اسلام آباد+ واشنگٹن (خبرنگار خصوصی+ این این آئی) پاکستان اور عالمی مالیاتی ادارے کے درمیان7 ارب ڈالرز سے زائد کے قرض پروگرام کے دوسرے جائزے کے لیے سٹاف لیول معاہدہ طے پاگیا، ایگزیکٹو بورڈ کی منظوری کے بعد پاکستان کو 1.2 ارب ڈالر کی قسط جاری کی جائے گی، حکام نے آئی ایم ایف کو قرض پروگرام پر مکمل عمل درآمد کی یقین دہانی کرا دی۔ آئی ایم ایف نے بدھ کو اعلان کیا کہ پاکستان کے ساتھ قرض پروگراموں پر سٹاف لیول معاہدہ طے پا گیا ہے جس کے بعد فنڈ کے ایگزیکٹو بورڈ کی منظوری کے بعد پاکستان کو 1.
2 ارب ڈالر کی قسط تک رسائی حاصل ہو جائے گی، اگر منظوری مل گئی تو آئی ایم ایف، پاکستان کو ایک ارب ڈالر اپنی توسیعی فنڈ سہولت (ای ایف ایف)کے تحت اور 20 کروڑ ڈالر اپنی لچک اور پائیداری سہولت (آر ایس ایف) کے تحت فراہم کرے گا، جس سے ان دونوں پروگراموں کے تحت مجموعی ادائیگیاں تقریبا 3.3 ارب ڈالر تک پہنچ جائیں گی۔ آئی ایم ایف کے بیان میں مشن کی سربراہ ایوا پیٹرووا نے کہا کہ سٹاف لیول کا معاہدہ ابھی بھی آئی ایم ایف کے ایگزیکٹو بورڈ کی منظوری سے مشروط ہے۔ انہوں نے کہا کہ ای ایف ایف کی معاونت سے پاکستان کا اقتصادی پروگرام معاشی استحکام کو مضبوط کر رہا ہے اور منڈی کے اعتماد کو بحال کر رہا ہے۔ ایوا پیٹرووا کے مطابق پاکستان کی معاشی بحالی درست سمت میں گامزن ہے، مالی سال 25-2024 ء میں جاری کھاتوں کا توازن 14 سال بعد پہلی بار سرپلس (فاضل) رہا، مالیاتی خسارہ پروگرام کے ہدف سے بہتر رہا، مہنگائی قابو میں ہے، زرمبادلہ کے ذخائر میں بہتری آئی ہے اور مالیاتی حالات بہتر ہو رہے ہیں کیونکہ خود مختار بانڈز کے سپریڈ میں نمایاں کمی آئی ہے تاہم انہوں نے کہا کہ حالیہ سیلاب نے معیشت کے منظرنامے خاص طور پر زرعی شعبے پر منفی اثر ڈالا ہے، جس کے نتیجے میں مالی سال 26-2025 ء کے لیے مجموعی ملکی پیداوار (جی ڈی پی)کا تخمینہ کم ہو کر تقریبا3.25 سے3.5 فیصد رہ گیا ہے۔
وزیراعظم شہباز شریف نے پاکستان اور عالمی مالیاتی فنڈ کے درمیان ایکسٹینڈڈ فنڈ فیسیلٹی اور ریزیلیئنس اینڈ سسٹین ایبلٹی کے حوالے سے ایک ارب20 کروڑ ڈالر فنڈ کے لئے سٹاف لیول معاہدہ طے پا جانے پر اطمینان کا اظہار کرتے ہوئے کہا ہے کہ سٹاف لیول معاہدہ پاکستان کے میکرو اکنامک اشاریوں میں ہونے والی بہتری کا عکاس ہے۔ پی ایم آفس کے میڈیا ونگ سے جاری بیان کے مطابق وزیراعظم محمد شہباز شریف نے کہا کہ سٹاف لیول معاہدہ عالمی مالیاتی کے فنڈ پاکستان کی تیزی سے بہتر ہوتی معاشی صورتحال پر اعتماد کا اظہار ہے، یہ آئی ایم ایف کے پاکستان کی معاشی ترقی کی شرح ، ادارہ جاتی اصلاحات پر اطمینان اور حکومتی پالیسیوں پر اعتماد کا مظہر ہے۔ وزیر اعظم نے کہا کہ وفاقی وزیر خزانہ، وزیر مملکت برائے خزانہ، وفاقی سیکرٹری خزانہ اور ان کی تمام ٹیم تحسین کی مستحق ہے جن کی محنت کی بدولت آئی ایم ایف کے ساتھ یہ معاہدہ طے پایا۔ پاکستان کی معیشت درست سمت میں گامزن ہے، ملک کی ترقی و خوشحالی کے لیے تمام تر اقدامات اٹھائیں گے۔دریں اثنا وزیراعظم شہبازشریف نے صدر آصف زرداری سے ملاقات کی۔ وزیراعظم کے ہمراہ نائب وزیر اعظم اسحاق ڈار، وفاقی وزیر احسن اقبال بھی تھے۔ ملاقات میں موجودہ سیاسی اور سکیورٹی صورتحال سے متعلق امور کا جائزہ لیا گیا۔ وزیراعظم نے صدر مملکت کو حالیہ دورہ مصر اور ملائیشیا سے متعلق آگاہ کیا۔ غزہ امن کی کوششوں، عالمی رہنماؤں سے ملاقاتوں سے بھی صدر کو آگاہ کیا۔ صدر اور وزیراعظم نے ون آن ون ملاقات میں اہم قومی ترجیحات پر تبادلہ خیال کیا۔ صدر اور وزیراعظم نے قومی اہمیت کے امور پر سیاسی مشاورت جاری رکھنے پر اتفاق کیا۔علاوہ ازیں آزاد جموں و کشمیر کی بدلتی صورتحال اور متوقع عدم اعتماد تحریک کے تناظر میں صدر مملکت آصف علی زرداری اور وزیر اعظم شہباز شریف کے درمیان آج ایوان صدر اسلام آباد میں اہم ملاقات ہوئی ۔ملاقات میں آزاد کشمیر میں قائم وزیر اعظم چوہدری انوار الحق کی کار کردگی ،پارلیمانی عدم اعتماد اور آئندہ کے سیاسی لائحہ عمل پر تفصیلی مشاورت کی گئی۔ذرائع کے مطابق دونوں رہنمائوں نے پیپلزپارٹی اور مسلم لیگ ن کی آزاد کشمیر میں پوزیشن،اراکین اسمبلی کے تحفظات اور حکومت مخالف دبائو کا جائزہ لیا۔ملاقات میں اتفاق کیا گیا کہ آزاد کشمیر میں سیاسی استحکام ،آئینی تسلسل اور عوامی نمائندگی کے تقاضوں کو پورا کرنے کیلئے باہمی مشاورت اور آئینی راستے اپنائے جائیں۔سیاسی مبصرین کے مطابق اسلام آباد میں ہونیوالی یہ ملاقات آزاد کشمیر میں ممکنہ سیاسی تبدیلی کے حوالے سے فیصلہ کن پیش رفت تصور کی جارہی ہے۔جو آنیوالے دنوں میں اسمبلی کی صورتحال پر واضح اثرات ڈال سکتی ہے۔ علاوہ ازیں وزیراعظم شہباز شریف نے کہا ہے کہ پاکستان آسٹریلیا کے ساتھ بالخصوص زراعت و لائیو سٹاک کے شعبوں میں تعاون اور اعلیٰ معیار کے گوشت کی برآمد کے لئے مضبوط تعلقات کا خواہاں ہے۔ ان خیالات کا اظہار آسٹریلیا کے سبکدوش ہونے والے ہائی کمشنر نیل ہاکنز سے گفتگو کرتے ہوئے کیا، جنہوں نے وزیراعظم سے الوداعی ملاقات کی۔ وزیراعظم نے ہائی کمشنر کو پاکستان میں اپنی مدت ملازمت کی کامیابی سے تکمیل پر مبارکباد دی اور پاکستان آسٹریلیا تعلقات کی مضبوطی میں مثبت کردار ادا کرنے پر ان کا شکریہ ادا کیا۔ دریں اثناء وزیراعظم محمد شہباز شریف نے پاک افغان سرحد پر افغان طالبان، فتنہ الہندوستان اور فتنہ الخوارج کی جانب سے اشتعال انگیزی پر تشویش کا اظہار کرتے ہوئے کرم سیکٹر میں افغان طالبان کے حملے کو ناکام بنانے پر سکیورٹی فورسز کو خراج تحسین پیش کیا ہے۔ وزیر اعظم نے کہا کہ افغان طالبان کو ان کی بلا اشتعال جارحیت کے جواب میں پاک فوج نے بھرپور جواب دیا۔ ملکی سالمیت کا ہر صورت دفاع کیا جائے گا۔
ذریعہ: Nawaiwaqt
کلیدی لفظ:
سٹاف لیول معاہدہ
آئی ایم ایف کے
شہباز شریف نے
پاکستان کی
ملاقات میں
معاہدہ طے
نے کہا کہ
کے مطابق
ارب ڈالر
کا اظہار
پڑھیں:
تاجروں اور صنعتکاروں کا ریلوے پر اعتماد بحال کرینگے،جہاں بابر
data-id="863a0a8" data-element_type="widget" data-widget_type="theme-post-content.default">
حیدرآباد (کامرس رپورٹر)ڈویڑنل کمرشل آفیسر کراچی،پاکستان ریلوے جہاں بابر نے کہا کہ حیدرآباد چیمبر آف اسمال ٹریڈرز اینڈ اسمال انڈسٹری کے ساتھ مل کر تاجروں اور صنعتکاروں کا پاکستان ریلوے پر اعتماد بحال کرینگے۔ انہوں نے کہا کہ اگر چیمبر کی جانب سے پیش کی گئی سفارشات پر مکمل عمل کیا جائے تو نا صرف حیدرآباد ریلوے اسٹیشن کو بین الاقوامی طرز کا بنایا جاسکتا بلکہ پاکستان ریلوے کو بھی بہتر ریونیو جنریٹ کر کے دیا جاسکتا ہے ان خیالات کا اظہار اْنہوں نے حیدرآباد چیمبر آف اسمال ٹریڈرز اینڈ اسمال انڈسٹری کے دورے پر تاجروں سے خطاب کرتے ہوئے کیا انہوں نے مزید کہا کہ بدین لائن کے ساتھ سندھ میں موجود ریلوے کی زمینوں پر انکروچمنٹ ختم کرنے کے لیے آپریشن کیے جارہے ہیں جس سے صنعتکاروں کو لا اینڈ آرڈر کی صورتحال بہتر نظر آئے گی۔ اس کے ساتھ حیدرآباد ریلوے اسٹیشن کے اطراف کی حالت کی بہتری کے لیے بھی ضلعی انتظامیہ سے کئی میٹنگز کی جارہی ہیں تاکہ آنے والے مسافروں کو بہتر سہولیات مل سکیں۔انہوں نے کہا ٹرین کی ٹائمننگ آن لائن بکنگ و دیگر معلومات کے لیے ایک نئی ایپلیکیشن متعارف کروا دی گئی ہے انہوں نے چیمبر کی سفارش پر حیدرآباد میں کارگو گاڑی کے اسٹے کے لیے جلد لائحہ عمل بنانے کا عندیہ دیا۔ اس سے قبل سینئر نائب صدر احمد ادریس چوہان نے بتایا کہ صدر چیمبر سلیم میمن کی جانب سے وزیر اعظم پاکستان اور وفاقی وزیر ریلوے کو حیدرآباد ریلوے اسٹیشن کی ریفارمز پر سفارشات پر مبنی لیٹر لکھا گیا جس کے جواب میں ریلوے منسٹری سے چیمبر کو باقاعدہ حیدرآباد ریلوے اسٹیشن کے لیے بنائی گئی شارٹ ٹرم اینڈ مڈٹرم پالیسیوں سے آگاہ کیا گیا اور ریلوے حکام کا یہ وزٹ بھی اسی سلسلے میں ہے۔انہوں اپنے خطاب میں چیمبر ممبران کے لیے اسپیشل ٹریول ڈسکاؤنٹ، بزنس کمیونٹی کے لیے ریاعتی کارڈ، حیدرآباد سے کراچی و پنجاب اسپیشل روٹس پر ٹرین، اور چیمبر ممبران کے لیے اسپیشل کوٹہ، ایس ایم ایز سیکٹر کے لیے کارگو سروسز میں خصوصی بزنس پیکجز، حیدرآباد ریلوے اسٹیشن کی اپگریڈیشن، ٹریک مینٹیننس اور لوڈنگ پوائنٹس اور اسٹیشن پر مسافروں کی سہولیات پر مبنی سفارشات پیش کیں۔ اس موقع پر نائب صدر شان سہگل نے کہا کہ حیدرآباد کے تاجروں کے لیے کارگو ٹرین کو حیدرآباد میں اسٹے کروانا چاہیے تاکہ حیدرآباد کے تاجر اپنا مال لوڈ اور آف لوڈ اسی اسٹیشن سے کروا سکیں اور ان کا کراچی سے مال منگوانے کا خرچہ بچ سکے۔ اس کے ساتھ ریلوے حکام اور چیمبر کے درمیان بہتر لائزن اور فوکل پرسنز کے زریعے مسائل کی نشاندھی بھی بہت ضروری ہے ٹرین سروسز میں کھانے کی سہولیات کا اسٹینڈرڈ کو بہتر کرنے کی ضرورت ہے انہوں نے کہا کہ اگر پاکستان ریلوے کو دنیا کی طرح اس ادارے کو منافع بخش ادارہ بنانا ہے تو اس کے سسٹمز کو ڈیجیٹلائزڈ کرنا پڑے گا۔ اس موقع پر ممبران ایگزیکٹو کمیٹی، اکرم انصاری، اشفاق صدیق، اقبال موٹلانی، شریف پنجانی اصغر خلجی، صنور قریشی، ممبران سکندر علی راجپوت، عامر شہاب نے ریلوے اسٹیشن کی بہتری سے متعلق سوالات کیے جن کے تسلی بخش جوابات عمران رئیس، ڈویڑنل ایگزیکٹو انجینئر، راؤ عارف، اسٹیشن سپرینٹنڈنٹ حیدرآباد اور ندیم قریشی ریزرویشن سپروائزر حیدرآباد کی جانب سے دیے گئے۔ اس موقع پر تاجروں کی ایک بڑی تعداد اس پروگرام میں موجود تھی۔
کامرس رپورٹر
گلزار
وزیراعظم سے چیئرمین جوائنٹ چیفس آف اسٹاف کمیٹی جنرل ساحر شمشاد کی الوداعی ملاقات