بھارت میں سیاسی ریلی میں بھگدڑ، 36 افراد جاں بحق، درجنوں زخمی
اشاعت کی تاریخ: 28th, September 2025 GMT
data-id="863a0a8" data-element_type="widget" data-widget_type="theme-post-content.default">
تامل ڈو:بھارت کی جنوبی ریاست تامل ناڈو میں ایک بڑے سیاسی جلسے میں بھگدڑ مچنے کے نتیجے میں کم از کم 36 افراد جاں بحق اور درجنوں زخمی ہوگئے، ہلاکتوں میں آٹھ بچے بھی شامل ہیں جبکہ زخمیوں میں سے کئی کی حالت نازک بتائی جارہی ہے۔
عالمی میڈیا رپورٹس کے مطابق واقعہ ضلع کروڑ (Karur) میں پیش آیا جہاں علاقائی سیاسی جماعت تملگا ویٹری کژہگم (Tamilaga Vettri Kazhagam) کا روڈ شو جاری تھا، جلسے میں ہزاروں افراد شریک تھے، اسی دوران رش بڑھنے سے بھگدڑ مچ گئی جس نے دیکھتے ہی دیکھتے خوفناک صورتحال اختیار کرلی۔
ریاستی وزیر صحت ما سبرامنیم (Ma Subramanian) نے بتایا کہ 45 سے زائد افراد کو مختلف اسپتالوں میں داخل کیا گیا ہے، جنہیں طبی امداد فراہم کی جارہی ہے۔
بھارتی وزیراعظم نریندر مودی نے افسوس کا اظہار کرتے ہوئے اپنے سوشل میڈیا بیان میں کہا کہ سیاسی ریلی کے دوران ہونے والا یہ افسوسناک واقعہ انتہائی دل خراش ہے، متاثرہ خاندانوں کے ساتھ ہمدردی ہے اور وہ زخمیوں کی جلد صحتیابی کے لیے دعاگو ہیں۔
واضح رہے کہ بھارت میں سیاسی ریلیوں اور مذہبی اجتماعات کے دوران رش اور انتظامی کمزوری کے باعث اکثر اس نوعیت کے واقعات پیش آتے ہیں، جن میں قیمتی جانوں کا ضیاع ہوتا ہے۔
موجودہ سانحہ نے ایک بار پھر بڑے اجتماعات میں عوامی تحفظ کے حوالے سے سوالات کھڑے کردیے ہیں۔
خیال رہےکہ ریلی پردھانِ انتخابی مہم کی تھی یعنی تمل ناڈو کی آئندہ اسمبلی انتخابات کی انتخابی مہم کے ضمن میں اس کا انعقاد اداکار-پالیٹیشن Vijay کی جماعت Tamilaga Vettri Kazhagam (TVK) نے کیا تھا۔
ذریعہ
ذریعہ: Jasarat News
پڑھیں:
آپریشن العزم: سیکیورٹی فورسز کی مستونگ میں کامیاب کارروائی، 4 دہشتگرد جہنم واصل
سیکیورٹی فورسز نے آپریشن العزم کے تحت مستونگ میں کامیاب کارروائی کرتے ہوئے 4 دہشت گرد جہنم واصل کردیے۔
ذرائع کے مطابق سیکیورٹی فورسز کی آپریشن العزم کے تحت بلوچستان میں دہشت گردی کیخلاف بھرپور اور مؤثر انٹیلی جنس بیسڈ کارروائیاں جاری ہیں۔ اس سلسلے میں بلوچستان میں مستونگ کےعلاقے کھڈ کوچہ میں کامیاب کارروائی کے دوران فتنۃ الہندوستان کے 4 دہشت گرد جہنم واصل کردیے گئے۔
کامیاب آپریشن کے دوران ہلاک دہشت گردوں سے بھاری مقدار میں اسلحہ اور گولہ بارود بھی برآمد ہوا ہے۔ سیکیورٹی فورسز نے دہشت گردوں کے زیرِ استعمال موٹر سائیکلوں کو بھی ضبط کر لیا۔
بلوچستان آپریشن العزم: مستونگ میں بڑی کامیابی سیکیورٹی فورسز کی کارروائی میں 4 دہشت گرد ہلاکسیکیورٹی فورسز کی مؤثر کارروائی میں فتنۃ الہندوستان کے متعدد دہشت گردوں کے زخمی ہونے کی بھی مصدقہ اطلاعات ہیں جب کہ سیکیورٹی فورسز کی کارروائی کے دوران دہشتگردوں کی سہولت کاری میں ملوث متعدد مشتبہ افراد کو گرفتار بھی کیا گیا ہے۔
آپریشن کے دوران علاقے میں سرچ اور کلیئرنس کارروائیاں جاری ہیں جب کہ سیکیورٹی فورسز کی جانب سے مکمل نگرانی بھی برقرار ہے۔ حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کارروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
سیکیورٹی ذرائع کا کہنا ہے کہ دہشت گردی کے خاتمے اور خطے میں امن و امان کے قیام تک سیکیورٹی فورسز کی کاروائیاں مسلسل جاری رہیں گی۔
پاکستان نے ورلڈ کپ 2028 کیلیے براہ راست کوالیفائی کر لیا