھانوں نے مشترکہ طور پر متعدد کاریں اور موٹر بائیکس برآمد کیں۔اس موقع پر ایس ایس پی حیدرآباد کے دفتر میں ایک تقریب کے دوران چوری شدہ 12 کاریں اور 14 موٹر بائیکس اصل مالکان کے حوالے کی گئیں۔ مالکان نے اپنی قیمتی سواری واپس ملنے پر ایس ایس پی حیدرآباد اور متعلقہ پولیس ٹیم کا دل کی گہرائیوں سے شکریہ ادا کیا اور کہا کہ پولیس کی یہ کوششیں عوامی اعتماد بحال کرنے میں معاون ہیں۔مزید برآمد شدہ گاڑیوں اور بائیکس کے بارے میں تفتیش جاری ہے تاکہ ان کے حقیقی مالکان کی تصدیق کے بعد انہیں باقاعدہ طور پر حوالہ کیا جا سکے۔ایس ایس پی عدیل حسین چانڈیو نے کہا کہ شہریوں کے جان و مال کے تحفظ کے لیے ایسی کارروائیاں بلا تعطل جاری رہیں گی اور فرار ملزمان و دیگر ملوث افراد کی گرفتاری کے لیے مزید اقدامات کیے جا رہے ہیں۔
پاک بھارت ٹاکرے سے قبل قومی ٹیم کا بلے بازی میں ناکامی کا اعتراف