آئی سی سی ویمنز ورلڈ کپ 2025 کی تمام خواتین میچ آفیشلز کی دبئی آمد
اشاعت کی تاریخ: 26th, September 2025 GMT
data-id="863a0a8" data-element_type="widget" data-widget_type="theme-post-content.default">
دبئی: دنیا کی سب سے بڑی ایئرلائن ایمریٹس نے آئی سی سی ویمنز کرکٹ ورلڈ کپ 2025 کے آغاز سے قبل دبئی ہیڈکوارٹرز میں خواتین میچ آفیشلز کے خصوصی وفد کا پرتپاک استقبال کیا، یہ پینل 14 امپائرز اور چار میچ ریفریز پر مشتمل ہے جو دنیا کے 10 مختلف ممالک کی نمائندگی کر رہا ہے۔
اس سال کا ویمنز کرکٹ ورلڈ کپ بھارت میں 30 ستمبر سے 2 نومبر تک کھیلا جائے گا اور تاریخی اعتبار سے پہلی مرتبہ یہ ایونٹ صرف خواتین آفیشلز کی زیر نگرانی منعقد ہوگا۔
تمام 50 اوورز کے میچز میں سپروائزنگ ٹیم مکمل طور پر خواتین پر مشتمل ہوگی، جو عالمی کرکٹ میں صنفی برابری کی ایک اہم مثال ہے۔
ایمریٹس گروپ ہیڈکوارٹرز میں منعقدہ تقریب میں ایگزیکٹو وائس پریزیڈنٹ برائے کارپوریٹ کمیونیکیشنز، مارکیٹنگ اور برانڈ بٹروس بٹروس نے کہا کہ آئی سی سی کے آفیشل ایئرلائن پارٹنر کے طور پر ایمریٹس کو اس بات پر فخر ہے کہ وہ پہلی مکمل خواتین ٹیم کو سپورٹ فراہم کر رہا ہے جو اس اہم ٹورنامنٹ میں میچز کو سپروائز کرے گی۔
یہ شراکت داری نہ صرف کھیل کے شائقین کے ساتھ تعلق کو مضبوط کرتی ہے بلکہ میدان کے اندر اور باہر صنفی مساوات اور برابر مواقع کے فروغ کا بھی عکاس ہے۔
ایمریٹس خواتین آفیشلز کو سہولت فراہم کرنے کے ساتھ ساتھ آئی سی سی 100٪ کرکٹ فیوچر لیڈرز پروگرام کی بھی معاونت کرتا ہے، جس کا مقصد خواتین کو عالمی معیار کے تربیتی اور ترقیاتی مواقع فراہم کرنا ہے تاکہ وہ مستقبل میں قائدانہ کردار ادا کرسکیں۔
اس پروگرام کے تحت خواتین امپائرز اور آفیشلز کو خصوصی رعایتی کرایے اور سہولیات دی جاتی ہیں تاکہ وہ بیرون ملک تربیت اور مینٹورشپ کے ذریعے اپنے کیریئر کو آگے بڑھا سکیں۔
ایمریٹس اور آئی سی سی کی شراکت داری تین دہائیوں سے زائد عرصے پر محیط ہے اور اسے کھیلوں کی دنیا کی طویل المدتی اور مستحکم ترین پارٹنرشپس میں شمار کیا جاتا ہے۔ اس تعاون کے تحت ایمریٹس کا لوگو آئی سی سی کے ایلیٹ اور انٹرنیشنل امپائرز و ریفریز کی کٹس پر نمایاں ہوتا ہے جبکہ ایئرلائن دنیا بھر میں ہونے والے بڑے کرکٹ ایونٹس کے لیے آفیشلز کو سفری سہولت بھی فراہم کرتی ہے۔
ان ایونٹس میں آئی سی سی مینز کرکٹ ورلڈ کپ، ویمنز کرکٹ ورلڈ کپ، ٹی ٹوئنٹی ورلڈ کپ، چیمپئنز ٹرافی اور ورلڈ ٹیسٹ چیمپئن شپ فائنل شامل ہیں۔
کرکٹ ماہرین کے مطابق ویمنز ورلڈ کپ 2025 کا یہ ایڈیشن کھیلوں کی تاریخ میں ایک سنگ میل ثابت ہوگا، جس سے خواتین کی شمولیت کو مزید فروغ ملے گا اور عالمی سطح پر کرکٹ میں نئے رجحانات جنم لیں گے۔
ذریعہ: Jasarat News
کلیدی لفظ: کرکٹ ورلڈ کپ
پڑھیں:
ایمیریٹس پر سفر کرنے والے ہوجائیں خبردار، یکم اکتوبر سے مسافروں کے لیے اہم پابندیوں کا اعلان
ایمریٹس ایئرلائن نے مسافروں کو یاد دہانی کرائی ہے کہ یکم اکتوبر 2025 سے جہاز میں پاور بینک کے استعمال اور چارجنگ پر مکمل پابندی عائد کر دی جائے گی۔
ایئرلائن کے مطابق مسافر صرف ایک پاور بینک اپنے کیبن بیگ میں رکھ سکیں گے، تاہم یہ سامان چیک اِن بیگیج میں رکھنے کی اجازت نہیں ہوگی۔
یہ بھی پڑھیں: ایک ویزے پر 6 خلیجی ممالک کا سفر ممکن، اہل کون ہوگا؟
ایمریٹس کی ویب سائٹ پر جاری اپڈیٹ کے مطابق ہر مسافر کو صرف ایک پاور بینک ساتھ رکھنے کی اجازت ہوگی جس کی گنجائش زیادہ سے زیادہ 100 واٹ آور تک ہو۔
Emirates reminds passengers: New rule starts October 1
Flying with Emirates? Major travel rule change in October. Here’s what it means for travellers flying from Dubaihttps://t.co/TI0ir6RZUP
— Gulf News (@gulf_news) September 24, 2025
تاہم دورانِ پرواز پاور بینک کسی ڈیوائس کو چارج کرنے یا خود چارج کرنے کے لیے استعمال نہیں کیا جا سکے گا۔ اس کے علاوہ پاور بینک پر اس کی گنجائش واضح طور پر درج ہونا لازمی ہے۔
پاور بینک کو صرف سیٹ کے نیچے یا سامنے والی جیب میں رکھا جا سکتا ہے، تاہم اوورہیڈ لاکر میں رکھنے کی اجازت نہیں ہوگی۔
مزید پڑھیں:ایمریٹس ایئر لائنز شام کے لیے پروازیں دوبارہ شروع کرے گی
ایئرلائن نے یہ بھی واضح کیا ہے کہ پاور بینک کو چیک اِن بیگیج میں رکھنا پہلے سے ہی ممنوع ہے۔
ایمریٹس ایئرلائن کے مطابق یہ فیصلہ حفاظتی خدشات کے پیشِ نظر کیا گیا ہے، ماہرین کے مطابق پاور بینک اگر زیادہ چارج ہوجائے یا خراب ہو جائے تو اس میں ’تھرمل رن اَوے‘ کا عمل شروع ہوسکتا ہے، جو تیز حرارت، آگ لگنے، دھماکے یا زہریلی گیس کے اخراج کا باعث بن سکتا ہے۔
دیگر الیکٹرونک ڈیوائسز کے قواعدایئرلائن نے اس سے قبل بھی مسافروں کو یاد دہانی کرائی تھی کہ وہ زیادہ سے زیادہ 15 ذاتی برقی آلات لیپ ٹاپ، موبائل فون، ٹیبلیٹس وغیرہ جہاز میں ساتھ لے جا سکتے ہیں۔ یہ آلات الگ الگ پیک ہونے چاہییں کیونکہ مقررہ تعداد سے زائد یا غلط طریقے سے پیک ہونے کی صورت میں انہیں ضبط بھی کیا جا سکتا ہے۔
مزید پڑھیں: یو اے ای نے جدید سیکیورٹی خصوصیات کا حامل 100 درہم کا نیا نوٹ جاری کردیا
اسمارٹ بیگ، ہوور بورڈ اور منی سیگ وے جیسے بیٹری سے چلنے والے آلات بھی جہاز میں ساتھ لے جانے یا چیک اِن کرنے کی اجازت نہیں رکھتے۔
اتحاد ایئرویز کی وضاحتدوسری جانب اتحاد ایئر ویز نے سوشل میڈیا پر ایک صارف کی جانب سے پوچھے گئے سوال کے جواب میں واضح کیا کہ بلیو ٹوتھ اسپیکر سمیت زیادہ سے زیادہ 15 برقی آلات کی اجازت ہے، البتہ یہ ڈیوائسز اگر چیک اِن بیگیج میں رکھی جائیں تو انہیں مکمل طور پر بند یعنی پاور آف کیا جانا ضروری ہے۔
ایئرلائن نے مزید کہا کہ اضافی بیٹریاں، پاور بینک اور ای سگریٹ کسی صورت چیک اِن بیگیج میں نہیں رکھے جا سکتے، جبکہ قیمتی یا نازک الیکٹرونک ڈیوائس کیبن بیگ میں رکھنا زیادہ محفوظ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اتحاد ایئرویز الیکٹرونک ڈیوائس ای سگریٹ ایمریٹس برقی آلات بلیو ٹوتھ اسپیکر پاور بینک ٹیبلیٹس چارجنگ سوشل میڈیا لیپ ٹاپ موبائل فون
برطانیہ کی جانب سے آج فلسطین کو باضابطہ طور پر ریاست تسلیم کیے جانے کا امکان