کیا اداکارہ شگفتہ اعجاز نے وزن کم کرنے کے لیے اوزیمپک کا استعمال کیا؟
اشاعت کی تاریخ: 28th, November 2025 GMT
معروف پاکستانی اداکارہ شگفتہ اعجاز نے حال ہی میں وزن کم کرنے کے لیے ’اوزیمپک‘ کے استعمال کے بارے میں پھیلائی جانے والی افواہوں پر خاموشی توڑ دی ہے۔
شگفتہ اعجاز پر الزام تھا کہ انہوں نے وزن کم کرنے کے لیے اوزیمپک کا استعمال کیا ہے جبکہ ان کی بیٹیوں کے وزن میں کمی پر بھی سوالات اٹھائے گئے۔ تاہم اداکارہ نے باضابطہ بیان جاری کرتے ہوئے ان افواہوں کی سختی سے تردید کی ہے۔
یہ بھی پڑھیں: ’آپ نہیں ہیں تو میری روح کو چپ لگ گئی ہے‘، شگفتہ اعجاز کی شوہر کی قبر پر پھول چڑھانے کی ویڈیو شیئر کر دی
شگفتہ اعجاز نے واضح کیا کہ انہوں نے اوزیمپک استعمال نہیں کیا۔ ان کا کہنا تھا کہ ایسے بے بنیاد دعوے پھیلانے والے تمام چینلز کے خلاف انہیں قانونی کارروائی کرنی چاہیے۔ انہوں نے مزید کہا کہ ہمارا مذہب دوسروں کے بارے میں قیاس آرائیاں اور سوال کرنے سے روکتا ہے لیکن یہ اب فیشن بن گیا ہے، اس لیے ان کے وزن میں کمی کے حوالے سے بغیر تحقیق بات کرنا غیر مناسب ہے۔
اداکارہ نے وضاحت کی کہ وزن نہ کھانے کی وجہ سے کم ہوا ہے اور کھانا چھوڑنے کے پیچھے پورا فیز تھا، میں نے عدت میں کھانا پینا چھوڑ دیا تھا۔ میٹھے کا جو شوق تھا وہ ختم ہو گیا تھا۔ اور وزن ہمیشنہ نہ کھانے اور بیماری کی وجہ سے کم ہوتا ہے۔
دوسری جانب، سوشل میڈیا صارفین شگفتہ اعجاز کے بیان سے متفق دکھائی نہیں دیتے۔ ایک صارف نے لکھا کہ ’اوزیمپک ان کے چہرے سے صاف ظاہر ہے‘۔ ایک اور صارف نے طنزیہ تبصرہ کرتے ہوئے کہا کہ ’وہ درست کہہ رہی ہیں، وہ اوزیمپک نہیں بلکہ مونجارو استعمال کر رہی ہیں‘۔ جبکہ ایک صارف نے لکھا، ’اسلام فیملی ولاگنگ سے بھی روکتا ہے، جو آپ باقاعدگی سے کرتی ہیں‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوزیمپک شگفتہ اعجاز شگفتہ اعجاز اوزیمپک.
ذریعہ
ذریعہ: WE News
کلیدی لفظ: اوزیمپک شگفتہ اعجاز شگفتہ اعجاز اوزیمپک شگفتہ اعجاز کے لیے
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا