پیپلز پارٹی وسائل لوٹنے میں اسلام آباد کیساتھ ہے، عوامی تحریک
اشاعت کی تاریخ: 5th, December 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر) سندھ کی حکمران جماعت کی قیادت مسلسل غلط بیانی کر رہی ہے۔ بلاول بھٹو زرداری کہتے ہیں کہ ہم اپنے حقوق کا دفاع کریں گے، لیکن پیپلز پارٹی کی قیادت سندھ کے حقوق کا دفاع کرنے کے بجائے مظلوم قوموں کے وسائل کی لوٹ مار میں اسلام آباد کے ساتھ کھڑی ہے۔ سندھ ہائی کورٹ نے کارونجھر کی کٹائی سے حکومت کو روکنے کا حکم دیا، تاہم بلاول بھٹو زرداری کی سندھ حکومت نے اس حکم کو سپریم کورٹ میں چیلنج کر دیا اور کیس دوبارہ متنازع آئینی عدالت میں لے جایا گیا ہے۔یہ بات عوامی تحریک کے مرکزی صدر ایڈووکیٹ وسند تھری، مرکزی جنرل سیکریٹری ایڈووکیٹ ساجد حسین مہیسیر، مرکزی نائب صدر ستار رند، مرکزی رہنما ڈاکٹر رسول بخش خاصخیلی، ایڈووکیٹ ایاز کلوئی اور ممتاز کوسو نے مشترکہ پریس بیان میں کہی۔ عوامی تحریک کے رہنماؤں نے کہا کہ حکمران جماعت کی قیادت نے سندھ کے عوام کے ساتھ اقتدار کی کرسی کے لیے فریب اور وسائل کی لوٹ مار میں اسلام آباد کے ساتھ مل کر کام کیا، اور بدلے میں اقتدار اور کرپشن کے کیسز سے بچنے کے لیے ذاتی اور گروہی مراعات حاصل کیں۔8 جولائی 2024 کو اسلام آباد کے صدارتی ہاؤس میں پیپلز پارٹی کے صدر آصف زرداری نے گرین پاکستان منصوبوں کے لیے دریائے سندھ سے چھ کینال نکالنے کا فیصلہ کیا۔ سندھ کی 13 لاکھ ایکڑ زمین ملٹی نیشنل کمپنیوں کو کارپوریٹ فارمنگ کے لیے دینے کا فیصلہ پیپلز پارٹی کی حکومت نے کیا، جس کے پہلے مرحلے میں 52713 ایکڑ زمین پیپلز پارٹی کی سندھ حکومت نے گرین پاکستان منصوبوں کو دے دی۔ اس کا نوٹیفکیشن سندھ حکومت واپس لینے کے لیے تیار نہیں ہے۔ڈیجیٹل مردم شماری میں سندھ کی آبادی کو کم کرنے میں مراد علی شاہ اسلام آباد کے ساتھ کھڑے رہے اور سی سی آئی کے اجلاس میں سندھ کے لوگوں کو اقلیت میں تبدیل کرنے والے دستاویزات پر دستخط کیے۔ ارساء ایکٹ میں ترامیم پر مراد علی شاہ اور بلاول بھٹو زرداری نے کوئی بات نہیں کی۔جزائر سے لے کر کارونجھر، کینجہر، ہالیجی، بھنبھور، کوہستان، ملیر، گورک، گنجو ٹکر سمیت سندھ کے تاریخی اور ثقافتی مقامات اور لاکھوں ایکڑ زمین نیلام کرنے کا فیصلہ سندھ حکومت نے کیا ہے۔ سندھ کے تیل، گیس، کوئلہ اور دیگر معدنیات اسلام آباد کے حوالے کیے گئے ہیں۔ تیل، گیس اور کوئلہ نکالنے والی کمپنیوں میں مقامی لوگوں کے لیے روزگار کے دروازے پیپلز پارٹی کی قیادت نے بند کر دیے ہیں۔عوامی تحریک کے رہنماؤں نے کہا کہ سندھ کے باشعور عوام پیپلز پارٹی قیادت کے جھوٹے بیانات کو بخوبی سمجھ چکے ہیں۔ جیسا کہ وہ پہلے دوہری بلدیاتی نظام، جزائر کی نیلامی، بحریہ ٹاؤن، کالا باغ ڈیم، چھ کینال کے خلاف میدان میں تھے، آج بھی وہ کالے قوانین، کارپوریٹ فارمنگ، ڈاکو راج اور سرداری نظام کے خلاف میدان میں ہیں۔21 دسمبر کو لاڑکانہ میں عوامی تحریک اور سندھیانی تحریک کی جانب سے سندھ کے بنیادی مسائل کے خلاف احتجاجی ریلی نکالی جائے گی۔
ذریعہ
ذریعہ: Jasarat News
کلیدی لفظ: پیپلز پارٹی کی اسلام ا باد کے عوامی تحریک سندھ حکومت کی قیادت حکومت نے کے ساتھ سندھ کے کے لیے
پڑھیں:
پی ٹی آئی کے علاوہ سب کو انتخابی مہم کی اجازت ہے، شفیع جان
تحریک انصاف کے رہنما شفیع جان نے کہا ہے کہ گلگت بلتستان میں پی ٹی آئی کے علاوہ باقی تمام جماعتوں کو انتخابی مہم چلانے کی اجازت ہے، نواز شریف اور بلاول بھٹو زرداری بھی کیمپین کر رہے ہیں۔
ایک بیان میں انہوں نے کہا کہ اگر تحریک انصاف کا کوئی وزیر وہاں ہوتا تو الیکشن کمیشن حرکت میں آچکا ہوتا۔ الیکشن کمیشن کی یہ خاموشی ہمیں سمجھ نہیں آرہی۔
شفیع جان کا کہنا تھا کہ پی ٹی آئی نے گلگت بلتستان ڈیموکریٹک موومنٹ سے الحاق کیا تو اُس کو بھی کینسل کر دیا گیا اور ہمارے اُمیدواروں کو آزاد ڈیکلیئر کر دیا گیا ۔
انہوں نے کہا کہ گلگت بلتستان کے عوام فیصلہ کر چکے ہیں، 7 جون کو تحریک انصاف کامیاب ہو گی۔ ہم اپنے ووٹ کو محفوظ بنانے کے مکینزم پر کام کر رہے ہیں۔
پی ٹی آئی رہنما کا کہنا تھا کہ فارم 47 کی ایک اور واردات کی تیاری کی جارہی ہے وہ ہم کرنے نہیں دیں گے۔ اس کے خلاف ہمیں اگر گلگت بلتستا ن بند کرنا پڑا تو یہ بھی کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ