منموہن سنگھ کی آواز میں فون کال، انوپم کھیر نے اپنے دوست کو کیسے بیوقوف بنایا؟
اشاعت کی تاریخ: 10th, October 2025 GMT
بالی ووڈ کے معروف اداکار انوپم کھیر نے حالیہ انٹرویو میں انکشاف کیا ہے کہ سابق وزیرِاعظم ڈاکٹر منموہن سنگھ کا کردار ادا کرنا اُن کے فنی سفر کا سب سے مشکل مرحلہ تھا۔ انوپم کھیر کے مطابق، ان کی شخصیت، لب و لہجہ اور حرکات و سکنات کو مکمل طور پر سمجھنے کے لیے اُنہوں نے کئی ماہ تک مسلسل مشق کی۔
ایک انٹرویو میں بات کرتے ہوئے انوپم کھیر نے کہا کہ گاندھی جی اور ٹیگور جیسے تاریخی شخصیات کے لیے ہمارے پاس کافی دستاویزی مواد موجود ہوتا ہے، جیسے کہ پرانی تصاویر، ویڈیوز اور فلمیں، جن کی مدد سے اُن کی شخصیت کو سمجھا جا سکتا ہے۔ مگر ڈاکٹر منموہن سنگھ کا معاملہ مختلف تھا۔
یہ بھی پڑھیں: بھارت میں گاندھی کی جگہ انوپم کھیر کی تصویر والے نوٹ برآمد، ویڈیو وائرل
ان کا کہنا تھا کہ وہ ہمارے دور کی شخصیت ہیں، جنہیں ہم نے ٹی وی پر، تقاریر میں اور خبروں میں دیکھا ہے۔ اُن کا اندازِ گفتگو، جسمانی حرکات اور نرم لہجہ سب کچھ بہت نپا تُلا اور خاص تھا۔ اس لیے یہ کردار تلوار کی دھار پر چلنے کے مترادف تھا۔
انوپم کھیر نے بتایا کہ اُنہوں نے تقریباً 5سے 6 ماہ تک ڈاکٹر سنگھ کے اندازِ، چلنے پھرنے اور بات کرنے کی ریہرسل کی۔ ان کے مطابق ’ہم لندن کے ایک دیہی علاقے میں شوٹنگ کر رہے تھے۔ پہلے دن جب میں سیڑھیاں چڑھنے اور اترنے کی مشق کر رہا تھا، کسی نے ویڈیو بنا کر سوشل میڈیا پر اپلوڈ کر دی۔ وہ ویڈیو اتنی حقیقت پسندانہ تھی کہ لوگوں کو یقین نہیں آیا کہ وہ میں ہوں‘۔
یہ بھی پڑھیں: زیرِ سمندر اسکوٹر رائیڈنگ کا انوکھا اور دلچسپ تجربہ
اداکار نے ایک دلچسپ واقعہ بھی شیئر کیا، جس سے اُن کی تیاری کا اندازہ ہوتا ہے۔ انہوں نے بتایا کہ ڈاکٹر سنگھ کی آواز کا ایک مخصوص انداز ہے۔ ایک دن میں نے مذاقاً اپنے دہلی والے دوست کو اُن کی آواز میں فون کیا۔ میرے دوست کو یقین ہو گیا کہ فون ڈاکٹر منموہن سنگھ نے کیا ہے۔ میرے لیے یہ لمحہ سب سے بڑا امتحان تھا اور کامیاب بھی۔
انسٹاگرام پر جاری ایک پوسٹ میں انوپم کھیر نے اپنے تین اہم تاریخی کرداروں رابندر ناتھ ٹیگور، مہاتما گاندھی اور ڈاکٹر منموہن سنگھ کی تصاویر کا ایک کولاج شیئر کیا۔ کیپشن میں انہوں نے لکھا تین کردار، ایک اداکار! کبھی کبھی اپنے آپ کو اور دوسروں کو اپنی قدر کا احساس دلانا ضروری ہوتا ہے۔
انوپم کھیر کی ٹیگور پر مبنی فلم تاحال ریلیز نہیں ہوئی، تاہم اُن کے سابقہ کام کو دیکھتے ہوئے توقع کی جا رہی ہے کہ یہ پرفارمنس بھی اُن کے فنی کیریئر کا ایک یادگار اضافہ ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انوپم کھیر بالی ووڈ منموہن سنگھ.
ذریعہ
ذریعہ: WE News
کلیدی لفظ: انوپم کھیر بالی ووڈ منموہن سنگھ ڈاکٹر منموہن سنگھ
پڑھیں:
لاہور میں گینگ ریپ کی شکار 18 سالہ گھریلو ملازمہ اسقاطِ حمل کے دوران جاں بحق
لاہور ( اُردو پوائنٹ اخبارتازہ ترین۔ 02 جون2026ء ) لاہور کے علاقے ماڈل ٹاؤن میں مبینہ زیادتی کا شکار ہونے والی 18 سالہ گھریلو ملازمہ اسقاطِ حمل کے دوران جان کی بازی ہار گئی۔ میڈیا رپورٹس کے مطابق لاہور کے علاقہ ماڈل ٹاؤن کے ایک گھر میں ملازمہ کے طور پر کام کرنے والی 18 سالہ لڑکی مبینہ طور پر گینگ ریپ اور بعد ازاں غیر قانونی طبی طریقہ کار کے باعث زندگی کی بازی ہار گئی ہے، متوفیہ نے ہسپتال میں دم توڑنے سے قبل اپنے بیانات ریکارڈ کرادیئے۔ پولیس حکام کا کہنا ہے کہ لڑکی کا حمل ضائع کرنے کے لیے اسے پہلے رائے ونڈ کے ایک نجی کلینک لے جایا گیا، جہاں حالت بگڑنے پر اسے سروسز ہسپتال منتقل کیا گیا، وہ دو روز تک سروسز ہسپتال میں زیرِ علاج رہنے کے بعد دم توڑ گئی، متاثرہ لڑکی نے اپنے تحریری اور ویڈیو بیانات میں مکان مالک کے بیٹے اور ڈرائیور پر اجتماعی زیادتی کا سنگین الزام عائد کیا تھا، بعد میں مبینہ دباؤ کے تحت لڑکی نے اپنے بیان میں تبدیلی کی اور اپنے آخری بیان میں صرف ڈرائیور کو ہی نامزد کیا۔(جاری ہے)
پولیس نے بتایا کہ لڑکی کے ابتدائی بیانات کی روشنی میں گینگ ریپ کا مقدمہ درج کیا گیا تھا، تاہم اس کی موت کے بعد مقدمے میں باقاعدہ طور پر قتل کی دفعات بھی شامل کر دی گئی ہیں، ایک نامزد ملزم ڈرائیور کو گرفتار کرکے جوڈیشل ریمانڈ پر جیل بھیج دیا گیا ہے، قتل کی دفعات شامل ہونے کے بعد کیس کی تفتیش جینڈر سیل سے تبدیل کرکے انویسٹی گیشن ونگ کے سپرد کر دی گئی ہے، پولیس نے گھر کے مالکان سمیت ان تمام افراد کو دوبارہ شاملِ تفتیش کرنے کے لیے نوٹسز جاری کر دیئے ہیں جنہیں پہلے کلیئر کر دیا گیا تھا۔ پولیس کا کہنا ہے کہ ضابطہ فوجداری کی دفعہ 164 کے تحت ریکارڈ کیے گئے بیانات کا دوبارہ باریک بینی سے جائزہ لیا جائے گا، متوفیہ کا پوسٹ مارٹم مکمل کر لیا گیا ہے اور موت کی اصل وجہ رپورٹ آنے کے بعد واضح ہوگی، اگر رائے ونڈ کے نجی کلینک کی جانب سے غفلت یا غیر قانونی طریقہ کار کے شواہد ملے تو اس کے خلاف بھی سخت قانونی کارروائی کی جائے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ