پنجاب: پُرتشدد احتجاج میں ملوث گرفتار ملزمان کی تعداد 5600 سے زائد ہوگئی
اشاعت کی تاریخ: 18th, October 2025 GMT
لاہور:
پنجاب بھر میں پُرتشدد احتجاج اور پولیس پر حملوں کے واقعات میں ملوث ملزمان کی گرفتاری کیلئے کریک ڈاؤن جاری ہے۔
لاہور کے مقدمات میں نامزد ملزمان کی گرفتاری کیلئے کریک ڈاؤن کا دائرہ دیگر شہروں تک وسیع کردیا گیا۔
پولیس کے مطابق پنجاب بھر سے گرفتار ملزمان کی تعداد 5600 سے زیادہ ہوگئی جن میں لاہور سے گرفتار ملزمان کی تعداد 681 ہے۔
موبائل کالز ریکارڈ اور واٹس ایپ گروپس کی مدد سے مزید ملزمان کا سراغ لگایا جارہا ہے، شرپسند عناصر کے سوشل میڈیا اکاؤنٹس کی ٹریکنگ بھی جاری ہے۔
پولیس کا کہنا ہے کہ سوشل میڈیا کے ذریعے انتشار پھیلانے والے عناصر کی نشاندہی کرکے گرفتاریاں کی جارہی ہیں۔
.ذریعہ: Express News
کلیدی لفظ: ملزمان کی
پڑھیں:
کراچی پولیس کی کارروائیاں، بھاری مقدار میں منشیات برآمد، 14 ملزمان گرفتار
کراچی پولیس نے شہر میں بڑے پیمانے پر کارروائی کرتے ہوئے بھاری مقدار میں منشیات برآمد جبکہ 14 ملزمان گرفتار کر لیے ہیں۔
کراچی پولیس آفس میں صوبائی وزیر داخلہ، قانون و پارلیمانی امور ضیاالحسن لنجار، صوبائی وزیر ایکسائز ٹیکسیشن و نارکوٹیکس مکیش کمار چاولہ اور ایڈیشنل آئی جی کراچی نے مشترکہ پریس کانفرنس کرتے ہوئے بتایا کہ اسپیشل انویسٹی گیشن پولیس نے بڑی کارروائیاں کرتے ہوئے مجموعی طور پر 508 کلو منشیات برآمد کی ہیں، جن میں 468 کلو چرس اور 40 کلو آئس شامل ہیں۔
یہ بھی پڑھیے: اسلام آباد پولیس کا منشیات فروشوں کے خلاف کریک ڈاؤن، 72 ملزمان گرفتار
حکام کے مطابق کارروائیاں گلستانِ جوہر اور پاک کالونی میں کی گئیں، جن کے دوران 14 ملزمان کو گرفتار کیا گیا۔ گرفتار ملزمان کا تعلق بلوچستان سے ہے اور یہ ملزمان اس سے قبل بھی منشیات فروشی کے مقدمات میں گرفتار ہو چکے ہیں۔
صوبائی وزیر داخلہ ضیاالحسن لنجار نے بتایا کہ صوبے میں منشیات فروشوں کے خلاف بھرپور کارروائی کے لیے نارکوٹکس فورس بھی قائم کی گئی ہے، جس کی کابینہ نے منظوری دے دی ہے۔ نئی فورس منشیات کے نیٹ ورکس کے خاتمے میں اہم کردار ادا کرے گی۔
یہ بھی پڑھیے: بحیرۂ عرب میں پاک بحریہ کی بڑی کارروائی، 130 ملین ڈالر مالیت کی منشیات ضبط
پریس کانفرنس میں مزید بتایا گیا کہ سیف الرحمان کے گھر سے بھی 50 کلو منشیات برآمد ہوئی ہے، جبکہ گرفتار ملزم جاوید رشید، جو اے ای ٹی او ہے، کے خلاف پہلے ہی انکوائری چل رہی تھی۔
حکام نے کہا کہ شہر کو منشیات سے پاک کرنے کے لیے کارروائیاں مزید تیز کی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کراچی پولیس منشیات منشیات فروش
ہانگ کانگ کے رہائشی کمپلیکس میں قیامت خیز آگ سے ہلاکتیں 55 تک پہنچ گئیں