سفیرِ پاکستان فیصل نیاز ترمذی کیلئے اماراتی اعلیٰ ترین شہری ایوارڈ
اشاعت کی تاریخ: 16th, October 2025 GMT
پاکستانی سفیر فیصل نیاز ترمذی—فائل فوٹو
پاکستان کے سفیر فیصل نیاز ترمذی کو متحدہ عرب امارات کی جانب سے اعلیٰ ترین شہری اعزاز فرسٹ کلاس آرڈر آف زاید II سے نوازا گیا ہے۔
یہ اعزاز ابوظبی میں گزشتہ 3 سال سے تعینات سفیر فیصل نیاز ترمذی کی دو طرفہ تعلقات کو مضبوط بنانے میں نمایاں خدمات کے اعتراف میں دیا گیا ہے۔
ابوظبی میں منعقدہ تقریب میں اماراتی معاون وزیرِ خارجہ خلیفہ شاہین المرار نے اعزاز پیش کیا اور اماراتی صدر شیخ محمد بن زاید النہیان اور نائب وزیر خارجہ شیخ عبداللّٰہ بن زاید النہیان کے پیغامات بھی سفیر تک پہنچائے۔
یہ بھی پڑھیے بھارت نے ایک بار پھر کھیل اور خود کا مذاق بنایا: فیصل نیاز ترمذیاس موقع پر سفیر فیصل نیاز ترمذی نے کہا کہ یہ اعزاز صرف ان کا نہیں بلکہ پاکستانی سفارت کاری اور کمیونٹی کی محنت کا اعتراف ہے۔
انہوں نے اماراتی قیادت، سفارتخانے کے عملے اور پاکستانی کمیونٹی کا شکریہ ادا کیا۔
سفیر نے مزید کہا کہ وہ وزیرِ اعظم شہباز شریف اور وزیرِ خارجہ اسحاق ڈار کے تعاون اور اعتماد پر بھی ممنون ہیں اور یہ اعزاز دونوں ممالک کے درمیان تاریخی تعلقات کی مضبوطی کی علامت ہے۔
.ذریعہ: Jang News
کلیدی لفظ: سفیر فیصل نیاز ترمذی
پڑھیں:
حقیقی عوامی سیاست کی بنیاد بھٹو نے رکھی وزیر اعلیٰ بلوچستان میر سرفراز بگٹی
سٹی 42: وزیر اعلیٰ بلوچستان میر سرفراز بگٹی نے پاکستان پیپلز پارٹی کی 58 ویں یوم تاسیس کی تقریب سے خطاب کیا ۔ انہوں نے کہا حقیقی عوامی سیاست کی بنیاد بھٹو نے رکھی ، پیپلز پارٹی ہمیشہ پاکستان کی وحدت کی ضمانت رہی ۔
وزیر اعلیٰ بلوچستان میر سرفراز بگٹی نے کہا دہشت گردی اور انتشار کے خلاف ریاست اور عوام متحد کھڑے ہیں، پیپلز پارٹی ہمیشہ پاکستان کی وحدت کی ضمانت رہی ہے ۔شہید ذوالفقار علی بھٹو نے سیاست کو ڈرائنگ روم سے نکال کر عوام کے درمیان لایا، حقیقی عوامی سیاست کی بنیاد بھٹو نے رکھی۔بھٹو شہید کے تاریخی فیصلوں نے پاکستان کو ناقابلِ تسخیر ایٹمی طاقت بنایا، بھارتی جارحیت کا جواب اسی مضبوط بنیاد کا نتیجہ ہے ۔
پیٹرولیم مصنوعات کی قیمتوں میں 6 روپے 35 پیسے تک کمی کا امکان
پیپلز پارٹی واحد جماعت ہے جس نے کھلے عام دہشت گردوں کو للکارا، کارکنوں کی قربانیوں کے باوجود نظریے سے پیچھے نہیں ہٹے۔بے نظیر بھٹو نے میزائل ٹیکنالوجی سے دفاعِ پاکستان کو نئی بلندی دی، ان کا آخری خطاب آج بھی قومی یادداشت کا حصہ ہے۔
میر سرفراز بگٹی نے کہا صدر آصف علی زرداری نے “پاکستان کھپے” کہہ کر فیڈریشن کو مضبوط کیا، پیپلز پارٹی چاروں صوبوں کی جماعت ہے ۔کوئٹہ سریاب روڈ پر بھٹو شہید کا تاریخی گھر واگزار کرا کے شہید خلیل احمد سمالانی کے خاندان کے نام کیا جاررہا ہے،۔ہم نے ناموافق حالات میں حکومت سنبھالی، عوام کو ان کے آئینی حقوق تک رسائی دی ۔
بالی وو ڈ فلم کا ٹریلر ریلیز، چودھری اسلم شہید کی اہلیہ کی کڑی تنقید
وزیر اعلی بلوچستان نے کاہ صوبائی حکومت دن رات محنت کر رہی ہے، عوام کو مایوس نہیں کریں گے اور بلوچستان کو امن و ترقی کی راہ پر ڈالیں گے۔
ہم کس سے بات کریں حکومت تو خود کہہ رہی ہے پوچھ کر بتائیں گے: علیمہ خان