’سہیل آفریدی میرا اوپننگ بلے باز ہے‘، بانی پی ٹی آئی عمران خان کا وزیراعلیٰ خیبرپنختوا کے لیے خصوصی پیغام
اشاعت کی تاریخ: 15th, October 2025 GMT
اڈیالہ جیل میں قید بانی پی ٹی آئی اور سابق وزیراعظم عمران خان نے بدھ کے روز ایکس پر جاری بیان میں خیبر پختونخوا میں حکومت کی پرامن منتقلی پر صوبائی اسمبلی کے ارکان کو مبارکباد دی ہے۔
عمران خان نے نئے وزیراعلیٰ سہیل آفریدی کے لیے کہا کہ وہ ان کے اوپننگ بیٹسمین ہیں، جنہیں پُراعتماد انداز میں کھیلنا چاہیے۔
یہ بھی پڑھیں: سہیل آفریدی نے بطور وزیراعلیٰ خیبرپختونخوا عہدے کا حلف اٹھا لیا
بیان میں عمران خان نے واضح کیا کہ پی ٹی آئی ملک کی سب سے بڑی سیاسی جماعت ہے، اس کے کارکنوں کو محض اختلافِ رائے کی بنیاد پر ’غدار یا ریاست دشمن‘ قرار دینا خطرناک رجحان ہے۔
’سیاسی اختلاف کو ملک دشمنی سے جوڑنا جمہوری اقدار کے خلاف ہے، میں ہر اس پالیسی کی مخالفت کرتا رہا ہوں جو عوام یا پاکستان کے مفاد کے خلاف ہو، اور آئندہ بھی کرتا رہوں گا۔‘
عمران خان نے زور دیا کہ خیبر پختونخوا کی عوام نے پی ٹی آئی کو مینڈیٹ دیا ہے، لہٰذا ان کی حکومت عوام کو جوابدہ ہے، ڈی جی آئی ایس پی آر کو نہیں۔
عمران خان نے سابق وزیراعلیٰ علی امین گنڈا پور کو بھی خراجِ تحسین پیش کرتے ہوئے کہا کہ علی امین نے بغیر کسی ہچکچاہٹ کے 3 بار استعفیٰ دیا۔
مزید پڑھیں:
’جو پارٹی نظم و ضبط کی اعلیٰ مثال ہے، یہ ثابت کرتا ہے کہ خیبر پختونخوا میں پی ٹی آئی کا نظریہ مضبوط ہے۔‘
انہوں نے کہا کہ ان کی فوج سے کوئی دشمنی نہیں، کیونکہ ’فوج میری اپنی ہے جیسے یہ ملک اور اس کے عوام میرے اپنے ہیں۔
عمران خان نے بتایا کہ ان کے خاندان کے کئی افراد فوج میں خدمات انجام دے چکے ہیں، اور 1965 کی جنگ کے دوران زمان پارک کے تقریباً ہر گھر سے جوان محاذِ جنگ پر موجود تھے۔
مزید پڑھیں:
عمران خان نے دہشت گردی کے خلاف جاری کارروائیوں پر بات کرتے ہوئے کہا کہ فوجی آپریشنز سے دہشت گردی ختم نہیں کی جا سکی، ان کارروائیوں میں شہری بھی مارے جاتے ہیں اور بے گھر ہوتے ہیں۔
’مستقل امن کے لیے ضروری ہے کہ فیصلے بند کمروں میں نہیں بلکہ سیاسی مشاورت سے کیے جائیں۔‘
انہوں نے ہدایت دی کہ خیبر پختونخوا کی نئی حکومت تمام اسٹیک ہولڈرز، بشمول قبائلی عمائدین، وفاقی و صوبائی حکومتوں اور افغان حکام سے مشاورت کرے اور ایک جامع انسدادِ دہشت گردی حکمتِ عملی تشکیل دے تاکہ پائیدار امن اور معاشی استحکام حاصل کیا جا سکے۔
مزید پڑھیں:
عمران خان نے مریدکے میں تحریکِ لبیک کارکنوں پر حالیہ تشدد کی بھی شدید مذمت کی، انہوں نے کہا کہ بے گناہ اور نہتے شہریوں پر گولیاں چلانا ناقابلِ قبول ہے۔
’میں مریدکے سانحے میں ہونے والی فائرنگ اور انسانی جانوں کے ضیاع کی شدید مذمت کرتا ہوں۔‘
انہوں نے کہا کہ جو ظلم تحریکِ لبیک کے کارکنوں پر ڈھایا گیا، وہی ناانصافی پی ٹی آئی کے کارکنوں پر گزشتہ 3 برس سے ہو رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیک ہولڈرز خیبر پختونخوا خیبرپختونخوا سہیل آفریدی مریدکے.ذریعہ: WE News
کلیدی لفظ: اسٹیک ہولڈرز خیبر پختونخوا خیبرپختونخوا سہیل ا فریدی مریدکے خیبر پختونخوا پی ٹی آئی انہوں نے کے لیے کہا کہ
پڑھیں:
نئےوزیراعلیٰ خیبر پختونخوا سہیل آفریدی بیرون ملک سفرنہیں کرسکتے
خیبرپختونخوا کے نئے منتخب وزیراعلیٰ سہیل آفریدی بیرون ملک سفرنہیں کرسکتے۔
نجی ٹی وی کے مطابق نئے منتخب وزیراعلیٰ کا نام پی این آئی ایل (نوفلائی لسٹ) میں شامل ہے، سہیل آفریدی کا نام وزارت داخلہ کی سفارش پرنومئی واقعات کے بعد نو فلائی لسٹ میں شامل کیا گیا تھا۔
سہیل آفریدی کیخلاف نیشنل سائبرکرائم ایجنسی میں ریاستی اداروں اوراہم شخصیات کیخلاف لکھنے پرانکوائری چل رہی ہے، سرکاری دستاویزات کے مطابق وزیراعلیٰ خیبر پختونخوا نے مالی سال 2021،2022،2023 میں کوئی ٹیکس ادا نہیں کیا۔
وزیراعلیٰ سہیل آفریدی کا نام ایف بی آر کی نان فائلرلسٹ میں شامل ہے، وزیراعلیٰ ایک بار 2019 میں متحدہ عرب امارات کا دورہ بھی کرچکے ہیں۔
سہیل آفریدی نے اپنے پاسپورٹ کی 2021 سے تجدید بھی نہیں کرائی۔
غزہ امن معاہدہ مشرق وسطیٰ میں دیرپا امن کے قیام کا تاریخی موقع ہے، وزیراعظم