سہیل آفریدی وزیر اعلیٰ خیبرپختونخوا منتخب، اپوزیشن کابائیکاٹ
اشاعت کی تاریخ: 14th, October 2025 GMT
پرچی سے وزیر اعلیٰ نہیں بنا، محنت کر کے یہاں پہنچا ہوں، نام کے ساتھ زرداری یا بھٹو لگنے سے کوئی لیڈر نہیں بن جاتا،خیبرپختونخواہ میں ہمارے لوگوں کو اعتماد میں لیے بغیر آپریشن نہیں ہوگا
بانی پی ٹی آئی کو فیملی اور جماعت کی مشاورت کے بغیر ادھر ادھر کیا تو پورا ملک جام کر دیں گے، کوئی یہ نہ سوچے میں منصب پر آگیا ہوں تو نظریے سے ہٹ جائوں گا،یہ بھول ہوگی، پہلا خطاب
پاکستان تحریک انصاف کے نامزد امیدوار سہیل آفریدی 90 ووٹ لے کر نئے وزیراعلیٰ خیبر پختونخوا منتخب ہو گئے ۔نئے وزیراعلیٰ خیبر پختونخوا کے انتخاب کے لیے صوبائی اسمبلی کا اجلاس ہوا، اپوزیشن اراکین واک آؤٹ کرتے ہوئے ایوان سے باہر چلے گئے۔ ایوان سے پہلے خطاب میں کہا کہ بانی پی ٹی آئی کو فیملی اور جماعت کی مشاورت کے بغیر ادھر ادھر کیا تو پورا ملک جام کر دیں گے، کوئی یہ نہ سوچے میں منصب پر آگیا ہوں تو نظریے سے ہٹ جائوں گا،یہ بھول ہوگی۔خیبرپختونخوا صرف عمران خان کا ہے اور یہاں پر صرف عمران خان کی چلے گی، میرا لیڈر جب آپریشن کے خلاف ہے تو یہاں کوئی آپریشن نہیں کرسکتا، تمام فیصلے بند کمروں میں کیے گئے، ذات کے لیے فیصلے کیے گئے، یہ اس مسئلے کا حل نہیں، براہ مہربانی آپ افغانستان کی پالیسی پر نظر ثانی کریں، جو بھی پالیسی بنائیں اس میں خیبرپختونخواہ کی حکومت، یہاں کے عوام اور قبائلی لوگوں کو اعتماد میں لیں تو انشائاللہ مثبت جواب آئے گا۔ ریاست عوام ہے اور عوام ہی ریاست ہے۔خیبر پختونخوا اسمبلی کا اجلاس سپیکر بابر سلیم سواتی کی زیر صدارت شروع ہوا، علی امین گنڈاپور ایوان میں پہنچے تو حکومتی اراکین نے کھڑے ہو کر ان کا استقبال کیا، سہیل آفریدی کو 90 ایم پی ایز نے منتخب کیا۔قائد ایوان منتخب ہونے کے بعد سہیل آفریدی کا کے پی اسمبلی کے اجلاس سے اظہار خیال کرتے ہوئے کہنا تھا کہ میں بانی پی ٹی آئی کا مشکور ہوں کہ انہوں نے ایک ادنیٰ سے ورکر کو جس کا نا بھائی، نا باپ اور نا ہی چچا ہی سیاست میں ہے اسے اس عہدے کے لیے منتخب کیا، پرچی سے وزیر اعلیٰ نہیں بنا، محنت کر کے یہاں پہنچا ہوں، میں سب سے پہلے پاکستانی، پھر پختون اور قبائلی ہوں، نام کے ساتھ زرداری یا بھٹو لگنے سے کوئی لیڈر نہیں بن جاتا۔سہیل آفریدی نے کہا کہ عوام کی بدولت ہی ریاست قائم رہتی ہے، اس عوام نے 8فروری کو پورے پاکستان میں صرف اورصرف پی ٹی آئی کو ووٹ دیا تھا، بدقسمتی سے8فروری کو دھاندلی کی گئی، لندن پلان میں خیبرپختونخوا میں پی ٹی آئی کو ختم کرنے کا منصوبہ بھی بنایا گیا۔ان کا یہ بھی کہنا تھا کہ یہاں دوبارہ دہشتگردی لانے کی کوشش کی گئی، دنیا ڈائیلاگ کی جانب جارہی ہے، لیڈر کی جانب سے جو بھی ہدایات آئیں پہلے کی طرح فرنٹ سے لیڈ کروں گا، آپ کی معلوم ہے میں احتجاجی سیاست کا چیمپئن ہوں۔انہوں نے دعویٰ کیا کہ کچھ دنوں سے کہا جارہا ہے بانی کی جیل تبدیل کی جارہی ہے، اعلان کرتا ہوں بانی کی بغیر مشاورت جیل تبدیل کی گئی تو پورا پاکستان جام کریں گے، بدقسمتی سے یس بوس نہ کہنے کے بعدلندن پلان کے مطابق میرے لیڈر کی جمہوری حکومت کو گرایا گیا۔
.ذریعہ: Juraat
کلیدی لفظ: پی ٹی ا ئی کو سہیل ا فریدی
پڑھیں:
اڈیالے کی بجائے اپنے صوبے کےہسپتالوں، سکولوں میں جاؤ؛ مریم اورنگزیب کا سہیل آفریدی کومشورہ
اڈیالہ جیل کے باہر پی ٹی آئی کے احتجاج کے جواب میں پنجاب کی سینئیر وزیر مریم اورنگ زیب نے کہا ہے، عمران خان کو مریم نواز نے جیل میں بند نہیں کیا ۔عمران خان کو ان کے اعمال کی سزا مل رہی ہے۔عمران خان کو عدالتی فیصلوں نے جیل میں ڈالا ہے۔ وہ عدالتوں کو خط لکھیں۔
مریم اورنگ زیب نے کہا،وزیر اعلی کے پی نے مریم نواز کو خط لکھا ، لیکن وزیر اعلی پنجاب نے کچھ نہیں کرنا ۔ اڈیالہ جیل میں تمام قیدی محفوظ ہیں،بہت سے لوگ وہاں ہیں، اللہ سب کی خیر کرے ۔
کاغان کے بازار میں آگ بھڑک اٹھی،50 کمروں پر مشتمل ہوٹل جل کر راکھ
23 نومبر کو خیبر پختونخوا کی عوام نے کے پی حکومت کیخلاف احتجاج کیا۔خیبرپختونخوا کی عوام وہاں کی حکومت کیخلاف احتجاج کر رہی ہے۔
مریم اورنگزیب نےکہا، کے پی کی عوام پنجاب میں ترقی ہوتے دیکھ رہی ہے اور اپنی حکومت اور وزیر اعلی کو بھی دیکھ رہے ہیں کہ وہ کدھر جا رہے ہیں۔ اس لیے ہی خیبر پختونخوا میں ضمنی الیکشن ہوئے تو مسلم لیگ نون کو ووٹ پڑا ہے۔
مریم اورنگ زیب نے کہا، پی ٹی آئی نے احتجاج کی 6 مرتبہ کال دی لیکن عوام نہیں نکلے۔
نیپال کرکٹ لیگ میں سٹہ، 9 بھارتی جواری گرفتار
عوام کو سستی روٹی مل رہی یے، مریم نواز اور شہباز شریف بہترین کام کر رہے ہیں ۔ پاکستان کو دوبارہ سے عزت مل رہی یے ملک ترقی کر رہا ہے۔
مری ماورنگ زیب نے علیمہ خان اور نورین خان کے سڑک پر گھسیٹے جانے کے الزامات کی سختی سے تردید کی اور کہا، اڈیالہ (جیل) کے باہر دو رشتہ دار بیٹھ کر کہتے ہیں کہ ہمیں گھسیٹا ہے، لیکن جب ثبوت مانگیں تو کچھ نہیں ہوتا۔
مریم اورنگ زیب نے سوال کیا، کیا اڈیالہ یا کسی جیل میں قیدیوں کو یہ سہولت ہے کہ ان کے رشتے دار جیل کے باہر سڑکیں بلاک کریں۔
پنجاب کی عوام کیلئے 3 مرلہ کے مفت پلاٹ، اپلائی کا آسان طریقہ سامنے آگیا
پنجاب کی سینئیر وزیر نے کہا، کے پی حکومت پنجاب اور وفاقی حکومت سے الجھنے کی بجائے اپنے صوبے پر توجہ دے ۔
وزیر اعلی ہسپتالوں میں جائیں جہاں دوائی نہیں سکولوں میں جائیں جہاں بچے ان کا انتظار کر رہے ہیں۔
ان سڑکوں پر جائیں جہاں کھڈے ہیں۔ عوام کے مسائل حل کریں ۔
وزیر اعلی کے پی اپنی ترقی کی کوئی مثال دکھائیں کوئی کام کریں تاکہ وہ یاد رہیں ۔
ہمیں دکھ تکلیف ہوتا ہے کہ کے پی کے کے عوام مشکلات کا سامنا کر رہے ہیں۔
فضا بدستور آلودہ،لاہورفضائی آلودگی کی عالمی درجہ بندی میں دوسرے نمبر پرآ گیا
علی امین گنڈاپور تین مرتبہ تمام سرکاری مشینری کے ساتھ (اڈیالہ جیل والی سڑک پر) آئے لیکن اپنی گاڑی سے باہر نہیں نکلتے تھے ۔
وزیر اعلی کے پی اپنی گاڑیاں اڈیالہ جیل کی بجائے کے پی کی طرف موڑیں اور عوام کو ریلیف کیلیے کام کریں۔
کپنجاب کی سینئیر وزیر نے کہا، ے پی کی سرکاری وسائل سے یہ پنجاب پولیس والوں کو زخمی کرتے ہیں۔
پنجاب میں اس دفعہ بہت سختی ہے۔
پنجاب میں سیکیورٹی، سیفٹی اور لا اینڈ آرڈر کے حوالے سے زیرہ ٹولرینس پالیسی پر عمل ہو رہا ہے۔
پاکستانی فاسٹ بالر نے تاریخ رقم کردی، ڈبل ہیٹ ٹرک
مریم اورنگ زیب نے کہا، آج مریم نواز کے دور میں ہمارے سیاسی دشمن بھی کہہ رہے ہیں کہ بچے خواتین اور لوگ اپنے آپ کو محفوظ محسوس کر رہے ہیں۔
پی ٹی آئی نے پورے زور سے الیکشن لڑا لیکن عوام نے فساد جھوٹے بیانیے کو مسترد کر دیا ۔
Waseem Azmet
خاتون کی بریت کے بعد پولیس ریکارڈ مینجمنٹ سے ریکارڈ ڈیلیٹ کرنے کی استدعا مسترد