اسلام آباد ہائیکورٹ: عمران خان سے ملاقات سے متعلق کیسز لارجر بینچ میں سماعت کے لیے مقرر
اشاعت کی تاریخ: 22nd, October 2025 GMT
اسلام آباد ہائیکورٹ نے بانی پاکستان تحریک انصاف عمران خان سے جیل میں ملاقات سے متعلق تمام کیسز کل لارجر بینچ میں سماعت کے لیے مقرر کر دیے۔
یہ بھی پڑھیں: سہیل آفریدی کو عمران خان سے ملاقات کی اجازت نہ ملی تو کابینہ کی تشکیل کیسے ہوگی؟ بیرسٹر گوہر نے بتا دیا
وزیراعلیٰ خیبرپختونخوا سہیل آفریدی کی بانی پی ٹی آئی عمران خان سے ملاقات کی درخواست بھی کل لارجر بینچ کے روبرو سنی جائے گی۔
اس سلسلے میں تشکیل دیے گئے لارجر بینچ میں چیف جسٹس سرفراز ڈوگر، جسٹس ارباب محمد طاہر اور جسٹس اعظم خان شامل ہیں۔
اسی طرح قیدی عرفان کی جانب سے بانی پی ٹی آئی عمران خان جیسی جیل سہولیات فراہم کرنے کی درخواست بھی کل لارجر بینچ میں سماعت کے لیے مقرر کی گئی ہے۔
عدالتی حکم کے باوجود بانی پی ٹی آئی عمران خان سے ملاقات نہ کروانے پر دائر توہین عدالت کیس بھی کل لارجر بینچ میں سنا جائے گا۔ شبلی فراز، علیمہ خان، سلمان اکرم راجا سمیت دیگر نے ملاقات نہ کروانے پر توہین عدالت کی درخواستیں دائر کر رکھی ہیں۔
اس کے علاوہ جیل ملاقات، جیل رولز اور ایس او پیز سے متعلق مختلف درخواستیں بھی کل سماعت کے لیے مقرر ہیں۔
سپرنٹنڈنٹ اڈیالہ جیل اور پنجاب حکومت کے خلاف جیل ملاقات سے متعلق یہ تمام کیسز لارجر بینچ کے سامنے پیش ہوں گے۔
یہ بھی پڑھیں: خیبر پختونخوا: سہیل آفریدی کابینہ کی فہرست تیار، کون کون شامل ہوگا؟
واضح رہے کہ خیبرپختونخوا کے نومنتخب وزیراعلیٰ سہیل آفریدی حلف اٹھانے کے بعد عمران خان سے ملنے اڈیالہ جیل پہنچے تھے، تاہم حکام نے انہیں واپس بھیج دیا، جس کے بعد انہوں نے ہائیکورٹ سے رجوع کیا۔
سہیل آفریدی نے کہا ہے کہ اگر وفاقی حکومت نے انہیں عمران خان سے ملاقات کی اجازت نہ دی تو وہ عوامی تحریک شروع کردیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام آباد ہائیکورٹ جیل ملاقات عمران خان کیسز سماعت کے لیے مقرر لارجر بینچ وی نیوز.
ذریعہ
ذریعہ: WE News
کلیدی لفظ: اسلام ا باد ہائیکورٹ جیل ملاقات کیسز سماعت کے لیے مقرر لارجر بینچ وی نیوز عمران خان سے ملاقات سماعت کے لیے مقرر لارجر بینچ میں کل لارجر بینچ بھی کل
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار