گھریلو ملازمہ قیمتی سامان ڈسٹ بن میں چھپا کر چوری کرتی رہی،جویریہ سعود
اشاعت کی تاریخ: 18th, October 2025 GMT
معروف اداکارہ جویریہ سعود نے ایک مارننگ شو میں گفتگو کے دوران انکشاف کیا ہے کہ ایک گھریلو ملازمہ ان کے گھر سے سونے کی چین، پرفیومز، گھڑیاں اور دیگر قیمتی اشیا کو ڈسٹ بن میں چھپا کر چوری کرتی رہی۔
جویریہ کا کہنا تھا کہ پہلے انہیں سمجھ نہیں آ رہی تھی کہ چیزیں کہاں غائب ہو رہی ہیں، لیکن بعد میںخفیہ کیمرے چیک کرنے پر حقیقت سامنے آئی۔ انہوں نے بتایا کہ ملازمہ نہایت ہوشیاری سے اشیاء کو کوڑے میں چھپاتی اور بعد میں نکال کر لے جاتی تھی۔
اداکارہ نے بتایا کہ انہوں نے مختلف اوقات میں کئی گھریلو ملازم رکھے، جن میں سے کچھ نے ان کا اعتماد جیتا، لیکن کئی بار انہیں دھوکہ دہی، چوری اور جھوٹے بہانوں کا سامنا کرنا پڑا۔ ایک خانسامہ آٹھ سال ان کے ساتھ رہا اور آخر میںبڑی رقم ادھار لے کر فرار ہو گیا۔
انہوں نے کہا کہ گھریلو ملازمین بعض اوقات اداکاروں سے بھی بڑے اداکار نکلتے ہیں، ہر وقت بیماری یا ضرورت کا بہانہ کر کے پیسے لیتے رہتے ہیں، اور وہ اکثرتنخواہ سے زیادہ رقم دے دے کر تھک جاتی تھیں۔
ذریعہ: Daily Mumtaz
پڑھیں:
حیدرآباد، تجاوزات کیخلاف عوامی حلقوں میں تشویش کا اظہار
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)چیئرمین میاں سرفراز ٹاؤن کی جانب سے حیدرآباد سٹی کے علاقوں میں انکروچمنٹ کے نام پر کی جانے والی حالیہ کارروائی پر عوامی حلقوں نے شدید غم و غصہ کا اظہار کرتے ہوئے کہا ہے کہ تجاوزات کے خلاف آپریشن کے دوران غریب ریڑھی والوں، پتھارے اور تھلے والوں کے کاروباری سامان کو نہ صرف بلاجواز ضبط کیا گیا بلکہ متعدد مقامات پر سامان کو نقصان بھی پہنچایا گیا جو کہ کھلی بدمعاشی اور اختیارات کے ناجائز استعمال کے مترادف ہے۔عوامی حلقوں کا کہنا ہے کہ شہر کے مصروف ترین حیدر چوک،کورٹ روڈ اور گاڑی کھاتہ سمیت چھوٹکی گھٹی کے علاقوں میں ہوٹلوں اور فاسٹ فوڈز کی دکان والوں نے بھاری رشوت کے عیوض کرسیاں،ٹیبلیں اور دیگر سامان سڑکوں ،فٹ پاتھوں پر رکھا ہوا ہے ان کے خلاف کوئی کاروائی نہیں کی جا رہی ہے لیکن مزدور پیشہ افراد کو دھمکیاں دینے کے ساتھ بدتمیزی اور تذلیل آمیز رویہ اختیار کیا جارہاہے اور بھاری جرمانے عائد کرکے سامان بھی ضبط کیا جارہاہے جس کی ویڈیوز اور عینی شہادتیں بھی موجود ہیں ۔عوامی حلقوں کا کہنا ہے کہ روزانہ کی بنیاد پر محنت مزدوری کرکے اپنے بچوں کا پیٹ پالنے والے غریب افراد سے روزگار چھین لینا انتہائی غیر انسانی، غیر اخلاقی اور قابلِ افسوس حرکت ہے۔عوامی حلقوں نے اس غیر شفاف اور غیر قانونی آپریشن پر شدید تشویش کا اظہار کرتے ہوئے اعلیٰ حکام، کمشنر حیدرآباد، ڈپٹی کمشنر و دیگر متعلقہ اداروں سے مطالبہ کیا ہے کہ فوری نوٹس لیتے ہوئے اس ناانصافی کا ازالہ کیا جائے ضبط شدہ سامان فوری طور پر واپس کرایا جائے اورذمہ دار افراد کے خلاف سخت قانونی کارروائی عمل میں لاکر مستقبل میں ایسے غیر انسانی اقدامات کی روک تھام کیلئے مؤثر پالیسی واضع کی جائے۔عوامی حلقوں کا کہنا ہے کہ تجاوزات کے خلاف کارروائی اگر شفاف اور قانون کے مطابق ہو تو قابلِ قبول ہے، لیکن غریب طبقے کی تذلیل اور ان کے بچوں کے رزق پر ڈاکہ ڈالنا کسی صورت برداشت نہیں کیا جائے گا۔
پشاور میں گیس کی مرکزی ٹرانسمیشن لائٹ پھٹ گئی، متعدد شہروں کو سپلائی بند