کراچی؛ حساس ادارے کا جعلی افسر بن کر شارٹ ٹرم کڈنیپنگ میں ملوث اشتہاری ملزمان گرفتار
اشاعت کی تاریخ: 21st, October 2025 GMT
کراچی:
بوٹ بیسن پولیس نے حساس ادارے کا جعلی افسر بن کر شارٹ ٹرم کڈنیپنگ کی وارداتوں میں ملوث مطلوب و اشتہاری ملزمان کو گرفتار کرلیا۔
ترجمان ساؤتھ پولیس کے مطابق بوٹ بیسن پولیس نے چھاپہ مار کارروائی کے دوران 2 ملزمان کو گرفتار کیا جو کہ شارٹ ٹرم کڈنیپنگ کی وارداتوں میں ملوث تھے۔
گرفتار ملزمان کی شناخت طلال افسر عرف میجر ظفر ولد محمد افسر صدیقی اور امام بخش ولد صادق کے نام سے کی گئی جبکہ ملزمان کے قبضے سے 2 پستول 30 بور، لوڈ میگزین و گولیاں، ایک لگژری گاڑی، 4 وائر لیس واکی ٹاکی سیٹس، 3 بلٹ پروف جیکٹس اور 4 موبائل فونز برآمد ہوئے ہیں۔
ترجمان کے ماطبق گرفتار ملزمان نے ابتدائی تفتیش کے دوران اعتراف کیا ہے کہ وہ جعلی میجر بن کر اپنے دیگر ساتھیوں کے ساتھ شارٹ ٹرم کڈنیپنگ کی وارداتوں میں ملوث رہے ہیں۔
ملزمان نے مدعی تاج الدین سے 2 اقساط میں 80 لاکھ روپے تاوان وصول کرنے کا بھی اعتراف کیا ہے جس کا مقدمہ ٹیپو سلطان تھانے میں درج ہے جبکہ ملزمان بوٹ بیسن تھانے میں درج ایک مقدمے میں بھی ملوث پائے گئے ہیں۔
ترجمان کے مطابق ملزم طلال افسر عرف میجر ظفر (جعلی) اس سے قبل سپر مارکیٹ اور گلشن اقبال تھانوں میں میں درج مقدمات میں اشتہاری بھی قرار دیا جا چکا ہے جبکہ بوٹ بیسن پولیس نے گرفتار ملزمان کے خلاف مزید مقدمات بھی درج کیے ہیں۔
.ذریعہ: Express News
کلیدی لفظ: شارٹ ٹرم کڈنیپنگ بوٹ بیسن میں ملوث
پڑھیں:
حیدرآباد: پولیس مقابلے میں 2ملزمان زخمی حالت میں گرفتار، ساتھی فرار
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)حیدرآباد پولیس نے متعدد وارداتوں میں مطلوب دو ملزمان کو مقابلے کے بعد زخمی حالت میں گرفتار کرکے اسلحہ برآمد کرلیا، جبکہ تیسرا ملزم فرار ہوگیا جس کی گرفتاری کیلےے چھاپے مارے جارہے ہیں۔ہٹڑی پولیس نے دوران گشت مال پیڑی لنک روڈ کے قریب سے تین موٹر سائیکل سوار ملزمان کو روکا، پولیس کی جانب سے رکنے کا اشارہ کرنے پر
ملزمان نے فائرنگ کردی جس پر پولیس نے جوابی فائرنگ کرتے ہوئے دو ملزمان مظہر علی اور ممتاز علی مستوئی کو زخمی حالت میں گرفتار کرکے ان کے قبضے سے اسلحہ اور گولیاں برآمد کرلی، جبکہ ان کا تیسرا ساتھی فرار ہونے میں کامیاب ہوگیا۔ پولیس نے دو نوں زخمی ملزمان کو طبی امداد کیلےے سول اسپتال منتقل کردیا، پولیس کے مطابق ملزمان پیٹرول پمپ پر ڈکیتوں سمیت متعدد وارداتوں میں پولیس کو مطلوب تھے۔
وزیرِ داخلہ کا ایئرپورٹ کا اچانک دورہ: امیگریشن کارکردگی کا جائزہ، ویزا ایجنٹ مافیا کے خلاف کریک ڈاؤن کا حکم