شکر قندی کی افادیت پر ایک تفصیلی رپورٹ
اشاعت کی تاریخ: 16th, October 2025 GMT
شکر قندی ایک نہایت مفید اور غذائیت سے بھرپور غذا ہے جو پاکستان سمیت دنیا کے مختلف حصوں میں عام دستیاب ہے۔ اس میں موجود غذائی اجزا جیسے فائبر، پوٹاشیم، وٹامنز، بیٹا کیروٹین، آئرن، کیلشیئم، میگنیشم اور دیگر اہم عناصر انسانی صحت کے لیے بے حد فائدہ مند ہیں۔ ایک اوسط شکر قندی میں تقریباً 108 کیلوریز، 2 گرام پروٹین، 3 گرام چکنائی، 18.
شکر قندی کا استعمال انسولین کی حساسیت کو بہتر بنانے میں مدد دیتا ہے، خاص طور پر ذیابیطس ٹائپ 2 کے مریضوں کے لیے یہ فائدہ مند ثابت ہوسکتی ہے۔ اس میں موجود فائبر نہ صرف خون میں شوگر کی سطح کو متوازن رکھنے میں مدد دیتا ہے بلکہ ذیابیطس کے خطرے کو بھی کم کرتا ہے۔ فائبر قبض کی روک تھام کرتا ہے اور نظام ہاضمہ کو بہتر بناتا ہے، جبکہ آنتوں کے کینسر کے خطرے کو بھی گھٹاتا ہے۔
پوٹاشیم کی موجودگی دل کی صحت کے لیے نہایت اہم ہے۔ پوٹاشیم بلڈ پریشر کو متوازن رکھنے، شریانوں کو صحت مند رکھنے اور امراض قلب سے بچانے میں مدد فراہم کرتا ہے۔ بیٹا کیروٹین، جو جسم میں جا کر وٹامن اے میں تبدیل ہوتا ہے، ایک طاقتور اینٹی آکسائیڈنٹ ہے جو خلیات کو نقصان سے بچاتا ہے اور مختلف اقسام کے کینسر سے تحفظ فراہم کرتا ہے۔ یہ بینائی کو بہتر بناتا ہے، خاص طور پر رات کی بینائی اور آنکھوں کے انفیکشن سے بچاؤ میں مؤثر ہے۔
شکر قندی وٹامن سی کا بھی اچھا ذریعہ ہے جو مدافعتی نظام کو مضبوط بنانے میں مدد دیتا ہے اور آئرن کے جذب کو بہتر بناتا ہے، یوں خون کی کمی سے بچاؤ ممکن ہوتا ہے۔ وٹامن سی کے ذریعے جسم عام موسمی بیماریوں کا بھی بہتر مقابلہ کر سکتا ہے۔
شکر قندی میں موجود کولین دماغی صحت کے لیے مفید ہے، یہ اعصابی نظام کی معاونت کرتا ہے، یادداشت کو بہتر بناتا ہے اور پٹھوں کی حرکت کو سہارا دیتا ہے۔ کولین دمہ اور دیگر ورمی بیماریوں کے خلاف بھی مدافعت فراہم کرتا ہے۔ فائبر کی موجودگی دل کی بیماریوں سے بچاتی ہے کیونکہ یہ نقصان دہ کولیسٹرول کی سطح کو کم کرنے میں مدد دیتا ہے۔
جلد کے لیے بھی شکر قندی بہت فائدہ مند ہے۔ اس میں موجود بیٹا کیروٹین جلد کو سورج کی نقصان دہ شعاعوں سے بچاتا ہے، جلد کی لچک کو بہتر بناتا ہے اور جھریوں کو کم کرتا ہے۔ وٹامن اے کی موجودگی خلیات کی نشوونما کو بہتر بناتی ہے اور جلد کو صحت مند رکھتی ہے۔
مجموعی طور پر شکر قندی ایک مکمل اور فائدہ مند غذا ہے جو صحت کے کئی پہلوؤں پر مثبت اثر ڈالتی ہے۔ تاہم، کسی بھی تبدیلی یا باقاعدہ استعمال سے قبل معالج سے مشورہ ضرور کرنا چاہیے تاکہ انفرادی حالات کو مدنظر رکھتے ہوئے صحیح فیصلہ کیا جا سکے۔
ذریعہ: Daily Mumtaz
کلیدی لفظ: میں مدد دیتا ہے فائدہ مند کرتا ہے ہے اور صحت کے کے لیے
پڑھیں:
گوگل کا رنگ برنگے قمقموں سے جگمگاتا ڈوڈل؛ صارفین خوشگوار حیرت میں مبتلا
گوگل نے یکم دسمبر 2025 کو ایک خوبصورت اور دلکش ڈوڈل جاری کردیا۔
گوگل کا یہ ڈوڈل روایتی سالانہ تہواروں کی نشاندہی کرتا ہے جو دنیا بھر میں رواں ماہ منائے جائیں گے اور اسے گوگل نے ’’Seasonal Holidays 2025‘‘ کا نام دیا ہے۔
یہ ڈوڈل ہر سال دسمبر میں منائے جانے والے عالمی تہواروں بشمول کرسمس، ہنوکاہ، کوانزا اور سالِ نو کی ترجمانی کرتا ہے۔
اس ڈوڈول کو اس طرز پر بنایا گیا ہے جس سے جشن منانے کا تاثر ظاہر کرنے کے لیے برقی قمقموں کا استعمال کیا گیا ہے۔
اس ڈوڈل کی خاص بات یہ بھی ہے کہ یہ کسی بھی مذہب کی ترجمانی نہیں کرتا بلکہ عالمی ہمہ گیریت کو اجاگر کرتا ہے جس سے اتحاد، اتفاق اور بھائی چارے کا پیغام جاتا ہے۔
یہ ڈوڈل عموماً پورے دسمبر کے دوران دکھایا جاتا ہے یا مختلف تہواروں کے موقع پر وقفے وقفے سے سامنے آتا رہتا ہے۔
یاد رہے کہ گوگل کا پہلا ڈوڈل 1998 میں اس وقت سامنے آیا جب بانی لیری پیج اور سرگی برن نے برننگ مین فیسٹیول کے دوران "آؤٹ آف آفس" پیغام دینے کے لیے گوگل لوگو میں معمولی تبدیلی کی تھی۔
بعد ازاں یہ ڈوڈلز وقت کے ساتھ ساتھ اور جدت کو اپناتے ہوئے دنیا بھر کے ہیروز، ثقافتوں، واقعات اور تاریخی مواقع کو خراج تحسین پیش کرنے کی شکل اختیار کرکیا گیا۔
اس حوالے سے سنہ 2000 میں پہلا انٹرنیشنل ڈوڈل باسٹیل ڈے کے موقع پر فرانس کے لیے جاری کیا گیا تھا۔
اسی طرح سنہ 2000 میں ہی ہالووین ڈوڈل میں پہلی بار اینیمیشن شامل کی گئی جو بعد میں گوگل ڈوڈلز کی مستقل خصوصیت بن گئی۔
یاد رہے کہ "K-12" طلبا میں تخلیقی صلاحیتوں کو فروغ دینے کے لیے “Doodle for Google” مقابلہ شروع کیا گیا، جو اب دنیا کا طویل ترین جاری رہنے والا گوگل مقابلہ بن چکا ہے۔
لاہور: وزیراطلاعات پنجاب عظمیٰ بخاری پریس کانفرنس کررہی ہیں