محنت کشوں کوتبدیلی کے لیے میدان میں نکلناہوگا‘منعم ظفر
اشاعت کی تاریخ: 6th, October 2025 GMT
data-id="863a0a8" data-element_type="widget" data-widget_type="theme-post-content.default">
محنت کشوںکواپنے حقوق کے حصول کے لیے میدان میں نکلناہوگا۔محنت کشوںکے ادارے کرپشن کاگڑھ بنے ہوئے ہیں۔سرمایہ دارانہ نظام محنت کشوں کااستحصال کررہاہے۔کراچی کے تمام صنعتی علاقوںاورلیبرکالونیوںمیں بھرپور طریقے سے کام کیا جائے۔ اسلام کا عادلانہ نظام ہی محنت کشوں کے دکھوں کا مداوا کر سکتا ہے۔ یہ بات امیر جماعت اسلامی کراچی منعم ظفرخان نے نیشنل لیبر فیڈریشن کراچی کی مجلس عاملہ کے اجلاس سے زیر صدرات خالد خان صدرNLF کراچی کے دفترالآمنہ پلازہ میں ہونے والے اجلاس سے خطاب کرتے ہوئے کہی۔اس موقع پر این ایل ایف کراچی سے ملحقہ یونینزکے صدور اور جنرل سیکرٹریز نے بھی شرکت کی۔ NLF کراچی کے صدر خالد خان، پاسلویونین پاکستان اسٹیل کے سابق صدرزاہد عسکری ، این ایل ایف کراچی کے جنرل سیکرٹری قاسم جمال ودیگرنے بھی خطاب کیا۔ منعم ظفرخان نے کہاکہ ملک میں مہنگائی غربت کاراج ہے ایسے میں محنت کش طبقہ شدیدپریشانی اورمشکلات کا شکار ہے۔ محنت کشوںکے اداروں میں کرپشن کاراج ہے اور محنت کشوںکوبنیادی حقوق بھی نہیں دیے جا رہے ہیں۔ پیپلزپارٹی نعرے تومزدوروںکے لگاتی ہے لیکن سب سے زیادہ استحصال پیپلز پارٹی ہی کررہی ہے ۔اس کیلئے ضروری ہے محنت کش جدوجہداورکشمکش کاراستہ اختیارکریں۔ روس کے ٹوٹنے کے بعد مزدور تحریک نے بھی دم توڑدیاہے لیکن نیشنل لیبر فیڈریشن کاایک شاندارماضی ہے اورپاکستان اسٹیل ،پی آئی اے ،شپ یارڈ،پی این ایس سی،ریلوے میں این ایل ایف کاہی راج ہوتاتھا۔آج ضرورت ہے ہم پھرنئے عزم اورولولے کے ساتھ صفت بندی کریں اور شہر کے تمام صنعتی علاقوں اور لیبر کالونیوں میں محنت کشوں سے رابطہ کیاجائے۔محنت کشوں کو جماعت اسلامی کے زیراہتمام لاہور مینار پاکستان میں ماہ نومبرمیں ہونے والے اجتماع عام میں شرکت کی دعوت دی جائے اور ملک میں تبدیلی کے لیے محنت کش اپنا کردار ادا کریں۔ جماعت اسلامی محنت کشوں کے حقوق کی محافظ ہے اورہم محنت کشوںکے ساتھ کسی بھی قسم کا ظلم اور زیادتی برداشت نہیں کریں گے اور ان کے لیے ہر سطح پر بھرپور آواز اُٹھائی جائے گی۔ سندھ لیبر کوڈ ٹریڈ یونینزکے لیے تباہ کن ہے اس کو فی الفورختم کیا جائے۔ اور ٹھیکیداری نظام استحصال اورظلم کی بدترین شکل ہے ٹھیکیداری نظام کو جڑسے اکھاڑ پھینکا جائے۔ این ایل ایف کراچی کے صدر خالد خان نے کہاکہ حکمرانوں نے محنت کشوں کو دیوار سے لگاد یا ہے۔80 فیصد فیکٹریوں میں کم ازکم اجرت ادانہیں کی جاتی اورنہ ہی انہیں سوشل سیکورٹی، ای اوبی آئی میں رجسٹرڈ کیا جاتا ہے۔سندھ لیبرکوڈ کے ذریعے ٹریڈیونینز کو ختم کرنے کی سازش کی جارہی ہے۔ این ایل ایف شہرکے تمام صنعتی علاقوں میں بھرپور طریقے سے متحرک ہوگی اورہم محنت کشوں کے ساتھ ظلم وزیادتی برداشت نہیں کریں گے۔ اس اجلاس میں نیشنل لیبر فیڈریشن کراچی کے سینئر نائب صدر صغیر احمد انصاری، نائب صدر محمد خالق عثمانی، سینئر جوائنٹ سیکرٹری امیر روان، جوائنٹ سیکرٹری اشتیاق احمد، آرگنائز نگ سیکرٹری رضوان علی، ایٹکو لیبریونین کے جنرل سیکرٹری اسماعیل شاہ، واٹربورڈ جنرل ایمپلائزیونین کے سینئر نائب صدر فرخند علی، عارف مسیح اور رئیس، کوہ نور سوپ یونین کے جنرل سیکرٹری اسرار احمد، PTCL یونین کے صدر جمیل، کراچی ڈویژن کے عمران شمسی اور عمران، نیشنل ڈاک ورکرز یونین پورٹ قاسم کے جنرل سیکرٹری نور شاہ، میرٹ پیکیجز یونین کے چیئرمین عامر اور شہادت، پیکساریونین کے جنرل سیکریٹری فرقان احمد انصاری، کامران لیما اور شاہ روخ ، I.
ذریعہ: Jasarat News
کلیدی لفظ: کے جنرل سیکرٹری ایل ایف کراچی کے یونین کے کے صدر کے لیے
پڑھیں:
وزیراعظم شہباز شریف کراچی تشریف لا رہے ہیں تو 500 ارب کے منصوبوں کا اعلان کریں: منعم ظفر
---فائل فوٹوامیرِ جماعتِ اسلامی کراچی منعم ظفر نے مطالبہ کرتے ہوئے کہا ہے کہ وزیرِ اعظم شہباز شریف کراچی تشریف لا رہے ہیں تو 500 ارب کے منصوبوں کا اعلان کریں۔
امیرِ جماعت اسلامی کراچی منعم ظفر خان نے ٹی ایم سی گلبرگ کا دورہ کیا۔
منعم ظفر نے اپنے بیان میں کہا ہے کہ کراچی کا انفرا اسٹرکچر تباہی کا شکار ہے، ای چالان کے نام پر لوگوں کے لیے مشکلات کھڑی کر دی گئی ہیں۔
منعم ظفر کا کہنا مزید تھا کہ گلبرگ میں ہیلتھ کیئر یونٹ کا قیام اتنی مہنگائی میں زبردست تحفہ ہے، اس ہیلتھ کیئر یونٹ کا افتتاح حافظ نعیم الرحمان نے کیا، پچھلے دو ہفتوں میں 1500 او پی ڈی ہو چکیں، 50 روپے کی پرچی ہے۔
منعم ظفر نے یہ بھی کہا کہ 9 ٹاؤنز میں سارے ہیلتھ کیئر سینٹرز کو ماڈل ہیلتھ سینٹر بنائیں گے۔
واضح رہے کہ وزیرِاعظم شہباز شریف آج ایک روزہ دورے پر کراچی پہنچے ہیں۔
وزیرِ اعلیٰ سندھ مراد علی شاہ، چیف سیکریٹری، آئی جی سندھ اور دیگر نے شہباز شریف کا استقبال کیا۔
سپریم کورٹ کے ججوں کے استعفے پر پی ٹی آئی رہنماء کا ردعمل