ایشیا کپ اب ایک قدم کی دوری پر ہے، ریسلر انعام بٹ
اشاعت کی تاریخ: 27th, September 2025 GMT
قومی ریسلر انعام بٹ کا کہنا ہے کہ ایشیا کپ اب ایک قدم کی دوری پر ہے۔
تفصیلات کے مطابق قومی ریسلر انعام بٹ نے گرین شرٹس کا حوصلہ بڑھانے کیلئے خصوصی پیغام جاری کیا۔
ان کا کہنا تھا کہ پاکستانی ٹیم نے شاندار کارگردگی کا مظاہرہ کرتے ہوئے ایشین کپ کے فائنل میں جگہ بنائی ہے۔
انعام بٹ نے کہا کہ ایشیا کپ اب ایک قدم کی دوری پر ہے، بھارت سے فائنل جیتنے کیلئے پوری ٹیم یکجا ہوکر کھیلے۔
ان کا مزید کہنا تھا کہ پوری قوم کی دعائیں گرین شرٹس کے ساتھ ہیں ایشیا کپ پاکستان ہی جیتے گا۔
خیال رہے کہ کل ایشیا کپ کی 41 سالہ تاریخ میں پاکستان اور بھارت پہلی مرتبہ فائنل میں مدمقابل آئیں گے۔
.ذریعہ: Express News
کلیدی لفظ: ایشیا کپ
پڑھیں:
فیلڈ مارشل ملک کیلئے انعام، کاروباری برادری کی مشکلات حل کرنے کیلئے کوشاں: گورنر پنجاب
لاہور (نیوز رپورٹر) گورنر پنجاب سردار سلیم حیدر خان نے کراچی میں امریکن بزنس کونسل کے زیر اہتمام فوکسڈ گروپ ڈسکشن کے حوالے سے اجلاس میں شرکت کی۔ اجلاس میں صدر امریکن بزنس کونسل (ABC) اکرم ولی محمد، سینئر وائس پریذیڈنٹ (ABC)عاصم سعید خان، سینئر وائس پریذیڈنٹ (ABC) تشنہ پٹیل وائس پریذیڈنٹ (ABC) اور یو ایس قونصل جنرل چارلس گڈمین (Charles Goodman) موجود تھے۔ اس موقع پر گورنر پنجاب سردار سلیم حیدر خان نے کہا کہ امریکن بزنس کونسل پاکستان اور امریکہ کے درمیان تجارتی تعلقات کو مضبوط بنانے میں اہم کردار ادا کر رہا ہے۔ یہ بڑی خوش آئند بات ہے کہ بزنس کمیونٹی تمام تر مشکلات کے باوجود ملک میں سرمایہ کاری کر رہی ہے۔ اگر انڈیا اور چائنہ سے مقابکہ کرنا ہے تو انرجی کے حوالے سے قیمتیں مزید کم کرنے کی ضرورت ہے۔ گورنر پنجاب نے کہا کہ آئی ایم ایف کے چنگل سے نکلیں گے تو چیزیں مزید بہتر ہوں گی۔ اْنہوں نے کہا کہ فیلڈ مارشل سید عاصم منیر ملک کے لیے انعام ہیں۔ خاص کر بزنس کے حوالے سے ان کی پوری کوشش ہے کہ بزنس مین کی مشکلات کو حل کیا جائے۔ گورنر پنجاب سردار سلیم حیدر خان نے یوم اقبال کے موقع پرکہا کہ علامہ اقبال نے اپنی شاعری کے ذریعے برصغیر کے مسلمانوں میں جذبہ حریت بیدار کیا اور ایک الگ وطن کا تصور پیش کیا۔ دریں اثناء گورنر پنجاب سردار سلیم حیدر خان سے قاری عبدالمنان ناصر معلم مسجد الحرام مکہ مکرمہ نے پنجاب ہائوس اسلام آباد میں ملاقات کی۔ ملاقات کے دوران قاری عبدالمنان ناصر نے پاکستان میں خادم الحرمین کے ذریعے قرآن کی تعلیم عام کا اعادہ کیا تاکہ آپؐ کا ہر امتی قرآن مجید پڑھنا سیکھ جائے۔گورنر پنجاب نے کہا کہ سعودی عرب نے ہر مشکل وقت میں پاکستان کا ساتھ دیا ہے۔ اْنہوں نے کہا کہ حرمین شریفین کا دفاع پاکستان کے لئے بڑی سعادت اور فخر کی بات ہے۔ گورنر پنجاب نے کہا کہ پاکستان اور سعودی عرب کے درمیان دفاعی معاہدہ میں فیلڈ مارشل عاصم منیر کا کلیدی کردار ہے۔
پنجاب کابینہ نے تحریک لبیک پر پابندی کی باضابطہ توثیق کردی