نواز شریف آئی ٹی سٹی میں ایمپیریل کالج لندن کا کیمپس قائم کرنے کا اعلان
اشاعت کی تاریخ: 18th, October 2025 GMT
لاہور میں وزیراعلیٰ پنجاب مریم نواز شریف کی زیر صدارت ایک خصوصی اجلاس منعقد ہوا، جس میں سنٹرل بزنس ڈسٹرکٹ پراجیکٹ، راوی اربن ڈویلپمنٹ اتھارٹی (روڈا) اور نواز شریف آئی ٹی سٹی میں پیشرفت کا تفصیلی جائزہ لیا گیا۔
ایمپیریل کالج لندن کا کیمپس اور جدید ہسپتال
اجلاس میں بتایا گیا کہ نواز شریف آئی ٹی سٹی میں ایمپیریل کالج لندن کا مقامی کیمپس قائم کیا جائے گا۔ نومبر میں اس منصوبے کا سنگِ بنیاد رکھا جائے گا، جبکہ کیمپس میں 300 بستروں پر مشتمل ایک جدید ترین ہسپتال بھی تعمیر کیا جائے گا۔
وزیراعلیٰ کی ہدایات اور اہداف
وزیراعلیٰ مریم نواز شریف نے ہدایت کی کہ دریائے راوی پر روڈا پرائمری بند ممکنہ سیلاب سے پہلے مکمل کیا جائے۔ انہوں نے فیوچر پراجیکٹس کی بروقت تکمیل پر زور دیتے ہوئے متعلقہ اداروں کو سہ ماہی رپورٹ پیش کرنے کی ہدایت بھی دی۔
یہ بھی پڑھیں:پنجاب کابینہ نے تحریک لبیک پاکستان پر پابندی کی منظوری دے دی
وزیراعلیٰ نے راوی اربن ڈویلپمنٹ اتھارٹی سے قابلِ عمل بزنس پلان طلب کیا اور روڈا فیز ون کی تکمیل کے لیے دو سال کا ہدف مقرر کیا گیا۔
منصوبوں پر بریفنگ
اجلاس میں وزیراعلیٰ کو سی بی ڈی، روڈا اور این ایس آئی ٹی کے منصوبوں پر تفصیلی بریفنگ دی گئی۔ بریفنگ کے مطابق، روڈا بند بننے سے لاہور دریائے راوی کے ممکنہ سیلاب سے محفوظ ہو جائے گا۔
مزید بتایا گیا کہ انٹرٹینمنٹ سٹی میں چین اور ترکیہ کی کمپنیوں نے سرمایہ کاری میں دلچسپی ظاہر کی ہے، جبکہ ڈی او ایف روبوٹک اور یو بینڈ پلیئر (Pleasure) نے تھیم پارک منصوبے میں شمولیت کی خواہش ظاہر کی ہے۔
تفریحی اور صنعتی منصوبے
بریفنگ کے دوران بتایا گیا کہ انٹرٹینمنٹ سٹی میں 80 سیٹر فلائنگ تھیٹر بھی تعمیر کیا جائے گا۔ اس کے علاوہ سیلیکون سٹی، یونیورسٹی بلاک، اے ایس ٹی آر اے بلاک اور فلم سٹی میں مختلف قومی و بین الاقوامی اداروں نے دلچسپی ظاہر کی ہے۔
ترقیاتی پیشرفت
بریفنگ میں بتایا گیا کہ نواز شریف آئی ٹی سٹی میں آئی ٹی ٹاور کی تعمیر 78 فیصد مکمل ہو چکی ہے، جبکہ راوی سٹی پاکستان کا پہلا مکمل گرین سٹی ہونے جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب مریم نواز نواز شریف آئی ٹی سٹی وزیراعلٰی پنجاب.ذریعہ: WE News
کلیدی لفظ: مریم نواز نواز شریف ا ئی ٹی سٹی نواز شریف آئی ٹی سٹی میں بتایا گیا کہ کیا جائے جائے گا
پڑھیں:
چیف آف ڈیفنس فورسز کے نوٹیفکیشن کے معاملے پر شہباز شریف نواز شریف سے کیوں نہ ملے؟
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews چیف آف ڈیفنس فورسز شہباز شریف عمران خان غصے میں نواز شریف نوٹیفکیشن وی ٹاک وی نیوز
اے پی پی کے 10 ملازمین و افسروں عدالت سے بری