پاکستان میں تمام اقلیتوں کو مکمل مذہبی آزادی حاصل ہے؛ وزیراعظم
اشاعت کی تاریخ: 20th, October 2025 GMT
سٹی 42 : وزیراعظم شہبازشریف نے کہا ہے کہ دیوالی خوشی،امن اور روادی کا پیغام ہے، پاکستان میں تمام اقلیتوں کو مکمل مذہبی آزادی حاصل ہے، قیامِ پاکستان سے تعمیر ودفاع پاکستان تک ہر شعبے میں اقلیتوں کا اہم کردار ہے۔
وزیراعظم ہاؤس میں دیوالی کے حوالے سے خصوصی تقریب کا انعقاد کیا گیا۔ وزیراعظم شہبازشریف نے تقریب سے خطاب کرتے ہوئے کہا کہ دیوالی خوشی،امن اور روادی کا پیغام ہے۔ انہوں نے کہا کہ تعلیم اور صحت کے شعبے میں اقلیتوں کی واضح خدمات ہیں۔ تمام ملکی سیاسی جماعتوں میں اقلیتوں کی نمائندگی موجودہے۔
قتل میں ملوث اشتہاری ملزم سعودی عرب سے گرفتار
شہبازشریف نے کہا کہ قومی اقلیتی کمیشن بل کی منظوری حکومت کی کامیابی ہے، قومی اقلیتی کمیشن کو مزید فعال کرنے کی منظوری دے دی گئی ہے۔ انہوں نے کہا کہ پاکستان اجالوں اور برداشت کی زمین ہے، ملک میں نفرت اور دہشتگردی کی گنجائش نہیں۔
انہوں نے مزید کہا کہ وزیراعظم یوتھ پروگرام کے تحت مختلف پروگرامز میں اقلیتوں کو شامل کیا جارہا ہے، مذہبی تہوار کے لیے بجٹ میں خصوصی رقم تجویز کی گئی ہے، سرکاری ملازمتوں میں اقلیتوں کے لیے 5 فیصد کوٹہ مختص کیا گیا ہے۔
علی ظفر کو امریکا میں ’کلچرل آئیکون ایوارڈ‘ سے نواز دیا گیا
وزیراعظم نے کہا کہ قوم مسلح افواج کے ساتھ کھڑی ہے۔ انہوں نے کہا کہ نوجوانوں کے لیے خصوصی اسکالرشپس حکومت کی ترجیح ہے۔
ذریعہ: City 42
کلیدی لفظ: میں اقلیتوں نے کہا کہ انہوں نے
پڑھیں:
پاکستان سمیت دنیا بھر میں دیوالی کاتہوار منایا جارہا ہے، وزیراعظم کی جانب سے خصوصی مبارکباد
پاکستان سمیت دنیا بھر میں ہندو برادری آج دیوالی کا تہوار جوش و خروش سے منا رہی ہے۔ اس موقع پر وزیراعظم شہباز شریف، چیئرمین پیپلز پارٹی بلاول بھٹو زرداری اور سندھ حکومت کی جانب سے ہندو برادری کو مبارکباد کے پیغامات دیے گئے۔
وزیراعظم شہباز شریف نے اپنے پیغام میں کہا کہ دیوالی روشنی کے اندھیرے پر، امید کے مایوسی پر غالب آنے کی علامت ہے۔ انہوں نے کہا کہ پاکستان میں مختلف مذاہب اور عقائد کا تنوع ہماری قومی یکجہتی اور ثقافتی ورثے کو مضبوط بناتا ہے۔
یہ بھی پڑھیے: سندھ حکومت کا دیوالی پر 2 روزہ تعطیلات کا اعلان
وزیراعظم نے ہندو برادری کے سماجی، معاشی اور سیاسی کردار کو سراہتے ہوئے کہا کہ حکومت قائداعظم محمد علی جناح کے وژن کے مطابق تمام شہریوں کو مساوی حقوق اور آزادی فراہم کرنے کے لیے پرعزم ہے۔ انہوں نے دعا کی کہ یہ روشنیوں کا تہوار ملک میں امن، خوشحالی اور بھائی چارے کو فروغ دے۔
پیپلز پارٹی کے چیئرمین بلاول بھٹو زرداری نے اپنے پیغام میں کہا کہ دیوالی یاد دلاتی ہے کہ روشنی ہمیشہ اندھیرے پر غالب آتی ہے۔ انہوں نے کہا کہ پیپلز پارٹی ایک ایسا پاکستان چاہتی ہے جہاں تمام مذاہب کے لوگ امن، محبت اور احترام کے ساتھ رہ سکیں۔
سندھ حکومت کے ترجمان سکھدیو ہمنانی نے بھی دیوالی کے موقع پر ہندو برادری کو نیک تمنائیں پیش کیں اور کہا کہ سندھ حکومت نے ہمیشہ کی طرح اس سال بھی ہندو برادری کے لیے عام تعطیل کا اعلان کیا ہے۔ انہوں نے امید ظاہر کی کہ یہ تہوار صوبے میں امن، محبت اور ہم آہنگی کا پیغام لے کر آئے گا۔
یہ بھی پڑھیے: آنے والوں دنوں میں 5 اہم تہوار جن کا سب کو انتظار ہے
کراچی میں مرکزی تقریب گورنر ہاؤس میں منعقد ہو رہی ہے، جہاں سندھ کے گورنر کامران ٹیسوری مہمانِ خصوصی ہیں۔ تقریب میں پوجا، کیک کاٹنے کی تقریب اور پاکستان کی خوشحالی کے لیے خصوصی دعائیں شامل ہیں۔مختلف مندروں، خاص طور پر سوامی نارائن مندر میں بھی دیوالی کے موقع پر خصوصی تقریبات اور آتش بازی کا اہتمام کیا گیا ہے، جہاں دیگر مذاہب کے افراد بھی اظہارِ یکجہتی کے لیے شریک ہو رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
diwali in pakistan جشن دیوالی مبارکباد ہندو برادری
نئی نہروں کیلیے پانی کی دستیابی کے سرٹیفکیٹ کیخلاف درخواست کی سماعت