سابق سینیٹر مشتاق کا حراست سے قبل غزہ کے سمندر سے آخری پیغام
اشاعت کی تاریخ: 2nd, October 2025 GMT
— اسکرین گریب
گلوبل صمود فلوٹیلا میں پاکستانی وفد کی قیادت کرنے والے سابق سینیٹر مشتاق احمد خان نے گرفتاری سے قبل اپنا آخری پیغام سوشل میڈیا پر شیئر کر دیا۔
فوٹوز اینڈ ویڈیوز شیئرنگ پلیٹ فارم انسٹاگرام پر اب سے 9 گھنٹے قبل اپنا آخری پیغام شیئر کیا تھا۔
انہوں نے اپنے آخری پیغام میں کہا کہ اچھی خبر ہے کہ ڈھائی تین ہزار کلو میٹر کا سفر 20 دن اور 20 راتوں میں طے کرتے ہوئے ہم غزہ کے بہت قریب پہنچ چکے ہیں، غزہ کے ساحل سے اب ہمارا فاصلہ 2 ہندسوں میں ہے۔ اب ہم سر زمین جہاد، غزہ پہنچ رہے ہیں۔
ان کا کہنا تھا کہ اگر کوئی حادثہ پیش نہ آیا تو اگلے 6 سے 7 گھنٹوں میں ہم غزہ پہنچ جائیں گے، چونکے یہ بہت طویل سفر تھا اور تمام کشتیوں میں کوئی نہ کوئی خرابی ہے اس لیے ہمارا سفر بہت آہستہ ہے۔
سابق سینیٹر کا کہنا ہے کہ اسرائیل کی بحری جہازوں نے ہمیں گھیرے میں لیا ہوا ہے، اسرائیلی ڈرونز ہمارے سروں کے اوپر ہیں ہم پوری رات سو نہیں سکے، لیکن ہم بےخوف ہیں، ہم موت کے اوپر حاوی ہوچکے ہیں، ہم موت سے آگے اور موت ہمارے پیچھے ہے، الحمدللّٰہ ہم اللّٰہ کی مدد سے غزہ پہنچ کے رہیں گے۔
انہوں نے کہا کہ ہماری اس کشتی کا نام یافا ہے لیکن میں اسے یحیحیٰ سنوار کہتا ہوں، جس کے اوپر سبز ہلالی پرچم لگا ہوا ہے، یہ آپ کے لیے قابلِ فخر ہے، 24 کروڑ پاکستانیوں سے کہتا ہوں کہ اُٹھؤ اور اسرائیل، امریکا کے مظالم کے خلاف آگے بڑھو۔ اگلے 6 سے 7 گھنٹے اہم ہیں ہم پر حملہ ہوسکتا ہے۔
مذکورہ ویڈیو کے بعد اب سے 2 گھنٹہ قبل ایک اور ویڈیو پیغام جاری کیا گیا ہے، جسے مشتاق احمد نے گرفتاری سے قبل ریکارڈ کیا تھا تاہم اسے اب شیئر کیا گیا ہے۔
نئی ویڈیو میں سابق مشتاق احمد کہتے ہیں کہ جب آپ یہ ویڈیو دیکھ رہے ہوں گے اس وقت تک اسرائیل نے ہم پر جارحیت کی ہوگی، ہم گرفتار ہوچکے ہوں گے یا قتل کر دیے گئے ہوں گے۔ ہمیں اپنی گرفتاری اور قتل کا کوئی خوف نہیں اللّٰہ نے ہمیں ہر خوف سے آزاد کردیا ہے۔
ان کا کہنا ہے کہ گزشتہ 2 برس سے غزہ میں براہ راست قتل عام ہو رہا ہے۔ پوری دنیا کے سامنے معصوم بچوں کا قتل کیا جارہا ہے اس کے سامنے ہماری گرفتاری اور موت بے معنی ہے۔ یہ جان و مال اسی کا دیا ہوا ہے، حق تو یہ ہے کہ حق ادا ہو۔ جب آپ کو یہ ویڈیو ملے تو آپ نکلیں، احتجاج کریں، تعداد سے فرق نہیں پڑتا جہاں ہیں وہاں بھرپور احتجاج کریں، حکمرانوں پر دباؤ ڈالیں، پارلیمنٹ، قومی و صوبائی اسمبلیوں، اعوانوں کے سامنے احتجاج کریں لیکن آواز ضرور اُٹھائیں اور حکمرانوں کو مجبور کریں کہ وہ ریاستی سطح پر اس ظلم اعظم کے خلاف آواز اُٹھائیں۔
غزہ کی طرف امداد لے کر جانے والے گلوبل صمود فلوٹیلا پر اسرائیلی فوج نے حملہ کر دیا اور پاکستان کے سابق سینیٹر مشتاق احمد سمیت متعدد افراد کو حراست میں لے لیا ہے۔
انہوں نے کہا کہ اس ویڈیو کو دیکھنے کے بعد آپ احتجاج کریں سوشل میڈیا پر بھرپور آواز اُٹھائیں تاکہ جس مقصد کے لیے ہم نکلے ہیں، راہ داری کو قائم کرنا، امداد پہنچانا، نسل کشی کو روکنا اور اس نسل کشی کے ذمہ داران کو کیفر کردار تک پہنچانے کا مقصد حاصل ہوسکے۔
واضح رہے کہ گلوبل صمود فلوٹیلا 40 سے زائد کشتیوں پر مشتمل ہے اور قافلے میں 500 سے زیادہ افراد سوار ہیں۔
اسرائیلی فوج نے غزہ کے لیے امداد لے کر جانے والے اس فلوٹیلا میں شامل جہازوں اور کشتیوں کو گھیرے میں لے لیا ہے۔
ترجمان گلوبل صمود فلوٹیلا کا کہنا ہے کہ اسرائیلی افواج نے فلوٹیلا میں شامل سویڈن کی ماحولیاتی کارکن گریٹا تھنبرگ، پاکستان سے تعلق رکھنے والے سابق سینیٹر مشتاق احمد سمیت 37 ممالک سے تعلق رکھنے والے 13 امدادی کشتیوں سے 200 کارکنوں کو گرفتار کرلیا ہے۔
.
ذریعہ
ذریعہ: Jang News
کلیدی لفظ: سابق سینیٹر مشتاق احمد گلوبل صمود فلوٹیلا ا خری پیغام کا کہنا غزہ کے
پڑھیں:
سیلابی صورتِ حال کو ہتھیار بنانا بھارت کی آبی جارحیت کا ثبوت ہے:سینیٹر شیری رحمان
اسلام آباد ( ڈیلی پاکستان آن لائن ) سینیٹر شیری رحمان نے بھارت کے دہرے آبی رویئے پر تنقید کرتے ہوئے کہا ہے کہ سیلابی صورتِ حال کو ہتھیار بنانا بھارت کی آبی جارحیت کا ثبوت ہے۔ ایک طرف بھارت سندھ طاس معاہدے کو معطل کرنے کی دھمکی دیتا ہے، دوسری طرف سیلابی پانی پاکستان کی طرف چھوڑ دیتا ہے۔
’’جنگ ‘‘ کے مطابق شیری رحمان نے اپنے بیان میں کہا ہے کہ بھارت نے سلال ڈیم کےگیٹ کھول کر لاکھوں پاکستانیوں کو سیلابی خطرے سے دو چار کر دیا، دریاؤں کے پانی کو تنازع نہیں بلکہ ذمے داری کے ساتھ چلایا جانا چاہیے، بھارت کی غیر ذمے دارانہ پالیسی خطے کے امن اور اعتماد کے لیے خطرناک ہے۔بھارت کی جانب سے پانی کے بہاؤ سے متعلق بر وقت معلومات نہ دینا چیلنج بن گیا ہے، دریائے چناب کے پانی کے بہاؤ میں غیر یقینی صورتِ حال پیدا ہو رہی ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اُنہوں نے کہا کہ بھارت کے اقدامات سے آبپاشی کے نظام اور زرعی شعبے کو خطرات ہیں، دریائے چناب میں اچانک پانی کی کمی یا زیادتی سے نہری نظام متاثر ہو سکتا ہے، دریائے چناب پنجاب کے لاکھوں ایکڑ زرعی رقبے کو سیراب کرتا ہے، پانی کے بہاؤ میں تبدیلی سے فصلیں متاثر ہونے کا خدشہ ہے۔پاکستان کے کسانوں کا روزگار دریاؤں کے منظم بہاؤ سے جڑا ہے، بھارت کی غیر یقینی آبی پالیسی زرعی خطرات میں اضافہ کر رہی ہے، آبی وسائل کو ذمے دارانہ طریقے سے استعمال کیا جانا چاہیے۔بھارت کو معاہدوں کی پاسداری کرنا ہوگی، بھارت کو مغربی دریاؤں کے پانی کو ذخیرہ کرنے یا دوسرے کیچمنٹ میں منتقل کرنے کی اجازت نہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار