بلوچستان بار کونسل کو کنٹرول کرنیکی کوشش کی جا رہی ہے، ساجد ترین
اشاعت کی تاریخ: 18th, October 2025 GMT
بی این پی رہنماء ساجد ترین نے دعویٰ کیا ہے کہ بلوچستان بار کونسل کے انتخابات سے قبل امیدواروں کو انٹرویو کیلئے کینٹ میں بلایا جا رہا ہے۔ اسلام ٹائمز۔ بلوچستان نیشنل پارٹی کے قائمقام صدر ساجد ترین ایڈوکیٹ نے دعویٰ کیا ہے کہ بلوچستان بار کونسل کے انتخابات سے قبل امیدواروں کو انٹرویو کے لئے کینٹ میں بلایا جا رہا ہے۔ انہوں نے سماجی رابطہ کی ویب سائٹ پر اپنے پوسٹ میں افسوس کا اظہار کرتے ہوئے کہا کہ افسوس کی بات ہے کہ بلوچستان بار کونسل کے انتخابی امیدواروں کو اسٹیبلشمنٹ کی جانب سے انتخابات سے قبل انٹرویو کے لیے کینٹ میں بلایا جا رہا ہے۔ اس سے قبل بھی ساجد ترین نے مقامی میڈیا نمائندے سے گفتگو کرتے ہوئے کہا تھا کہ بلوچستان بار کونسل کو کنٹرول کرنے کی ہر ممکن کوشش کی جا رہی ہے۔ لیکن ہم گراؤنڈ خالی نہیں چھوڑیں گے اور آخر تک مقابلہ کریں گے۔
.
ذریعہ
ذریعہ: Islam Times
کلیدی لفظ: کہ بلوچستان بار کونسل
پڑھیں:
فورسز کی بلوچستان کے مختلف علاقوں میں کارروائیاں، 17 دہشتگرد ہلاک، آئی ایس پی آر
پاک فوج کے شعبہ تعلقات عامہ (آئی ایس پی آر) سے جاری بیان کے مطابق سیکیورٹی فورسز(security forces) نے 24 مئی 2026 کو پیش آنے والے ریل حادثے کے بعد خفیہ اطلاعات کی بنیاد پر بلوچستان کے اضلاع مستونگ، نوشکی، زہری، خضدار اور کیچ میں کارروائیاں کیں۔
بیان میں کہا گیا کہ ان کارروائیوں کے دوران سیکیورٹی اہلکاروں نے دہشت گردوں کے ٹھکانوں کو نشانہ بنایا اور شدید فائرنگ کے تبادلوں کے دوران بھارتی اسپانسرڈ فتنۃ الہندوستان کے 17 دہشت گردوں کو ہلاک کردیا اور ان علاقوں میں سرگرم دہشت گردی کے نیٹ ورکس کو بڑا دھچکا پہنچایا ہے۔
آئی ایس پی آر نے بتایا کہ بھارتی اسپانسرڈ ہلاک دہشت گردوں کے زیرقبضہ ہتھیار، باردو اور بڑے پیمانے دھماکا خیز مواد اور مواد تیار کرنے کی ڈیوائسز برآمد کرلی گئیں۔
بیان میں بتایا گیا کہ ہلاک دہشت گرد بلوچستان کے ان علاقوں میں دہشت گردی کے کئی اہم واقعات میں ملوث رہے تھے۔
مزید پڑھیں:پاکستان میں پٹرولیم مصنوعات کی کھپت میں 23 فیصد کمی
آئی ایس پی آر نے مزید بتایا کہ علاقے سے دہشت گردوں کے صفایا کرنے کے لیے سینیٹائزیشن آپریشن جاری ہے، سیکیورٹی فورسز اور پاکستان کے قانون نافذ کرنے والے اداروں کی عزم استحکام وژن کے تحت دہشت گردی کے خاتمہ کی مہم پوری رفتار سے جاری رہے گی تاکہ ملک سے بیرونی اسپانسرڈ اور تعاون سے جاری دہشت گردی کے ناسور کا مکمل خاتمہ ہو۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ