کراچی سمیت سندھ کے مختلف علاقوں بارش کا امکان
اشاعت کی تاریخ: 29th, September 2025 GMT
آئندہ 24 گھنٹوں کے دوران کراچی سمیت سندھ کے مختلف علاقوں ہلکی بارش کا امکان ہے۔
محکمہ موسمیات کے مطابق بھارتی گجرات پر موجود ڈپریشن بدستور برقرار ہے جو یکم اکتوبر تک بحیرہ عرب تک پہنچ سکتا ہے۔ ماہرِ موسمیات انجم نذیر کے مطابق اس کے مزید طاقتور ہونے کے 50 فیصد امکانات ہیں، تاہم یہ سسٹم طوفان میں تبدیل ہونے کے بجائے 4 اکتوبر کے بعد سمندر کی گہرائیوں میں ختم ہو جائے گا۔
یہ بھی پڑھیں: کراچی میں موسلادھار بارش، مختلف علاقوں میں 129 ملی میٹر تک بارش ریکارڈ
اس دوران ٹھٹھہ، سجاول، تھرپارکر اور عمرکوٹ میں بھی بارش کی توقع ہے جبکہ کراچی میں بھی طویل وقفے کے بعد پوسٹ مونسون شاورز برسنے کا امکان ہے۔
محکمہ موسمیات نے بتایا کہ شہر کا درجہ حرارت آئندہ دنوں میں معمول پر آ جائے گا، تاہم اکتوبر کو کراچی کا گرم ترین مہینہ تصور کیا جاتا ہے اور اس دوران ہیٹ ویوز کے امکانات برقرار رہتے ہیں۔
محکمہ موسمیات نے مزید کہا کہ بحیرہ عرب کے مغربی حصے میں اس وقت سمندری درجہ حرارت معمول سے کم ہے، البتہ آئندہ برسوں میں معمول سے زیادہ سمندری طوفان بننے کا خدشہ ہے، اس سال موسمِ سرما میں بارشیں کم اور سخت سردی نہ ہونے کا امکان ہے۔
یہ بھی پڑھیں: کراچی میں موسلا دھار بارش، نکاسیٔ آب کا نظام درہم برہم، 3 شہری جاں بحق
خیال رہے کہ رواں ماہ 8 سے 10 ستمبر کے دوران ہونے والی موسلا دھار بارشوں نے شہر کے کئی علاقے زیرِ آب کر دیے تھے، لیاری اور ملیر سمیت چھوٹے نالے ابل پڑے تھے جس کے باعث نشیبی علاقے ڈوب گئے تھے اور متعدد خاندانوں کو گھر بار چھوڑنا پڑا تھا۔ اس دوران گڈاپ ندی میں ڈوبنے کے باعث کئی ہلاکتیں بھی رپورٹ ہوئی تھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بارش پاکستان کراچی محکمہ موسمیات.
ذریعہ
ذریعہ: WE News
کلیدی لفظ: پاکستان کراچی محکمہ موسمیات محکمہ موسمیات کا امکان
پڑھیں:
بلوچستان کے مختلف علاقوں میں سیکیورٹی فورسز کا آپریشن، 17دہشتگرد ہلاک
فائل فوٹو۔بلوچستان کے مختلف علاقوں میں انٹیلی جنس کی بنیاد پر آپریشنز کے دوران بھارتی حمایت یافتہ فتنہ الخوارج کے 17دہشت گرد ہلاک کر دیے گئے۔
مسلح افواج کے شعبہ تعلقات عامہ آئی ایس پی آر کے مطابق سیکیورٹی فورسز نے یہ آپریشنز 24 مئی کے ٹرین واقعہ کے بعد کیے، جو مستونگ، نوشکی، زہری، خضدار اور کیچ کے اضلاع میں کیے گئے۔
آئی ایس پی آر کے مطابق دہشت گردوں کی ہلاکت سے ان علاقوں میں دہشت گرد نیٹ ورکس کو بہت زیادہ نقصان ہوا، ہلاک دہشت گردوں کے قبضے سے اسلحہ، بڑی مقدار میں بارودی مواد اور آئی ای ڈیز برآمد کیے گئے۔
آئی ایس پی آر کے مطابق یہ دہشت گرد علاقے میں متعدد دہشت گرد کارروائیوں میں ملوث رہے تھے۔ ان علاقوں میں کلیئرنس آپریشنز جاری ہیں۔
آئی ایس پی آر کے مطابق سیکیورٹی اداروں کی ملک گیر انسدادِ دہشت گردی مہم بھرپور انداز میں جاری رہے گی اور ملک سے بیرونی حمایت یافتہ دہشت گردی کے خطرے کا مکمل خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ