بی جے پی کی اسلام دشمنی میں شدت، ضلع سنبھل میں ماہ کے دوران دوسری مسجد شہید
اشاعت کی تاریخ: 5th, October 2025 GMT
بھارت میں آر ایس ایس کے نظریے پر چلنے والی مودی حکومت کے دور میں مسلمانوں کے مذہبی مقامات ایک بار پھر نشانے پر ہیں۔ بھارتی ریاست اتر پردیش کے ضلع سنبھل میں ایک 10 سال پرانی مسجد کو انتظامیہ نے تجاوزات کا الزام لگا کر مسمار کر دیا۔
یہ بھی پڑھیں:بھارت: 185 سال پرانی مسجد کا ایک حصہ منہدم کردیا گیا
عینی شاہدین کے مطابق، رائے بزرگ گاؤں میں مسجد کو فوجی دستے اور بھاری پولیس نفری کی موجودگی میں گرایا گیا، جس سے مقامی آبادی میں سخت اشتعال پایا جاتا ہے۔
بھارتی اخبار دی ٹیلی گراف انڈیا نے انکشاف کیا کہ یہ واقعہ گزشتہ 4 ماہ میں دوسری مسجد کی مسماری ہے۔ اس سے قبل رضائے مصطفیٰ مسجد کو بھی ضلعی انتظامیہ نے انہی وجوہات کے تحت منہدم کیا تھا۔
’سنبھل کو کاشی اور ایودھیا کی طرز پر بنایا جائے گا‘
اتر پردیش کے وزیراعلیٰ یوگی آدتیہ ناتھ نے پہلے ہی عندیہ دیا تھا کہ رام مندر کی تعمیر کے بعد ایودھیا ترقی اور روحانیت کا مرکز بن چکا ہے، اب سنبھل کو بھی کاشی اور ایودھیا کی طرز پر تیار کیا جائے گا۔
تجزیہ کاروں کا کہنا ہے کہ یہ بیان دراصل مسلم شناخت مٹانے کے ایجنڈے کی طرف واضح اشارہ ہے۔
سیاسی ماہرین کے مطابق، یوگی آدتیہ ناتھ اور نریندر مودی کی حکومت، آر ایس ایس کے ہندوتوا نظریے کو عملی جامہ پہنا رہی ہے۔
مساجد کی مسماری اور مذہبی مقامات پر حملے، ریاستی سرپرستی میں جاری اسلام دشمن مہم کا تسلسل ہیں۔
تجزیہ کاروں نے کہا کہ یہ اقدامات بھارتی سیکولرازم کے تابوت میں آخری کیل ثابت ہو سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایودھیا بی جے پی ضلع سنبھل مسجد مسجد شہید مودی یوگی آدتیہ ناتھ.
ذریعہ
ذریعہ: WE News
کلیدی لفظ: بی جے پی ضلع سنبھل مسجد مسجد شہید یوگی ا دتیہ ناتھ
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان