پی آئی اے کی نجکاری آئندہ ماہ ہونے کا امکان
اشاعت کی تاریخ: 18th, October 2025 GMT
پاکستان انٹرنیشنل ایئرلائن (پی آئی اے) کی نجکاری آئندہ ماہ کے آغاز میں حتمی مراحل میں داخل ہونے کا امکان ہے، اور اس حوالے سے اہم پیش رفت سامنے آئی ہے۔ ذرائع کے مطابق اس عمل میں چار بڑی پاکستانی کمپنیاں دلچسپی رکھتی ہیں جن میں عارف حبیب لمیٹڈ، فوجی فرٹیلائزر کمپنی، ایئر بلیو اور لکی گروپ شامل ہیں۔ ان کمپنیوں نے حکومت سے نجکاری کی شرائط میں نرمی کی درخواست بھی کی ہے تاکہ عمل مزید سہل بنایا جا سکے۔ ذرائع کا کہنا ہے کہ اگرچہ پی آئی اے کی نجکاری کی جا رہی ہے، تاہم اس کی قومی شناخت کو برقرار رکھا جائے گا۔ ایئرلائن کا نام تبدیل نہیں کیا جائے گا اور نہ ہی طیاروں پر سے قومی پرچم ہٹایا جائے گا، جبکہ یہ بھی طے کر لیا گیا ہے کہ پی آئی اے کی اکثریتی ملکیت پاکستانی شہریوں کے پاس ہی رہے گی اور کسی غیر ملکی فرد یا ادارے کو نیلامی میں بطور اکثریتی شیئر ہولڈر حصہ لینے کی اجازت نہیں دی جائے گی۔
یاد رہے کہ نجکاری کمیشن بورڈ نے وزیرِاعظم کے مشیر برائے نجکاری اور چیئرمین نجکاری کمیشن محمد علی کی زیر صدارت ہونے والے 237ویں اجلاس میں چار کمپنیوں کو پری کوالیفائی کرنے کی منظوری دی تھی۔ اسی اجلاس میں کابینہ کمیٹی برائے نجکاری نے امریکہ میں واقع پی آئی اے کے اثاثے روزویلٹ ہوٹل کے لین دین کے ڈھانچے کی منظوری بھی دی۔ وزارت نجکاری کی جانب سے جاری اعلامیے میں کہا گیا ہے کہ حکومت نجکاری ایجنڈے کو عملی جامہ پہنانے کے لیے مسلسل اہم فیصلے کر رہی ہے اور پی آئی اے کی نجکاری اس عمل کا ایک کلیدی مرحلہ ہے۔
یہ فیصلہ ایسے وقت میں سامنے آیا ہے جب قومی ایئرلائن شدید مالی بحران کا شکار ہے اور انتظامی بہتری کے لیے نجی شعبے کی شمولیت ناگزیر سمجھی جا رہی ہے۔ توقع ہے کہ اگر عمل کامیابی سے مکمل ہوا تو پی آئی اے کی سروسز اور انتظامیہ میں نمایاں بہتری آئے گی اور یہ ایک مرتبہ پھر قابلِ بھروسہ ادارہ بن کر ابھرے گی۔
ذریعہ: Daily Mumtaz
کلیدی لفظ: پی ا ئی اے کی کی نجکاری نجکاری ا
پڑھیں:
پی آئی اے کے بین الاقوامی نیٹ ورک میں توسیع، کراچی سے ریاض نئی پرواز شامل
پاکستان انٹرنیشنل ایئرلائنز نے سعودی عرب کے لیے اپنے فضائی نیٹ ورک میں توسیع کرتے ہوئے کراچی اور ریاض کے درمیان نئی ہفتہ وار پرواز شروع کرنے کا اعلان کیا ہے۔
ترجمان پی آئی اے کے مطابق مذکورہ روٹ پر قومی ایئرلائن 2 جنوری 2026 سے پرواز کا آغاز کرے گی۔
From January 2, 2026, PIA starting once-a-week flight between Karachi and Riyadh with Airbus A320. pic.twitter.com/dMAEvgqqGo
— Pakistan Aviation News ???????? (@avpak3) November 28, 2025
قومی ایئرلائن اس وقت اسلام آباد اور لاہور سے ریاض کے لیے پروازیں چلا رہی ہے۔
کراچی سے ریاض سروس کا مقصد کاروباری افراد، تارکینِ وطن ملازمین اور ان خاندانوں کے لیے سہولت پیدا کرنا ہے جو دونوں شہروں کے درمیان باقاعدگی سے سفر کرتے ہیں۔
یہ بھی پڑھیں: وزیراعظم شہباز شریف کی پی آئی اے نجکاری کا عمل تیز کرنے کی ہدایت
پی آئی اے کے عہدیداران کا کہنا ہے کہ یہ نیا اضافہ ایئرلائن کے اس وسیع منصوبے کا حصہ ہے جس کے تحت بین الاقوامی رابطوں کو مضبوط بنایا جارہا ہے۔
مسافروں کا اعتماد بحال کرنے کے لیے روٹ نیٹ ورک میں مسلسل بہتری لائی جارہی ہے۔
مزید پڑھیں:
کراچی سے ریاض جانے والی پرواز PK729 ایئر بس A320 طیارے سے ہوگی اور اس میں تقریباً 4 گھنٹے کا وقت لگے گا۔
واپسی کی پرواز PK730 ہر ہفتے ہفتہ کی صبح 12:05 بجے ریاض سے کراچی کے لیے روانہ ہوگی، اور یہ بھی ایئر بس A320 طیارے سے تقریباً 4 گھنٹے میں مکمل ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بین الاقوامی پی آئی اے ریاض کراچی نیٹ ورک
اے پی پی کے 10 ملازمین و افسروں عدالت سے بری