حماس نے دو مزید یرغمالیوں کی لاشیں اسرائیل کے حوالے کر دیں
اشاعت کی تاریخ: 19th, October 2025 GMT
data-id="863a0a8" data-element_type="widget" data-widget_type="theme-post-content.default">
غزہ : فلسطین کی مزاحمتی تنظیم حماس نےجنگ بندی کے معاہدے پر عمل کرتے ہوئے دو مزید اسرائیلی یرغمالیوں کی لاشیں اسرائیل کے حوالے کر دی ہیں۔
عالمی میڈیا رپورٹس کے مطابق اسرائیلی حکام نے تصدیق کی ہے کہ انہیں ریڈ کراس کے ذریعے حماس کی جانب سے دو لاشیں موصول ہوئی ہیں، جنہیں بعدازاں غزہ میں اسرائیلی سیکیورٹی فورسز کے حوالے کیا گیا۔
اسرائیلی وزیراعظم بنیامین نیتن یاہو کے دفتر سے جاری بیان میں کہا گیا کہ یہ لاشیں جنگ بندی معاہدے کے تحت اسرائیل کے حوالے کی گئی ہیں، لاشوں کو شناخت کے لیے ایک طبی تجزیاتی مرکز منتقل کیا جائے گا۔
حماس کے مطابق رفح کراسنگ کی بندش لاشوں کی حوالگی میں تاخیر کا سبب بن رہی ہے اور مزید لاشوں کی حوالگی رفح کراسنگ کھلنے سے مشروط ہے۔
واضح رہے کہ اب تک حماس کی جانب سے 28 میں سے 11 مغویوں کی لاشیں اسرائیل کو واپس کی جا چکی ہیں۔
خیال رہے کہ حماس مکمل جنگ بندی معاہدے کی پابندی کررہاہے، اس کے برعکس اسرائیل آئے روز جنگ بندی معاہدے کی خلاف ورزی کرتے ہوئے مختلف وقتوں میں غزہ کے شہریوں پر وحشیانہ بمباری کررہاہے، اس کے علاوہ امدادی گاڑیوں کو بھی غزہ میں داخل ہونے میں رکاوٹیں کھڑی کررہاہے، عالمی ادارے خاموش تماشائی بنے ہیں، امریکا اسرائیل کی پشت پناہی کرکے حماس کو موردزالزام ٹہرارہا ہےجو خطے کے امن کےلیے خطرے کا باعث بن سکتا ہے۔
ذریعہ: Jasarat News
کلیدی لفظ: کے حوالے
پڑھیں:
اسرائیل نے جنگبندی کی خلاف ورزیوں کے دائرے کو بڑھا دیا ہے، حماس
اپنے ایک جاری بیان میں حازم قاسم کا کہنا تھا کہ شرم الشیخ اجلاس میں شریک ثالث اور ضامن ممالک، صیہونی خلاف ورزیوں کو روکنے کیلئے سنجیدہ اقدامات کریں۔ اسلام ٹائمز۔ فلسطین کی مقاومتی تحریک "حماس" کے ترجمان "حازم قاسم" نے کہا کہ صیہونی رژیم نے غزہ کے ساتھ جنگ بندی کے معاہدے کی پامالیوں کو شدید کر دیا ہے۔ حالیہ جنین مہاجر کیمپ میں بے گھر فلسطینیوں پر اسرائیل کا حملہ اسی سلسلے کی ایک کڑی ہے۔ اس حملے میں متعدد فلسطینی زخمی و شہید ہو گئے۔ انہوں نے کہا کہ یہ حملے اُس تسلسل کو ظاہر کرتے ہیں جس کے ذریعے اسرائیل، اجتماعی قتل عام، گھروں کی تباہی، مہاجرت اور امداد کے داخلے پر پابندی جیسے جرائم کا ارتکاب کرتا چلا آ رہا ہے۔ فرق صرف اتنا ہے کہ ان حملوں کی شدت اور انداز بدل گیا ہے، لیکن مقصد وہی ہے۔ حماس کے ترجمان نے شرم الشیخ اجلاس میں شریک ثالثوں اور ضامن ممالک سے مطالبہ کیا کہ وہ ان خلاف ورزیوں کو روکنے کے لئے سنجیدہ اقدامات کریں۔ ثالث اور ضامن ممالک اس بات کو یقینی بنائیں کہ قابض اسرائیل، جنگ بندی کے معاہدے پر پوری طرح عمل کرے۔ واضح رہے کہ حال ہی میں غزہ شہر میں ایمرجنسی رہائش کے مراکز اور بے گھر افراد کے کیمپوں کو نشانہ بنایا گیا۔ جس کے نتیجے میں کئی فلسطینی شہید اور زخمی ہو گئے۔ اس کے علاوہ خان یونس میں IDF نے جان بوجھ کر ایک صحافی کو نشانہ بناتے ہوئے شہید کر دیا۔
ٹک ٹاک نے جدید اے آئی کنٹرولز اور نئے تعلیمی ٹولز متعارف کر دیے