لاہور ہائیکورٹ: لاپتہ فوزیہ بی بی کی بازیابی کے لیے آئی جی پنجاب کو 10 روز کی مہلت
اشاعت کی تاریخ: 22nd, October 2025 GMT
لاہور ہائیکورٹ نے کاہنہ سے لاپتا ہونے والی فوزیہ بی بی کی بازیابی کے لیےآئی جی پنجاب ڈاکٹر عثمان انور کو10 روز کی مہلت دے دی ہے۔
چیف جسٹس عالیہ نیلم کی سربراہی میں سماعت ہوئی، جس میں درخواست گزارحمیداں بی بی نے عدالت سے بیٹی کی بازیابی کی اپیل کی۔ عدالت کے حکم پر آئی جی پنجاب خود پیش ہوئے۔
سماعت کے دوران چیف جسٹس نے سخت ریمارکس دیتے ہوئے پوچھا، یہ کون سے جن تھے جو بچی کو لے گئے؟ جس پر آئی جی نے جواب دیا، یہ جن انسان نما تھے۔
ڈاکٹر عثمان انور نے عدالت کو بتایا کہ: فوزیہ بی بی کا نادرا میں کوئی ریکارڈ موجود نہیں۔ وہ 2019 میں مبینہ طور پر لاپتا ہوئی تھی۔ اس کی فون پر صغراں بی بی نامی خاتون سے بات چیت ہوئی تھی۔ بچی کے تمام زیرِ استعمال موبائل نمبرز حاصل کیے جا چکے ہیں۔ تمام ایدھی سینٹرز، شیلٹر ہومز اور لاوارث لاشوں کی جانچ پڑتال ہو چکی ہے۔ کچھ گروہ بچیوں کو پنجاب سے اغوا کر کے سندھ اور بلوچستان لے جاتے ہیں، سوشل میڈیا کے ذریعے بھی لڑکیوں کو ورغلایا جاتا ہے۔
چیف جسٹس نے ہدایت دی کہ مسنگ پرسنز سے متعلق واضح ایس او پیز بنائے جائیں تاکہ ایسے کیسز میں مؤثر اور فوری کارروائی ممکن ہو۔عدالت نے مزید سماعت 6 نومبر تک ملتوی کرتے ہوئے آئی جی پنجاب کو تازہ رپورٹ کے ساتھ پیش ہونے کی ہدایت دی ہے۔
ذریعہ: Daily Mumtaz
پڑھیں:
کراچی: ڈمپر کی ٹکر سے نوجوان کی ہلاکت، لیاقت محسود کی ضمانت میں توسیع
کراچی کے علاقے گارڈن میں ڈمپر کی ٹکر سے نوجوان کی ہلاکت کے بعد ہنگامہ آرائی کے کیس کی سماعت کے دوران ملزم لیاقت محسود کی عبوری ضمانت میں توسیع کر دی گئی۔
انسداد دہشت گردی عدالت میں ملزم لیاقت محسود پیش ہوئے۔ مدعی مقدمہ کی جانب سے سلمان مجاہد بلوچ ایڈووکیٹ عدالت میں پیش ہوئے اور موقف اپنایا کہ ملزم لیاقت محسود کی درخواست ضمانت پر دلائل کے لیے مہلت دی جائے۔
کراچی سندھ ہائیکورٹ کی جسٹس مسز تسنیم سلطانہ پر...
جس پر عدالت نے ملزم لیاقت محسود کی عبوری ضمانت میں 9 دسمبر تک توسیع کرتے ہوئے سماعت ملتوی کردی۔
پولیس کے مطابق ملزم کے خلاف گارڈن تھانے میں مقدمہ درج کیا گیا ہے۔
غزہ میں عالمی امن فورس کی تعیناتی اور حماس کو غیر مسلح کرنیکے ٹرمپ منصوبے کو سنگین مسائل کا سامنا