ائیربس طیاروں کا سافٹ ویئر فوری اپ ڈیٹ کرنےسے متعلق قومی ایئرلائن نے وضاحت جاری کردی
اشاعت کی تاریخ: 30th, November 2025 GMT
کراچی (ویب ڈیسک) قومی ائیرلائن پی آئی اے نے یورپی طیارہ ساز کمپنی ائیربس کی جانب سے اے 320 طیاروں کا سافٹ ویئر فوری طور پر اپ ڈیٹ کرنےکے فیصلے سے متعلق وضاحت جاری کردی، خیال رہے کہ ائیربس نے اے 320 طیاروں کا سافٹ ویئر فوری طور پر اپ ڈیٹ کرنے کا فیصلہ کیا ہے جس کے باعث دنیا بھر میں 6 ہزار طیارے متاثر ہوسکتے ہیں اور پروازوں میں تاخیر ہوسکتی ہے۔
کمپنی کی جانب سے سافٹ ویئر اپ ڈیٹ کے فیصلے کے بعد امریکن ائیر لائنز، ڈیلٹا ائیر لائنز، ائیر نیوزی لینڈ اور ترکش ائیرلائنز سمیت کئی کمپنیوں نے پروازوں میں خلل کا انتباہ جاری کیا ہے۔
اس حوالے سے قومی ائیرلائن پی آئی اے نے جاری بیان میں کہا ہے کہ ائیربس طیاروں کے فلائٹ کنٹرول سافٹ ویئر ELAC-L104 سے متعلق مسئلے کے بارے میں یہ وضاحت کی جاتی ہے کہ پی آئی اے نے یہ خراب سافٹ ویئر پیچ انسٹال ہی نہیں کیا، اسی لیے ہمارے تمام طیارے مکمل طور پر محفوظ ہیں اور پروازوں میں کسی قسم کی رکاوٹ نہیں ہوگی۔
این اے 18: مخصوص عناصر ضمنی انتخابات کو متنازع بنا رہے ہیں، الیکشن کمیشن
مزید :.ذریعہ: Daily Pakistan
کلیدی لفظ: سافٹ ویئر
پڑھیں:
ایئربس کا دنیا بھر میں اپنے ہزاروں طیاروں کی سافٹ ویئر اپڈیٹ کا حکم، فضائی آپریشن متاثر ہونے کا خدشہ
یورپ کی ایوی ایشن کمپنی ایئربس نے اپنے انتہائی مقبول A320 فیملی کے تقریباً 6,000 طیاروں کی فوری مرمت کا حکم جاری کردیا، جو عالمی بیڑے کے نصف سے زیادہ حصہ بنتے ہیں۔
یہ اقدام ایسے وقت میں سامنے آیا ہے جب امریکا میں سال کے مصروف ترین سفری ہفتے کے دوران بڑی تعداد میں پروازوں کی روانگی متوقع ہے، جس کے باعث دنیا بھر میں فضائی آپریشن متاثر ہونے کا خدشہ ہے۔
یہ بھی پڑھیے: ایئرانڈیا سے پرواز موت کا سفر بن گئی، بھارتی پائلٹس کا بوئنگ طیارے گراؤنڈ کرنے کا مطالبہ
ایئربس کی جانب سے جاری ہدایت کے مطابق زیادہ تر طیاروں میں سافٹ ویئر کو پرانی محفوظ ورژن پر واپس لانا ہوگا۔ یہ مرمت اگرچہ سادہ ہے اور تقریباً 2 گھنٹے میں مکمل ہوسکتی ہے، مگر جب تک اسے نافذ نہیں کیا جاتا، طیارے تجارتی پروازیں نہیں چلا سکیں گے۔
امریکہ سے یورپ اور ایشیا تک ایئرلائنز مشکلات میںدنیا کی سب سے بڑی A320 صارف ایئرلائن امریکن ایئرلائنز نے کہا ہے کہ اس کے 480 میں سے 340 طیارے اس مرمت کے تحت آئیں گے، جنہیں ہفتے تک سروس میں واپس لانے کی کوشش کی جا رہی ہے۔ جرمنی کی لوفتھانسا, بھارت کی انڈیگو، برطانیہ کی ایزی جیٹ اور کئی دیگر ایئرلائنز نے بھی خبردار کیا ہے کہ مرمت کے باعث پروازوں میں تاخیر یا کینسلیشن ہوسکتی ہے۔
یہ بھی پڑھیے: بوئنگ کمپنی کا اہم سپلائر اسپریٹ ایرو اسپیس دیوالیہ ہونے کے قریب پہنچ گیا
کولمبیا کی ایئرلائن اوینکا نے کہا ہے کہ اس کے بیڑے کے 70 فیصد سے زائد طیارے متاثر ہیں، جس کے باعث اس نے 8 دسمبر تک ٹکٹوں کی فروخت روک دی ہے۔
خرابی کی وجہ کیا ہے؟ایئربس کے مطابق حالیہ ایک واقعے سے انکشاف ہوا کہ سولر فلیئرز (سورج کے شعلے) طیارے کے اہم فلائٹ کنٹرول ڈیٹا کو متاثر کرسکتے ہیں۔
ذرائع کے مطابق 30 اکتوبر کو جیٹ بلیو کی ایک پرواز میں یہی مسئلہ پیدا ہوا، جس کے بعد طیارہ اچانک نیچے آ گیا اور متعدد مسافر زخمی ہوئے۔ طیارے نے ہنگامی طور پر ٹیمپا (فلوریڈا) میں لینڈنگ کی۔
اس واقعے کے بعد فیڈرل ایوی ایشن ایڈمنسٹریشن (FAA) نے تحقیقات شروع کر دیں، جبکہ یورپی ایوی ایشن سیفٹی ایجنسی نے ایئربس کی مرمت کو لازمی قرار دے دیا ہے۔
عالمی فضائی آپریشن پر دباؤماہرین کے مطابق مرمت کا عمل مختصر ہے لیکن دنیا بھر میں پہلے ہی کئی ایئر بس طیارے انجن کی مرمت اور مینٹیننس کی قلت کی وجہ سے گراونڈ ہیں، جس سے ورکشاپس پر دباؤ بڑھ چکا ہے۔ ایسے میں اچانک 6 ہزار طیاروں کی مرمت کا حکم فضائی شعبے کے لیے بڑا چیلنج قرار دیا جا رہا ہے۔
یہ بھی پڑھیے: پی آئی اے کی لاجواب سروس سے بے لگام سروس تک کی 79سالہ کہانی
برطانوی ایئرلائن ایزی جیٹ نے اعلان کیا ہے کہ وہ اپنے متاثرہ طیاروں کی مرمت مکمل کر چکی ہے، تاہم متعدد ایئرلائنز نے آئندہ 72 گھنٹوں تک تاخیر اور پروازوں کی منسوخی کا عندیہ دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئربس جہاز سافٹ ویئر اپڈیٹ طیارہ
اقلیتی برادری پیپلز پارٹی کے 58 ویں یوم تاسیس کے حوالے سے انتہائی پرجوش ہے، سعید غنی