کراچی میں داچی آرٹس اینڈ کرافٹس ایگزیبیشن کا ہفتے سے آغاز
اشاعت کی تاریخ: 3rd, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی: ایکسپو سینٹر میں 4 اور 5 اکتوبر کو داچی آرٹس اینڈ کرافٹس ایگزیبیشن منعقد ہوگی، جس میں ملک بھر سے 200 سے زائد ہنرمند اپنی دستکاری کے شاہکار عوام کے سامنے پیش کریں گے، ایونٹ میں روایتی اور جدید فنون کا حسین امتزاج پیش کیا جائے گا، جس سے مقامی ہنر کو فروغ اور ہنرمندوں کو روزگار کے مواقع میسر آئیں گے۔
داچی فاؤنڈیشن کے زیر اہتمام یہ ایگزیبیشن گزشتہ کئی برسوں سے منعقد کی جا رہی ہے، تنظیم کا مقصد خطرے میں پڑی ہوئی دستکاریوں کو بچانا اور ہنرمندوں کو معاشی طور پر مستحکم کرنا ہے۔ فاؤنڈیشن کی ماہر ٹیم، جس میں معمار، ڈیزائنرز اور فنکار شامل ہیں، ہنرمندوں کی مدد کرتی ہے تاکہ وہ اپنی روایتی مصنوعات اور ڈیزائنز کو شہری مارکیٹ کے لیے بہتر بنا سکیں۔
ایگزیبیشن میں مٹی کے برتن، لکڑی کی کندہ کاری، کپڑوں پر روایتی ڈیزائن، دھات کی مصنوعات، قالین و کلِمز، ٹوکری سازی، لوک کھلونے، روایتی زیورات، ہنزہ کی جڑی بوٹیاں اور خشک میوہ جات سمیت متنوع اشیاء شامل ہوں گی۔
اس کے ساتھ ساتھ جدید ڈیزائنرز بھی کلاسیکی نمونوں کو نئے رنگ دے کر منفرد انداز میں پیش کریں گے۔ ایونٹ میں ایک آرٹ گیلری اور گھریلو نامیاتی کھانوں کا سیکشن بھی شامل ہوگا۔
داچی فاؤنڈیشن، جو 2010 میں عائشہ نورانی اور ان کی ٹیم نے قائم کی تھی، اب تک لاہور، کراچی اور اسلام آباد میں 22 ایگزیبیشن منعقد کر چکی ہے۔ ان ایونٹس سے نہ صرف ہنرمندوں کو مستقل آمدنی ملی بلکہ ان کے ہنر بھی محفوظ رہے۔
فاؤنڈیشن نے وبا اور قدرتی آفات کے دوران بھی ہنرمندوں کی مالی معاونت کی اور ہر ایگزیبیشن میں مشکلات سے دوچار افراد اور غیر منافع بخش تنظیموں کو مفت اسٹالز فراہم کیے۔
یہ ایگزیبیشن نہ صرف پاکستانی دستکاریوں کی خوبصورتی کو اجاگر کرے گی بلکہ مقامی فنکاروں اور کاریگروں کے لیے ایک مضبوط پلیٹ فارم فراہم کرے گی، جہاں وہ اپنے فن کو دنیا کے سامنے پیش کر سکیں گے۔
ذریعہ: Jasarat News
پڑھیں:
کراچی میں آئندہ ہفتے سے ڈبل ڈیکر بسیں اور نئی ای وی بسیں چلانے کا فیصلہ
حکومت سندھ کی جانب سے کراچی میں آئندہ ہفتے سے ڈبل ڈیکر بسیں اور نئی ای وی بسیں چلانے اور سندھ کے دیگر اضلاع میں پیپلز بس سروس کے نئے روٹس شروع کرنے کا اعلان کردیا گیا۔سندھ کے سینئر وزیر شرجیل انعام میمن کی زیر صدارت اجلاس ہوا، سیکریٹری ٹرانسپورٹ اسد ضامن، ایم ڈی ایس ایم ٹی اے کنول نظام بھٹو، سی ای او ٹرانس کراچی فواد غفار سومر، یلو لائن بی آر ٹی کے پی ڈی ضمیر عباسی اجلاس میں شریک ہوئے۔اجلاس میں سینئر وزیر شرجیل انعام میمن کو یلو لائن بی آر ٹی اور ریڈ لائن بی آر ٹی کے ترقیاتی کام میں پیش رفت پر بریفنگ دی گئی۔کراچی میں ای وی ٹیکسی سروس شروع کرنے اور پنک اسکوٹیز اسکیم کے دوسرے مرحلے پر سینئر وزیر شرجیل انعام میمن کو آگہی دی گئی۔شرجیل انعام میمن نے کہا کہ امید ہے کہ ڈبل ڈیکر بسیں اور نئی ای وی بسیں آئندہ ہفتے تک کراچی میں پہنچ جائیں گی، کراچی کے عوام کے لئے ڈبل ڈیکر کا روٹ شروع کرنے کے ساتھ ساتھ ای وی بسز کے نئے روٹ بھی شروع کرنے جا رہے ہیں۔صوبائی سینئر وزیر نے کہا کہ حکومت سندھ دسمبر تک ای وی ٹیکسی شروع کرنے اور حالیہ مالی سال مزید پانچ سو بسیں لانے ارادہ رکھتی ہے، سندھ کے دیگر اضلاع میں بہت جلد پیپلز بس سروس کے نئے روٹس بھی شروع کرنے جا رہے ہیں۔شرجیل انعام میمن نے ٹرانسپورٹ حکام کو نئے روٹس کے حوالے سے آپریشنل تیاریاں مکمل کرنے کی ہدایات کی۔سینئر صوبائی وزیر نے کہا کہ تمام ڈویژنل ہیڈکوارٹرز میں خواتین اور طالبات کو اسکوٹیز چلانے کی تربیت دینے کا سلسلہ بھی شروع کیا جارہا ہے. یلو لائن بی آر ٹی پر شب و روز کام جاری ہے، حکومت سندھ یلو لائن بی آر ٹی پر کام جلد از جلد مکمل کرنا چاہتی ہے۔انہوں نے ہدایت کی کہ یلو لائن بی آر ٹی کے ترقیاتی کام میں تیزی لائی جائے، ڈیپوز کا کام بھی جلد از جلد مکمل کیا جائے اور کہا کہ تاج حیدر پل کے دوسرے حصے کا کام جلد شروع کیا جائے گا، تاج حیدر پل پر دو طرفہ ٹریفک آج سے چلائی جارہی ہے۔شرجیل انعام میمن نے کہا کہ یلو لائن بی آر ٹی میں حائل یوٹلٹیز کی منتقلی جلد یقینی بنائی جائے، تاکہ کام کی رفتار متاثر نہ ہو۔
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟