دیوالی ہمیں رواداری، اتحاد اور پُرامن بقائے باہمی کے عزم کو تازہ کرنے کی ترغیب دیتی ہے؛ صدرِ مملکت
اشاعت کی تاریخ: 19th, October 2025 GMT
سٹی 42 : صدرِ مملکت آصف علی زرداری نے کہا ہے کہ دیوالی روشنی کے اندھیرے پر اور نیکی کے بدی پر غلبے کی علامت ہے۔
صدر مملکت کی جانب سے ہندو برادری کو دیوالی کی مبارکباد دی گئی اور نیک تمناؤں کا اظہار کیا گیا۔ صدر آصف علی زرداری نے دیوالی کے موقع پر پیغام میں کہا کہ یہ تہوار امن، رواداری، ہمدردی اور ہم آہنگی جیسی آفاقی اقدار کی یاد دہانی کراتا ہے۔ انہوں نے کہا کہ یہ اقدار ہمارے قومی تشخص کا حصہ ہیں اور اسلام کے باہمی احترام و بقائے باہمی کے اصولوں کی عکاسی کرتی ہیں ۔
خلاء میں بھیجا جانے والا سیٹلائیٹ پاکستان کو ماحولیاتی تبدیلیوں کے بارے تحقیق میں مدگار ثابت ہوگا؛ وزیراعظم
آصف علی زرداری نے کہا کہ آئینِ پاکستان تمام شہریوں کو مساوی حقوق اور مذہبی آزادی کی مکمل ضمانت دیتا ہے، ہمیں ایسا معاشرہ قائم رکھنا ہے جہاں تمام مذاہب کے ماننے والے عزت اور احترام کے ساتھ رہ سکیں۔ قائداعظمؒ نے ایک ایسے پاکستان کا تصور پیش کیا تھا جہاں اقلیتوں کو مساوی حقوق اور مواقع حاصل ہوں۔ انہوں نے کہا کہ ہندو برادری پاکستان کے سماجی، ثقافتی اور معاشی ڈھانچے کا اہم حصہ ہے۔
انہوں نے مزید کہا کہ تعلیم، تجارت اور عوامی خدمت کے شعبوں میں ہندو برادری کی خدمات قابلِ تحسین ہیں۔ دیوالی ہمیں رواداری، اتحاد اور پُرامن بقائے باہمی کے عزم کو تازہ کرنے کی ترغیب دیتی ہے۔
کاہنہ پولیس نے مختلف کارروائیوں میں 8 ملزم پکڑلیے
صدرِ مملکت نے پاکستان اور بیرونِ ملک مقیم ہندو برادری کے لیے خوشی، امن اور خوشحالی کی دعا کی۔
.ذریعہ: City 42
پڑھیں:
پاکستان خطے میں امن و استحکام کیلئے سفارتکاری پر یقین رکھتا ہے: جنرل ساحر شمشاد
اسلام آباد (اپنے سٹاف رپورٹر سے) پاک فوج کے شعبہ تعلقات عامہ (آئی ایس پی آر) کے مطابق چیئرمین جوائنٹ چیفس آف سٹاف کمیٹی جنرل ساحر شمشاد مرزا، نشانِ امتیاز(عسکری) نے نیشنل یونیورسٹی آف سائنس اینڈ ٹیکنالوجی میں نیشنل انسٹیٹیوٹ آف پالیسی سٹڈیز کے زیراہتمام منعقدہ اسلام آباد سمپوزیم 2025 ء کی اختتامی تقریب میں بطور مہمان خصوصی شرکت کی۔ تقریب سے خطاب کرتے ہوئے چیئرمین جوائنٹ چیفس نے تمام مقررین اور پینلسٹس کا قیمتی خیالات پیش کرنے پر شکریہ ادا کیا اور بدلتے ہوئے علاقائی و عالمی حالات کو اجاگر کیا۔ جنرل ساحر شمشاد مرزا نے کہا کہ پاکستان خطے میں امن و استحکام کے فروغ اور عالمی شمال اور عالمی جنوب کے درمیان تعلقات میں توازن قائم کرنے کے لیے بات چیت، عزت نفس اور اصولی سفارتکاری پر یقین رکھتا ہے۔ انہوں نے زور دیا کہ دنیا کو محاذ آرائی کے بجائے تعاون کو فروغ دینا ہوگا اور پاکستان باہمی احترام اور بین الاقوامی قانون کی پاسداری پر مبنی پرامن بقائے باہمی کے وژن پر کاربند ہے۔ جنرل ساحر شمشاد مرزا نے کہا کہ پاکستان ہمیشہ فلسطین اور جموں و کشمیر سمیت تنازعات کے منصفانہ اور پرامن حل کی حمایت کرتا ہے۔ انہوں نے کہا کہ مختلف خطوں اور تہذیبوں کے سنگم پر کھڑا پاکستان صبر و تحمل اور مثبت رویے کے ساتھ عالمی تقسیم کو ختم کرنے اور ایک متوازن، منصفانہ اور باہمی احترام پر مبنی عالمی نظام قائم کرنے کے لیے پرعزم ہے۔ اس تقریب میں ماہرین تعلیم، بیوروکریٹس، غیر ملکی سفیر، کاروباری برادری کے نمائندے، اور ملک کی نمایاں جامعات کے اساتذہ و طلبہ نے بڑی تعداد میں شرکت کی۔
بھارت کیخلاف پہلے ون ڈے سے قبل آسٹریلیا کو بڑا دھچکا، مزید دو اہم کھلاڑی باہر