اے این ایف کا ملک کے مختلف شہروں میں سماج دشمن عناصر کیخلاف کریک ڈائون
اشاعت کی تاریخ: 6th, October 2025 GMT
اے این ایف کا ملک کے مختلف شہروں میں سماج دشمن عناصر کیخلاف کریک ڈائون جاری ہے ،چھ کارروائیوں میں 4 ملزمان گرفتار کر لئے،لاکھوں روپے مالیت کی منشیات برآمد کر لی گئی،اینٹی نارکوٹکس فورس کی جانب سے اسلام آباد،راولپنڈی ،ملتان، پشین،اٹک اورپشاور کارروائیاں کی گئیں،کارروائیوں کے دوران منشیات سمگلرزسے بھاری مقدار میں منشیات برآمدکر لی گئی ہے،اے این ایف نے ملزمان کیخلاف مقدمات درج کرکے تحقیقات کا آغاز کر دیا ہے-
ذریعہ: Daily Mumtaz
پڑھیں:
پنجاب کے مختلف شہروں میں آندھی اور موسلا دھار بارش، متعدد علاقوں میں بجلی معطل
لاہور:پنجاب بھر میں آندھی اور موسلا دھار بارش نے موسم کو خوشگوار بنا دیا ہے، جبکہ کئی علاقوں میں بجلی کی فراہمی معطل ہونے سے شہریوں کو مشکلات کا سامنا کرنا پڑا۔
صوبائی دارالحکومت لاہور میں مختلف علاقوں میں طوفانی بارش اور تیز ہواؤں کا سلسلہ وقفے وقفے سے جاری ہے۔
لکشمی چوک، نسبت روڈ، مال روڈ، ڈیوس روڈ، گلبرگ، جوہر ٹاؤن، گرین ٹاؤن اور ٹاؤن شپ سمیت متعدد علاقوں میں تیز بارش ریکارڈ کی گئی۔
موجودہ درجہ حرارت 26 ڈگری سینٹی گریڈ ہے، جبکہ آج زیادہ سے زیادہ درجہ حرارت 31 اور کم سے کم 19 ڈگری سینٹی گریڈ رہنے کا امکان ہے، محکمہ موسمیات کے مطابق آئندہ 24 گھنٹوں کے دوران بارش کا سلسلہ جاری رہے گا۔
سرائے مغل، ہنجرائے خورد، ہنجرائے کلاں، اور ہلہ شیخم سمیت گردونواح میں موسلا دھار بارش سے موسم خوشگوار ہو گیا، جبکہ متعدد فیڈرز ٹرپ کرنے کے باعث درجنوں علاقوں میں بجلی کی فراہمی معطل ہو گئی۔
شہریوں نے گرمی سے نجات پر خوشی کا اظہار کیا مگر بجلی بندش پر پریشانی بھی نظر آئی۔
اوکاڑہ شہر اور گردونواح میں گرج چمک کے ساتھ طوفانی بارش ہوئی جس سے گرمی کا زور ٹوٹ گیا۔ شہریوں نے موسم کی تبدیلی کو خوش آئند قرار دیا۔
ساہیوال اور قریبی علاقوں میں تیز آندھی اور ہلکی بارش ہوئی آندھی کے باعث متعدد علاقوں میں بجلی بند ہوگئی تاہم بارش کے بعد حبس میں کمی آئی اور موسم خوشگوار ہو گیا۔
سانگلہ ہل شہر اور مضافاتی علاقوں میں گرج چمک اور تیز ہواؤں کے ساتھ موسلا دھار بارش ہوئی۔ بجلی کی بندش نے معمولات زندگی متاثر کیے۔ بارش کے بعد گرمی کی شدت کم ہو گئی۔
چونیاں، کالاشاہ کاکو اور بنگہ حیات ان علاقوں میں بھی تیز بارش اور آندھی کے باعث موسم سہانا ہوگیا تاہم کئی علاقوں میں نشیبی علاقے زیر آب آ گئے اور بجلی کا نظام متاثر ہوا۔ بنگہ حیات میں ژالہ باری کی بھی اطلاعات موصول ہوئیں۔
پاکپتن شہر اور گردونواح میں گرد کا طوفان چھا گیا جس کے باعث شہریوں کو پریشانی کا سامنا کرنا پڑا، جبکہ بعض مقامات پر بارش کے آثار بھی دیکھنے میں آئے۔
قصور شہر اور گردونواح میں بھی بادلوں کی گرج اور تیز ہواؤں کے ساتھ بارش ہوئی جس سے موسم خوشگوار ہو گیا۔
وزیر اعلیٰ کے پی کے کے خلاف عدم اعتماد؛ کابینہ کے اہم وزرا کے استعفے؛صوبے میں کرپشن کا بھی دعویٰ