سونم وانگچک کی اہلیہ نے جیل میں اپنے شوہر سے ملاقات کے بعد جمہوریت کے ستونوں پر سوال اٹھایا
اشاعت کی تاریخ: 17th, October 2025 GMT
گیتانجلی انگمو نے اپنے ایکس پوسٹ میں لکھا کہ حیرت ہے کہ ہندوستان ایک "وشو گرو" کیسے بن سکتا ہے جب اسکے 4 ستون: پارلیمنٹ، بیوروکریسی، عدلیہ اور میڈیا بدعنوان، متعصب، نااہل اور اقدار سے محروم ہیں۔ اسلام ٹائمز۔ سماجی کارکن اور تعلیم کے اصلاح کار سونم وانگچک کی اہلیہ گیتانجلی انگمو نے مودی حکومت پر تنقید کی ہے اور سوال کیا ہے کہ ہندوستان اپنے آپ کو "وشو گرو" کیسے کہہ سکتا ہے جب کہ اس کے جمہوریت کے چار ستون "کرپٹ اور اقدار سے محروم" ہیں۔ جودھ پور سنٹرل جیل کے اپنے پہلے دورے کے نو دن بعد، جہاں ان کے شوہر قید ہیں۔ گیتانجلی نے دوبارہ جیل کا دورہ کیا، جہاں انہوں نے کہا کہ اس نے اپنے بچوں کی خیر و خبر اپنے شوہر کو دی۔ انہوں نے یہ بھی کہا کہ ان کے شوہر اس عرصے کے دوران تعاون کے لئے سب کے شکر گزار ہیں۔ انہوں نے اپنے ایکس پوسٹ میں ہندوستان کی جمہوری اقدار پر سوال اٹھایا اور لکھا کہ حیرت ہے کہ ہندوستان ایک "وشو گرو" کیسے بن سکتا ہے جب اس کے 4 ستون: پارلیمنٹ، بیوروکریسی، عدلیہ اور میڈیا بدعنوان، متعصب، نااہل اور اقدار سے محروم ہیں۔
قابل ذکر بات یہ ہے کہ سونم وانگچک کے بڑے بھائی تسیٹن دورجے لی اور وکیل مصطفیٰ حاجی اس سے قبل خصوصی اجازت سے ان سے ملنے گئے تھے۔ تاہم جب سیکر سے کمیونسٹ پارٹی آف انڈیا (مارکسسٹ) کے رکن پارلیمنٹ امرارام نے ایک وفد کے ساتھ سونم وانگچک سے ملاقات کی تو جیل انتظامیہ نے انہیں اجازت دینے سے انکار کردیا۔ رکن پارلیمنٹ نے مودی حکومت پر لداخ کے لوگوں سے کئے گئے وعدوں کو پورا کرنے میں ناکام ہونے کا الزام لگایا۔ رکن پارلیمنٹ نے سونم وانگچک کی قید کو حکومت کی طرف سے "جبر کا عمل" قرار دیا۔
سونم وانگچک کو ریاست کا درجہ دینے اور مرکز کے زیر انتظام علاقے کو چھٹے شیڈول کے تحت شامل کرنے کے احتجاج کے دوران لداخ میں پُرتشدد جھڑپوں کے بعد سخت قومی سلامتی ایکٹ (NSA) کے تحت حراست میں لیا گیا تھا۔ اس احتجاج میں کم از کم چار افراد ہلاک جب کہ 90 سے زیادہ زخمی ہوئے تھے، حکومت نے ان پر تشدد کو ہوا دینے کا الزام لگایا تھا۔ حراست میں لینے کے بعد انہیں دہلی لے جایا گیا، جہاں سے 26 ستمبر کو انہیں جودھ پور سینٹرل جیل منتقل کر دیا گیا۔ واضح رہے کہ اس ہفتے کے شروع میں ایک سماعت کے دوران، لداخ کے ضلع مجسٹریٹ نے سپریم کورٹ کو بتایا کہ سونم وانگچک "ریاست کی سلامتی، امن عامہ کی بحالی اور کمیونٹی کے لئے ضروری خدمات کو نقصان پہنچانے والی سرگرمیوں میں ملوث رہے ہیں۔
ذریعہ: Islam Times
کلیدی لفظ: سونم وانگچک
پڑھیں:
اسلام آباد:چیئرمین سینیٹ یوسف رضا گیلانی سے پارلیمنٹ ہاؤس میں آسٹریلوی ہائی کمشنر ملاقات کررہے ہیں
data-id="863a0a8" data-element_type="widget" data-widget_type="theme-post-content.default">
251202-08-31
لاہور: وزیراطلاعات پنجاب عظمیٰ بخاری پریس کانفرنس کررہی ہیں