یوگینڈا میں 2 بسوں کے تصادم سے 46 افراد ہلاک، درجنوں زخمی
اشاعت کی تاریخ: 22nd, October 2025 GMT
مغربی یوگینڈا میں دو بسوں کے آمنے سامنے ٹکرانے کے نتیجے میں کم از کم 46 افراد ہلاک اور درجنوں زخمی ہو گئے۔
یہ خوفناک حادثہ بدھ کی علی الصبح کِریاندونگو کے علاقے میں پیش آیا، جو دارالحکومت کمپالا سے تقریباً 125 میل شمال میں واقع ہے۔
یہ بھی پڑھیں: یوگنڈا: کیتھولک پادری کے مبینہ تشدد اور قید کے بعد 14 سالہ لڑکا ہلاک
یوگینڈا پولیس کے مطابق دونوں بسیں مخالف سمتوں میں سفر کر رہی تھیں اور ایک دوسرے کو اوور ٹیک کرنے کی کوشش میں تصادم کا شکار ہو گئیں۔
????Forty-six lives gone in a single crash.
Bad infrastructure, reckless driving, zero accountability, this isn’t an accident anymore, it’s a national failure. pic.twitter.com/PKglrVIIMN
— TheCommonVoice (@MaxRumbleX) October 22, 2025
پولیس نے بتایا کہ ایک بس نے مڑنے کی کوشش کی تو سامنے سے آنے والی دوسری بس سے ٹکرا گئی، جس کے نتیجے میں پیچھے آنے والا ایک ٹرک اور ایک کار بھی الٹ گئے۔
یوگینڈا ریڈ کراس سوسائٹی نے ابتدائی طور پر ہلاکتوں کی تعداد 63 بتائی تھی، تاہم پولیس نے بعد میں وضاحت کی کہ اس اعداد و شمار میں کچھ زخمی افراد بھی شامل ہو گئے تھے، جس کے بعد درست ہلاکتوں کی تعداد 46 بتائی گئی۔
مزید پڑھیں: یوگنڈا کی وزیر اعظم سے پاکستانی وفد کی ملاقات، دوطرفہ تجارت پر تبادلہ خیال
پولیس نے کہا کہ واقعے کی باضابطہ تحقیقات شروع کر دی گئی ہیں اور صحت و ایمرجنسی اداروں کے ساتھ مل کر درست اعداد و شمار جمع کیے جا رہے ہیں۔
یوگینڈا ریڈ کراس نے بتایا کہ اس کے ایمرجنسی ریسپانس یونٹ کی بروقت کارروائی سے کئی جانیں بچ گئیں۔
صدر یویری موسیوینی نے اس حادثے پر گہرے دکھ کا اظہار کرتے ہوئے جاں بحق افراد کے لواحقین کے لیے 1,430 امریکی ڈالر اور زخمیوں کے لیے 286 امریکی ڈالر امداد کا اعلان کیا۔
مزید پڑھیں: 59 سالہ ڈاکٹر ذاکر نائیک کی 430 فٹ بلندی سے بنجی جمپنگ، مداح حیران رہ گئے
پولیس نے ڈرائیوروں کو خطرناک اور لاپرواہ انداز میں اوورٹیکنگ سے باز رہنے کی ہدایت کرتے ہوئے کہا کہ ایسے اقدامات یوگینڈا میں ٹریفک حادثات کی بڑی وجوہات میں سے ایک ہیں۔
یہ حادثہ اس وقت پیش آیا جب محض 10 روز قبل جنوبی افریقہ میں کم از کم 42 تارکین وطن مزدور ایک بس حادثے میں ہلاک ہو گئے تھے، جو زمبابوے اور ملاوی واپس جا رہے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایمرجنسی بس حادثہ ٹرک ٹریفک ریڈ کراس سوسائٹی یوگینڈا
ذریعہ
ذریعہ: WE News
کلیدی لفظ: ایمرجنسی ٹریفک ریڈ کراس سوسائٹی پولیس نے
پڑھیں:
کراچی، شہر کے مختلف علاقوں میں پولیس مقابلے، 6 زخمیوں سمیت 9 ڈاکو گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران 6 زخمیوں سمیت 9 ڈاکوؤں کو گرفتار کر لیا۔
کارروائیوں کے دوران ملزمان کے قبضے سے اسلحہ، چھینے گئے موبائل فونز، نقد رقم اور موٹر سائیکلیں بھی برآمد کر لی گئیں۔
پولیس کے مطابق شاہ لطیف تھانے کی حدود میں بھینس کالونی کے قریب ایک نجی یونیورسٹی کے سامنے مبینہ پولیس مقابلے کے بعد ایک ڈاکو کو زخمی حالت میں گرفتار کیا گیا۔
زخمی ملزم کو جناح اسپتال منتقل کیا گیا جہاں اس کی شناخت جاوید عرف راول کے نام سے ہوئی۔
پولیس کا کہنا ہے کہ گرفتار ملزم اسٹریٹ کرائمز، ڈکیتی اور دیگر سنگین جرائم کی متعدد وارداتوں میں مطلوب تھا اور ماضی میں 15 سے زائد مقدمات میں گرفتار ہو کر جیل جا چکا ہے۔ ملزم کے قبضے سے اسلحہ، چھینے گئے موبائل فونز اور نقد رقم بھی برآمد ہوئی۔
دوسری کارروائی اقبال مارکیٹ تھانے کی حدود اورنگی ٹاؤن سیکٹر ساڑھے گیارہ میں کی گئی جہاں مبینہ مقابلے کے بعد دو ڈاکوؤں کو گرفتار کر لیا گیا۔
زخمی ملزم سہیل کو عباسی شہید اسپتال منتقل کیا گیا جبکہ اس کے ساتھی اکرم کو تھانے منتقل کر دیا گیا۔
مزید پڑھیںکراچی، پولیس اور ایس آئی یو کے ڈاکوؤں کے ساتھ مقابلے، 1 ڈاکو ہلاک، 3 زخمی حالت میں گرفتار
پولیس نے ملزمان کے قبضے سے اسلحہ، موبائل فون، نقد رقم اور موٹر سائیکل برآمد کرنے کا دعویٰ کیا ہے۔
ادھر بہادرآباد تھانے کی حدود میں کنگری ہاؤس کے قریب مبینہ پولیس مقابلے کے دوران دو ڈاکو گرفتار کیے گئے جن میں ایک زخمی ملزم جان شیر بھی شامل ہے۔
زخمی ملزم کو جناح اسپتال منتقل کیا گیا۔ پولیس کے مطابق گرفتار ملزمان سے اسلحہ، موبائل فونز، نقد رقم اور موٹر سائیکل برآمد کی گئی۔
ایک اور کارروائی فیروز آباد پولیس اور شاہین فورس نے جیل چورنگی کے قریب مشترکہ طور پر کی جہاں مبینہ مقابلے کے بعد دو ڈاکو زخمی حالت میں گرفتار کر لیے گئے۔
پولیس کا کہنا ہے کہ ملزمان کے قبضے سے اسلحہ، موبائل فونز، نقد رقم اور موٹر سائیکل برآمد ہوئی ہے۔
پولیس حکام کے مطابق گرفتار ملزمان کے خلاف مقدمات درج کر کے تفتیش کا آغاز کر دیا گیا ہے جبکہ ان کے دیگر ساتھیوں اور جرائم پیشہ نیٹ ورک سے متعلق بھی تحقیقات جاری ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ