قومی زندگی میں خصوصی افراد کی مکمل شمولیت حکومت کی ترجیح ہے، صدر مملکت کا عالمی دن پر پیغام
اشاعت کی تاریخ: 3rd, December 2025 GMT
اسلام آباد:
صدر مملکت آصف علی زرداری نے خصوصی افراد کے عالمی دن کے موقع پر کہا ہے کہ قومی زندگی میں خصوصی افراد کی مکمل شمولیت حکومت کی اولین ترجیح ہے۔
اپنے پیغام میں صدر مملکت نے خصوصی افراد کے حقوق اور وقار کے تحفظ کے عزم کا اعادہ کیا ہے۔ انہوں نے کہا کہ قومی زندگی میں خصوصی افراد کی مکمل شمولیت حکومت کی ترجیح ہے اور اس مقصد کے لیے تعلیم اور صحت سمیت دیگر شعبوں میں اقدامات جاری ہیں۔
صدر زرداری کے مطابق قومی شناختی کارڈ پر خصوصی لوگو، سرٹیفیکیشن اور سماجی تحفظ سے متعلق سہولیات کو مزید مؤثر بنایا جا رہا ہے جب کہ خصوصی افراد کے لیے بہتر روزگار اور نقل و حرکت کے مواقع فراہم کرنے پر بھی توجہ دی جا رہی ہے۔
انہوں نے کہا کہ منصفانہ معاشرہ وہی ہوتا ہے جہاں ہر فرد کو یکساں سہولتیں میسر ہوں اور خصوصی افراد کی راہ میں حائل جسمانی، سماجی اور رویوں پر مبنی رکاوٹیں دور کرنا ہم سب کی مشترکہ ذمہ داری ہے۔
صدرِ مملکت نے خصوصی افراد کی شناخت کے احترام پر زور دیتے ہوئے کہا کہ تعلیم، کاروبار اور ترقی میں ان کی فعال شرکت قومی مستقبل کے لیے نہایت اہم ہے۔ انہوں نے اس بات پر بھی روشنی ڈالی کہ خصوصی افراد ہماری اجتماعی قوت اور استقامت کا حصہ ہیں اور ہمیں ایسا پاکستان قائم کرنا ہے جو ہر فرد کے لیے قابلِ رسائی اور شمولیت کا حامل ہو۔
.ذریعہ: Express News
کلیدی لفظ: خصوصی افراد کی کے لیے
پڑھیں:
پاکستانی کوچ قومی ٹیم کو چھوڑ کر نیوزی لینڈ روانہ، سوشل میڈیا پر اہم پیغام بھی دے دیا
پاکستان مردوں کی قومی ٹیم کے وائٹ بال ہیڈ کوچ مائیک ہیسن اتوار کو نیوزی لینڈ روانہ ہوگئے۔
وہ گرین شرٹس کے ساتھ کامیاب ہوم سیزن گزارنے کے بعد چند ہفتے اپنے اہلِ خانہ کے ساتھ وقت گزاریں گے۔
یہ بھی پڑھیں: پاکستانی کرکٹرز سے بہترین پرفارمنس کیسے لینی ہے؟ ہیڈ کوچ مائیک ہیسن نے بتادیا
2025 کے ایشیا کپ ٹی20 فائنل میں روایتی حریف بھارت سے شکست کے بعد پاکستان نے انتہائی مصروف وائٹ بال ہوم سیزن کھیلا۔
جس میں 2 ون ڈے سیریز، ایک 2 طرفہ ٹی20 سیریز اور ایک 3 ملکی ٹی20 ٹورنامنٹ شامل تھا۔
View this post on Instagram
A post shared by Mike Hesson (@hesson_mike)
اکتوبر میں گرین شرٹس نے جنوبی افریقہ کی میزبانی کی، جس کے خلاف 3 ٹی20 اور 3 ون ڈے میچوں کی سیریز 1-2 سے اپنے نام کی۔
اس کے بعد سری لنکا کے خلاف 3 ون ڈے میچوں کی سیریز میں کلین سوئپ کیا اور پھر سری لنکا اور زمبابوے کے ساتھ ٹی20 ٹرائی سیریز میں حصہ لیا، جو ہفتے کو پاکستان کی فتح کے ساتھ اختتام پذیر ہوئی۔
مزید پڑھیں: بابر اعظم کو وکٹ کیپنگ کی پیشکش نہیں کی، ہیڈ کوچ مائیک ہیسن کی وضاحت
اس مصروف کیلنڈر کے دوران پاکستان نے صرف 3 میچ ہارے، ایک ون ڈے اور 2 ٹی20 جبکہ چاروں سیریز اپنے نام کیں۔
ہوم سیزن کے اختتام کے بعد گرین شرٹس کو ایک ماہ کی چھٹی دی گئی ہے۔
اگلی مصروفیت ممکنہ طور پر سری لنکا کے خلاف 3 ٹی20 میچوں کی سیریز ہے، جس پر پاکستان کرکٹ بورڈ اور سری لنکا کرکٹ کے درمیان بات چیت جاری ہے۔
اسی وجہ سے نیوزی لینڈ سے تعلق رکھنے والے ہیڈ کوچ مائیک ہیسن اپنے وطن واپس روانہ ہوئے تاکہ اپنے اہلِ خانہ کے ساتھ وقت گزار سکیں اور موسمِ گرما سے لطف اٹھا سکیں۔
مزید پڑھیں:بنگلہ دیش کے خلاف شکست کے بعد کوچ مائیک ہیسن کا سوشل میڈیا پر اہم بیان
انہوں نے انسٹاگرام پر اپنے پیغام میں ٹیم کی کارکردگی پر اطمینان کا اظہار کرتے ہوئے لکھا کہ یہ ایک تھکے ہوئے مگر خوش شخص کا چہرہ ہے۔
’آج میں چند ہفتوں کی چھٹی کے لیے اپنے طویل سفر کا آغاز کر رہا ہوں، خاندان اور گرم موسم کو یاد کر رہا ہوں۔‘
مزید پڑھیں: پاک بھارت میچ اس بار نیا تجربہ ہوگا، پاکستان کرکٹ ٹیم کے ہیڈ کوچ مائیک ہیسن
انہوں نے پاکستانی کرکٹرز کی تعریف کرتے ہوئے کہا ہے کہ کامیابی کے ساتھ سیزن کا اختتام بہت خوش آئند ہے۔ ’خوب کھیلا، لڑکوں۔‘
اطلاعات کے مطابق پاکستان اس کے بعد آسٹریلیا کی میزبانی کرے گا، جس کی ٹی20 سیریز کا اختتام ممکنہ طور پر آئی سی سی ٹی20 ورلڈ کپ 2026 سے چند روز قبل ہوگا۔
یہ ٹورنامنٹ بھارت اور سری لنکا میں 7 فروری سے 8 مارچ تک شیڈول ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان کرکٹ ٹیم کوچ مائیک ہیسن نیوزی لینڈ وائٹ بال
ہم اللہ کی زمین پر اللہ کا نظام چاہتے ہیں،سینیٹرمولانا عطا الرحمن