سندھ حکومت کا مزید اضلاع میں پیپلز بس سروس شروع کرنیکا اعلان
اشاعت کی تاریخ: 21st, October 2025 GMT
data-id="863a0a8" data-element_type="widget" data-widget_type="theme-post-content.default">
251021-02-16
کراچی(اسٹاف رپورٹر) سندھ کے سینئر وزیر شرجیل انعام میمن نے حکومت سندھ کی جانب سے مزید اضلاع میں پیپلز بس سروس شروع کرنے اور ای وی بسوں کے نئے روٹس متعارف کرانے کا اعلان کیا ہے، انہوںنے کہا کہ سندھ حکومت کراچی، حیدرآباد اور دیگر شہروں کے لیے مزید 500 ای وی بسیں شروع کرنے جارہی ہے، پیپلز پارٹی کی قیادت کی اولین ترجیح ٹرانسپورٹ کے شعبے کو جدید بنانا ہے تاکہ عوام کو بہترین سہولیات مل سکیں۔ سینئر وزیر نے کراچی میں سندھ ماس ٹرانزٹ اتھارٹی کے آپریشنز کمانڈ اینڈ کنٹرول سینٹر کا دورہ کیا۔ اس موقع پر انہوں نے سینٹر کے مختلف حصوں کا جائزہ لیا، جہاں حکام نے انہیں آپریشنز سے متعلق تفصیلی بریفنگ دی۔میڈیا سے گفتگو کرتے ہوئے شرجیل انعام میمن نے کہا کہ حیدرآباد، سکھر، لاڑکانہ، میرپورخاص اور شہید بینظیر آباد میں پیپلز بس سروس کامیابی سے چل رہی ہے۔ ہمارا ارادہ ہے کہ رواں سال مزید 3 سے 4 اضلاع میں بس سروس شروع کی جائے۔ اس کے علاوہ ای وی بسوں کے نئے روٹس متعارف کرائے جائیں گے تاکہ زیادہ سے زیادہ لوگوں کو بہتر سفری سہولیات میسر ہوں۔ انہوں نے بتایا کہ کراچی میں ڈبل ڈیکر بس سروس بھی اسی سال شروع کی جارہی ہے۔انہوں نے کہا کہ محکمہ ٹرانسپورٹ کی ترجیح یہ ہے کہ صوبے کے ہر شہر اور علاقے میں معیاری سفری سہولیات فراہم کی جائیں۔ حکومت سندھ ہر مسافر کے لیے سبسڈی دے رہی ہے۔ چیئرمین بلاول بھٹو زرداری، صدر آصف علی زرداری، وزیراعلیٰ سندھ اور حکومت سندھ کی کوشش ہے کہ عوام کو مزید اور سستی سفری سہولیات فراہم کی جائیں۔
ذریعہ
ذریعہ: Jasarat News
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار