سندھ میں میٹرک و انٹر امتحانات کی ای مارکنگ کا باقاعدہ آغاز 4 دسمبر کو ہوگا
اشاعت کی تاریخ: 14th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی: سندھ کے امتحانی نظام میں ایک اہم تبدیلی کی جا رہی ہے، جس کے تحت میٹرک اور انٹرمیڈیٹ کے امتحانات کو روایتی طریقہ کار سے نکال کر مکمل طور پر ڈیجیٹل اسسمنٹ کے مرحلے میں منتقل کیا جا رہا ہے۔
نجی ٹی وی کی رپورٹ کے مطابق اس سلسلے میں ای مارکنگ کے منصوبے کی باقاعدہ لانچنگ 4 دسمبر کو کراچی میں منعقد ہوگی، جہاں پورے ملک سے 29 مختلف تعلیمی بورڈز کے سربراہان کے ساتھ ساتھ آئی بی سی سی کے اعلیٰ حکام بھی شرکت کریں گے۔
اس تقریب کا مقصد نہ صرف ای مارکنگ کے جدید نظام کا باضابطہ آغاز کرنا ہے بلکہ سندھ میں امتحانی عمل کو بین الاقوامی تقاضوں سے ہم آہنگ بنانا بھی ہے۔
وفاقی تعلیمی بورڈ اس موقع پر سندھ کے تمام تعلیمی بورڈز کو وہ تمام تکنیکی سافٹ ویئر فراہم کرے گا جو ای مارکنگ اور امتحانی کاپیوں کی اسکیننگ سے لے کر بار کوڈ اور کیو آر کوڈ سسٹم تک مکمل میکانزم کو چلانے کے لیے ضروری ہیں۔
اس جدید نظام کا عملی استعمال 2026ء کے سالانہ امتحانات سے شروع کیا جائے گا۔ یہ پہلی مرتبہ ہوگا کہ سندھ کے امتحانی عملے کو ملک گیر سطح پر یکساں ڈجیٹل ٹولز مہیا کیے جائیں گے، جن کے ذریعے طلبہ کے امتحانات میں شفافیت، تیزی اور کارکردگی میں بہتری آئے گی۔
اس سلسلے میں سندھ حکومت نے امتحانات کی ڈیجیٹلائزیشن اور ای مارکنگ کے نفاذ کے لیے ایک اعلیٰ سطح کی کمیٹی بھی قائم کر دی ہے، جس کا نوٹیفکیشن محکمہ یونیورسٹیز اینڈ بورڈز کے سیکریٹری عباس بلوچ نے جاری کیا۔ کمیٹی میں کراچی انٹرمیڈیٹ بورڈ، شہید بینظیر آباد بورڈ اور سکھر تعلیمی بورڈ کے چیئرمین شامل ہیں، جبکہ ایڈیشنل سیکریٹری بھی اس ٹیم کا حصہ ہیں۔
اس کمیٹی کی ذمے داری ہے کہ وہ ای مارکنگ کے نظام کو سندھ کے تعلیمی ڈھانچے میں مؤثر انداز میں نافذ کرنے کے لیے تجاویز اور عملی منصوبہ بندی مرتب کرے۔
اعلیٰ ثانوی تعلیمی بورڈ کراچی کے چیئرمین نے میڈیا سے گفتگو کرتے ہوئے بتایا کہ سندھ نے وفاقی حکام کو اس بات پر قائل کیا ہے کہ جس طرح اعلیٰ تعلیم کے شعبے میں پی ایچ ڈی اسکالرشپس ملک بھر میں فراہم کی جاتی ہیں، اسی طرح ای مارکنگ کا نظام بھی صوبوں تک منتقل کیا جانا چاہیے۔
انہوں نے کہا کہ 2026 کے امتحانات میں انٹرمیڈیٹ کے پری انجینئرنگ اور پری میڈیکل کے طلبہ کی کاپیوں کی مارکنگ پہلی مرتبہ مکمل طور پر ڈیجیٹل ہوگی۔ ہر امتحانی کاپی کے ہر صفحے پر کیو آر کوڈ درج ہوگا اور اسکیننگ کے بعد ہر سوال صرف ایک مخصوص مارکر کے پاس جائے گا، جس کا مقصد یہ ہے کہ ہر سوال کی جانچ مختلف اساتذہ کریں تاکہ امتحانی نتائج میں کسی بھی قسم کی جانبداری یا غلطی کا امکان کم سے کم رہ جائے۔
.
ذریعہ
ذریعہ: Jasarat News
کلیدی لفظ: مارکنگ کے تعلیمی بورڈ سندھ کے
پڑھیں:
دبئی ایئرپورٹ پر اے آئی امیگریشن سسٹم متعارف، 3.4 سیکنڈ میں کلیئرنس
دبئی: دبئی ایئرپورٹ اے آئی امیگریشن سسٹم کے ذریعے مسافروں کے لیے سفر کو مزید تیز اور آسان بنانے کی جانب ایک اہم قدم اٹھا لیا گیا ہے۔ مصنوعی ذہانت (AI) پر مبنی جدید بارڈر کنٹرول نظام کی آزمائش کامیاب رہی ہے، جس کے تحت مسافر صرف 3.4 سیکنڈ میں امیگریشن کا مرحلہ مکمل کر سکتے ہیں۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق اس جدید نظام میں اے آئی سے لیس بایومیٹرک کیمرے بیک وقت 10 مسافروں کی شناخت کرنے کی صلاحیت رکھتے ہیں۔
بغیر پاسپورٹ دکھائے امیگریشن کلیئر
نئے سسٹم کے تحت “ریڈ کارپٹ لین” استعمال کرنے والے رجسٹرڈ مسافروں کو پاسپورٹ یا بورڈنگ پاس دکھانے کی ضرورت نہیں ہوگی۔ انہیں صرف اپنا چہرہ کھلا رکھ کر بایومیٹرک کیمرے پر موجود سبز اشارے کی طرف دیکھنا ہوگا، جس کے بعد شناخت کا عمل خودکار طور پر مکمل ہو جائے گا۔
ابتدائی مرحلے میں کن مسافروں کے لیے؟
ابتدائی طور پر اس جدید سسٹم کا آغاز دبئی ایئرپورٹ کے ٹرمینل 3 پر فرسٹ کلاس اور بزنس کلاس کے مسافروں کے لیے کیا گیا تھا، تاہم کامیاب آزمائش کے بعد اب اس سہولت کو مزید آنے والے مسافروں تک توسیع دی جا رہی ہے۔
اعداد و شمار کے مطابق 2025 کے دوران 5 لاکھ 28 ہزار سے زائد مسافروں نے دبئی کے “اسمارٹ کوریڈور” سے استفادہ کیا، جبکہ گزشتہ سال 2 کروڑ 60 لاکھ سے زیادہ مسافروں نے اسمارٹ گیٹس کے ذریعے سفر کیا۔
کن افراد کو یہ سہولت حاصل ہوگی؟
حکام کے مطابق متحدہ عرب امارات اور خلیجی ممالک کے شہری، یو اے ای کے رہائشی اور بایومیٹرک پاسپورٹ رکھنے والے ویزا آن ارائیول مسافر اس سہولت سے خودکار طور پر فائدہ اٹھا سکیں گے۔ تاہم 1.2 میٹر سے کم قد رکھنے والے بچوں کے لیے یہ نظام فی الحال دستیاب نہیں ہوگا۔
دبئی ایئرپورٹس کے چیف ایگزیکٹو پال گریفتھس کا کہنا ہے کہ اس جدید ٹیکنالوجی کا مقصد سیکیورٹی کو برقرار رکھتے ہوئے امیگریشن کے عمل کو زیادہ تیز، آسان اور مؤثر بنانا ہے۔ ان کے مطابق مستقبل میں دبئی ایئرپورٹ اے آئی امیگریشن سسٹم تمام مسافروں کے لیے دستیاب ہوگا، جس سے ہوائی سفر کا تجربہ مزید بہتر ہونے کی توقع ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا