حکومت پنجاب کا مختلف جیلوں میں 40 ہزار قیدیوں کو ہنرمند بنانے کیلئے مفت تربیت کا منصوبہ
اشاعت کی تاریخ: 28th, September 2025 GMT
لاہور:
پنجاب کی صوبائی حکومت نے اکتوبر سے ایک ایسا منفرد اقدام شروع کرنے کا اعلان کیا ہے جس کے تحت صوبے بھر کی 40 جیلوں میں قید 40 ہزار افراد کو ہنر مند بنانے کے لیے ایک ماہ کی مفت تربیت دی جائے گی جس میں قیدیوں کو مہمان نوازی، ویٹرنگ اور کھانا پکانے جیسی مہارتیں سکھائی جائیں گی تاکہ وہ رہائی کے بعد معاشرے میں باعزت روزگار حاصل کر سکیں۔
محکمہ سیاحت پنجاب نے اس حوالے سے محکمہ جیل خانہ جات کے ساتھ باقاعدہ معاہدہ کیا، جس سے محکمہ سیاحت نے وزیر اعلیٰ اور سینئر صوبائی وزیر مریم اورنگزیب کی ہدایت پر تیار کیا ہے۔
سیکریٹری سیاحت ڈاکٹر احسان بھٹہ نے بتایا کہ یہ تربیت ٹورازم ڈیولپمنٹ کارپوریشن پنجاب (ٹی ڈی سی پی) کے انسٹی ٹیوٹ آف ٹورازم اینڈ ہاسپیٹلیٹی مینجمنٹ کے ذریعے کرائی جائے گی، اس مقصد کے لیے جیلوں کے اندر تربیتی مراکز قائم کیے جائیں گے اور نجی شعبے کے ماہر ٹرینرز اپنی خدمات فراہم کریں گے۔
ان کا کہنا تھا کہ یہ اقدام خاص طور پر ان قیدیوں کے لیے ہے جن کی سزا آئندہ چند ماہ میں مکمل ہونے والی ہے تاکہ وہ رہائی کے بعد ہنر کے ساتھ نئی زندگی شروع کر سکیں۔
سیکریٹری سیاحت کے مطابق اس پروگرام سے نہ صرف قیدیوں کو فائدہ ہوگا بلکہ محکمہ سیاحت اور محکمہ داخلہ کے درمیان تعاون بھی بڑھے گا جبکہ غیر ملکی سیاحوں کے لیے بہتر سیکیورٹی اور سہولتوں کے مواقع بھی پیدا ہوں گے۔
انہوں نے کہا کہ صوبائی حکومت کا یہ منصوبہ قیدیوں کو صحت، صفائی اور بہتر طرزِ زندگی کے اصول سکھانے کے ساتھ ساتھ ان کی اصلاح اور بحالی میں مددگار ثابت ہوگا۔
ڈاکٹر احسان بھٹہ نے کہا کہ یہ اقدام وزیر اعلیٰ کے ہیلتھ آن وہیلز پروگرام کی طرز پر ہے، جس میں سہولتیں قیدیوں کی دہلیز پر پہنچائی جا رہی ہیں۔
انہوں نے محکمہ داخلہ اور جیل خانہ جات کا شکریہ ادا کرتے ہوئے کہا کہ اس پروگرام سے معاشرہ مجموعی طور پر فائدہ اٹھائے گا۔
.
ذریعہ
ذریعہ: Express News
پڑھیں:
24 جولائی کیلئے بھی ڈیزل اور پیٹرول کی قیمت میں اضافہ کردیا گیا
علامتی فوٹوحکومت نے مسلسل تیسرے روز پیٹرول جبکہ چوتھے روز ڈیزل کی فی لیٹر قیمت میں اضافہ کردیا ہے۔
اس حوالے سے جاری نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر جبکہ ڈیزل کی قیمت میں 3 روپے 62 پیسے فی لیٹر اضافہ کردیا گیا ہے۔
نوٹیفکیشن کے مطابق پیٹرول کی نئی قیمت 327 روپے 12 پیسے فی لیٹر مقرر کردی گئی ہے۔ اسی طرح ڈیزل کی نئی قیمت 378 روپے 66 پیسے فی لیٹر مقرر کی گئی ہے۔
اس میں کہا گیا ہے کہ پیٹرول اور ڈیزل کی نئی قیمتیں 24 جولائی کے لیے ہوں گی۔
خیال رہے کہ حکومت کی جانب سے فیصلہ کیا گیا ہے کہ خطے کی بگڑتی صورتحال کے پیش نظر روزانہ کی بنیاد پر پیٹرولیم مصنوعات کی قیمتوں کا تعین کیا جائے گا۔
اوگرا وزیراعظم یا حکومت کی منظوری کے بغیر قیمتوں کا اعلان کرے گا، جبکہ ہفتہ اور اتوار کو گزشتہ اعلان کردہ قیمتیں برقرار رہیں گی۔
یومیہ اعلان کے تحت اب تک کی تبدیلیعلم میں رہے کہ 21 جولائی کےلیے حکومت نے پیٹرول کی فی لیٹر قیمت میں 35 پیسے کمی جبکہ ڈیزل کی قیمت میں 5 روپے 71 پیسے فی لیٹر اضافہ کیا تھا۔
22 جولائی کیلئے پیٹرول کی قیمت میں 4 روپے 93 پیسے فی لیٹر جبکہ ڈیزل کی قیمت میں 7 روپے 15 پیسے فی لیٹر کا اضافہ کیا گیا تھا۔
اسی طرح 23 جولائی کےلیے حکومت نے پیٹرول کی قیمت میں 6 روپے 39 پیسے فی لیٹر جبکہ ڈیزل کی قیمت میں 7 روپے 83 پیسے فی لیٹر اضافہ کیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار