ایران ایئر کا پاکستان کیلیے فلائٹ آپریشن شروع کرنے کا اعلان
اشاعت کی تاریخ: 15th, October 2025 GMT
اسلام آباد:۔ ایران ایئر نے پاکستان کے لیے فلائٹ آپریشن شروع کرنے کااعلان کیا ہے۔ تفصیلات کے مطابق ابتدائی طورپرہفتہ وارایک پرواز مشہد اور لاہور کے درمیان آپریٹ ہوگی۔
پروازوں سے مشہد سے لاہور کے درمیان فضائی رابطہ بحال ہوجائے گا۔ 29اکتوبر سے ہفتہ وار پرواز کا باقاعدہ آغاز ہوگا۔
دوسری جانب پاکستان کی سول ایوی ایشن اتھارٹی کی جانب سے سیرین ایئر کو 2 ہفتے کے لیے مشروط فلائٹ آپریشن کی اجازت دے دی گئی، ایئرلائن جدہ سے مسافروں کو واپس لائے گی۔
ترجمان سی اے اے نے بتایا کہ سیرین ایئر اجازت صرف جدہ میں پھنسے مسافروں کو وطن واپس لانے کیلئے دی گئی ہے، سیرین ایئر جدہ میں پھنسے طیارے کو بھی وطن لاسکے گی، سیرین ایئر کو ملک سے بیرون ملک فلائٹ آپریشن کی اجازت نہیں ہوگی۔سول ایوی ایشن اتھارٹی نے ریگولیٹری قوانین کی خلاف ورزی پر سیرین ایئر کا ایئر آپریٹرز سرٹیفکیٹ معطل کیا تھا۔
.
ذریعہ: Al Qamar Online
کلیدی لفظ: فلائٹ آپریشن سیرین ایئر
پڑھیں:
اسرائیلی محاصرے میں رفح کی سرنگوں میں پھنسے 30 فلسطینی جان کی بازی ہار گئے
data-id="863a0a8" data-element_type="widget" data-widget_type="theme-post-content.default">
غزہ کی پٹی پر اسرائیل کی مسلسل جارحیت نے ایک بار پھر جنوبی علاقے رفح کو شدید انسانی بحران کی طرف دھکیل دیا ہے۔
عرب میڈیا کے مطابق اسرائیلی فوج نے اعتراف کیا ہے کہ رفح کے زیرِ زمین سرنگی نظام میں پھنسے ہوئے تقریباً 30 افراد اب تک زندگی کی بازی ہار چکے ہیں جب کہ رپورٹس میں بتایا گیا ہے کہ سرنگوں میں محصور افراد کی تعداد اور اموات کہیں زیادہ ہو سکتی ہیں، کیونکہ ان علاقوں تک رسائی نہایت محدود اور خطرناک ہے۔
رپورٹ کے مطابق جاں بحق ہونے والوں میں سے 9 افراد مشرقی رفح کے قریب زیرِ زمین راستوں میں دم توڑ گئے۔
دریں اثنا جمعہ کے روز غزہ کے جنوبی شہر بنی سہیلہ میں اسرائیلی ڈرون حملے نے ایک اور فلسطینی کی جان لے لی۔ فلسطینی خبر رساں ایجنسی ’’وفا‘‘ نے بتایا کہ ڈرون نے علاقے پر براہِ راست میزائل فائر کیا، جس کے نتیجے میں شہری موقع پر شہید ہوگیا۔
علاوہ ازیں اسی روز خان یونس کے مشرقی مضافات بھی اسرائیلی توپ خانے کی شدید فائرنگ کی زد میں آگئے۔ مقامی ذرائع کے مطابق کئی مقامات پر بھاری شیلنگ نے گھروں اور بنیادی ڈھانچے کو نقصان پہنچایا۔
رفح پر فضائی حملوں کی تازہ لہر نے آبادی کو مزید عدم تحفظ کا شکار کیا جب کہ غزہ کے ساحلی علاقوں میں اسرائیلی بحریہ کی فائرنگ نے انسانی نقل و حرکت کو مزید محدود کر دیا ہے۔ وسطی غزہ میں البریج کیمپ کے نزدیک اسرائیلی زمینی فوج کی فائرنگ نے بھی مہاجر کیمپ کے کئی مکینوں میں خوف و ہراس پھیلا دیا۔
تحریک تحفظ آئین کا اہم اجلاس دسمبر میں تین روزہ عوامی رابطہ مہم کا اعلان