پاکستان نے آئی سی سی کا متعصبانہ دعویٰ مسترد کردیا
اشاعت کی تاریخ: 19th, October 2025 GMT
وزیر اطلاعات عطا تارڑ نے انٹرنیشنل کرکٹ کونسل (آئی سی سی) کے متعصب، سلیکٹو اور ناپختہ تبصرے کو مسترد کر دیا ہے جس میں پاکستان پر ایک بے بنیاد الزام لگایا گیا ہے کہ پاکستان کے حملے میں تین افغان کرکٹر جان سے گئے ہیں۔
اپنے بیان میں عطا تارڑ نے کہا کہ آئی سی سی نے اس حوالے سے کوئی آزادانہ ثبوت بھی نہیں دیا۔
انہوں نے کہا کہ پاکستان خود سرحد پار دہشت گردی کا شکار ہے۔ پاکستان آئی سی سی کے اس دعوے کو مسترد کرتا ہے اور اس کی فوری درستی کا مطالبہ کرتا ہے۔
عطا تارڑ کا کہنا ہے کہ پاکستان نے ایک طرز عمل نوٹ کیا ہے کہ شواہد کے بغیر کیسے بلند بانگ دعوے کیے جاتے ہیں۔
ان کا مزید کہنا تھا کہ آئی سی سی کے بیان کے چند ہی گھنٹوں بعد اس کے سربراہ جے شاہ نے وہی بات اپنے سوشل میڈیا اکاؤنٹ پر دہرا دی اور پھر افغانستان کرکٹ بورڈ نے قریب قریب وہی بیان دہرایا اور اس کا کوئی ثبوت بھی نہِیں دیا۔
وزیر اطلاعات نے کہا کہ یہ سب کچھ آئی سی سی کی موجودہ قیادت کے تحت ایک پیٹرن کی نشاندہی کرتا ہے جس کے تحت وہ تنازعات ابھارے جاتے ہیں جن سے گریز کیا جا سکتا تھا اور جن کے تحت پاکستانی کرکٹ کو متاثر کرنے کی کوشش کی جاتی ہے۔
عطا تارڑ نے کہا کہ اس میں حال ہی میں ہاتھ نہ ملانے کا تنازعہ بھی شامل ہے جس کے باعث ایشیا کپ میں پاکستان کا ایک میچ بھی تاخیر کا شکار ہوا۔ ایسے واقعات نے آئی سی سی کی غیر جانبدار حیثیت پر سوالیہ نشان کھڑا کر دیا ہے۔
انہوں نے کہا کہ عالمی سطح کے ایک ادارے کو متعصبانہ بیانیہ آگے نہیں بڑھانا چاہیے۔ پاکستان نے مسلسل یہ کہا ہے کہ سیاست سے کھیل کو آلودہ نہیں کیا جانا چاہیے۔
وزیر اطلاعات عطا تارڑ نے کہا کہ پاکستان آئی سی سی پر زور دیتا ہے کہ وہ اپنی آزادی اور کھیل کی روح برقرار رکھے۔ آئِی سی سی کو دوسروں کے اکسانے پر غیر مصدقہ دعووں سے گریز کرنا چاہیے۔
.ذریعہ: Daily Mumtaz
کلیدی لفظ: عطا تارڑ نے کہ پاکستان نے کہا کہ
پڑھیں:
ریاست دشمنوں کے خلاف سخت اقدام کی طرف بڑھ چکی ہے، فیصل واوڈا کا دعویٰ
data-id="863a0a8" data-element_type="widget" data-widget_type="theme-post-content.default">
اسلام آباد: سینیٹر فیصل واوڈا نے کہا ہے کہ ریاست نے بیرونِ ملک اور اندرونِ ملک دشمنوں کے بیانیے کے حوالے سے اب واضح اور سخت مؤقف اپنا لیا ہے اور جن سوالات کے جواب بہت عرصے سے دیے جانے تھے، وہ اب کھل کر سامنے آ رہے ہیں۔
فیصل واوڈا کا کہنا تھا کہ انہوں نے پہلے ہی خبردار کیا تھا کہ پاک فوج اور اس کی قیادت کے خلاف ہرزہ سرائی کرنے والوں کو سخت ردِعمل کا سامنا کرنا پڑے گا،ریاستی جواب نے یہ واضح کر دیا ہے کہ جوتے کی سول تو بہت چھوٹی چیز ہے اور جو لوگ ملک اور فوج کے خلاف بیانیہ چلا رہے ہیں، وہ براہِ راست غداری کے زمرے میں آتے ہیں۔
انہوں نے شدید تنقید کرتے ہوئے کہا کہ جب تک ان کا سیاسی باپ وزیراعظم تھا صورتحال مختلف تھی مگر اب جنہیں وہ بن باپ کے لاوارث اور سڑک چھاپ قرار دیتے ہیں، ان کا باپ جیل میں ہے اور ملک دشمنی کے مقدمات کا سامنا کررہا ہے۔
واوڈا نے الزام لگایا کہ تحریک انصاف نے منصوبہ بندی کے تحت بھارت اور افغانستان سے رابطے رکھے، اور وہ اس بارے میں طویل عرصے سے خبردار کرتے رہے ہیں، ریاست نے آسان اور دو ٹوک پیغام دے دیا ہے کہ پاکستان، اس کی ریاست، فوج اور سپہ سالار کے خلاف ہر قسم کی بد زبانی اور پروپیگنڈا برداشت نہیں کیا جائے گا۔
انہوں نے مزید کہاکہ اب لتر، چھتر اور ڈنڈا پریڈ شروع ہونے جارہی ہے اور ملک دشمن، دہشت گردی پھیلانے والے اور عدم استحکام پیدا کرنے والوں کے لیے زیرو ٹالرنس کی پالیسی اپنائی جا رہی ہے۔
انہوں نے دعویٰ کیا کہ بین، نااہلی، گورنر راج، غداری کے مقدمات اور 9 مئی کے واقعات میں ملوث افراد کے انجام کے حوالے سے وہ پہلے ہی پیش گوئیاں کر چکے تھے، جو اب حقیقت میں بدلتی دکھائی دے رہی ہیں، ریاست نے ملک دشمن عناصر کو سڑک پر پٹہ ڈالنے کا وقت شروع کر دیا ہے اور آنے والے دنوں میں مزید اقدامات سامنے آئیں گے۔
پیپلز پارٹی صرف سیاست نہیں بلکہ خون سے لکھی جدوجہد کا نام ہے، سید ناصر حسین شاہ