سہراب گوٹھ اور الآصف اسکوائر میں پولیس کا بڑا سرچ آپریشن، افغان باشندے گرفتار
اشاعت کی تاریخ: 22nd, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی: پولیس نے وفاقی حکومت کی ہدایات پر عمل کرتے ہوئے افغان باشندوں کے خلاف بڑا سرچ آپریشن کیا۔
تازہ کارروائی سہراب گوٹھ، الآصف اسکوائر اور ملحقہ علاقوں میں منگل اور بدھ کی درمیانی رات کی گئی، جس کی نگرانی ایس ایس پی ایسٹ فرخ رضا نے خود کی۔ آپریشن میں ڈی ایس پی، ایس ایچ اوز، انٹیلی جنس اہلکاروں اور خواتین پولیس اہلکاروں سمیت بھاری نفری نے حصہ لیا۔
آپریشن کا مقصد ایسے افغان باشندوں کی گرفتاری تھا جو قانونی کاغذات کے بغیر کراچی میں مقیم ہیں۔ پولیس نے متعدد افغان شہریوں کو حراست میں لے کر ان کے سفری اور شناختی دستاویزات کی جانچ شروع کر دی ہے۔ ابتدائی رپورٹ کے مطابق گرفتار افراد میں سے اکثر کے پاس پاکستانی ویزا یا رجسٹریشن کارڈ موجود نہیں تھا۔
ڈی ایس پی اورنگزیب خٹک کے مطابق یہ کارروائی مکمل طور پر وفاقی حکومت کی پالیسی کے مطابق کی جا رہی ہے۔ انہوں نے بتایا کہ جن افغان باشندوں کے پاس قانونی دستاویزات نہیں ہوں گی، ان کے خلاف قانون کے مطابق کارروائی کی جائے گی۔
انہوں نے کہا کہ کسی بھی شخص کے ساتھ غیر قانونی سلوک کی اجازت نہیں، تاہم شہر میں غیر قانونی قیام کرنے والوں کے خلاف زیرو ٹالرینس پالیسی پر عمل کیا جا رہا ہے۔
آپریشن کے دوران علاقے میں پولیس کی بھاری نفری موجود تھی۔ پولیس حکام کا کہنا ہے کہ آئندہ دنوں میں بھی اس طرح کے ٹارگٹڈ سرچ آپریشنز جاری رہیں گے تاکہ شہر میں قانون کی عملداری اور امن و امان برقرار رکھا جا سکے۔
.ذریعہ: Jasarat News
کلیدی لفظ: کے مطابق
پڑھیں:
انسداد منشیات ٹاسک فورس اور پولیس کی کارروائی، 60 کلو منشیات برآمد، تین ملزمان گرفتار
data-id="863a0a8" data-element_type="widget" data-widget_type="theme-post-content.default">
کراچی: انسدادِ منشیات ٹاسک فورس اور منگھوپیر پولیس نے مشترکہ کارروائی کرتے ہوئے پنجاب سے کراچی لائی جانے والی منشیات کی بڑی کھیپ پکڑ کر اسمگلنگ کی کوشش ناکام بنا دی، کارروائی کے دوران 60 کلو سے زائد منشیات برآمد کی گئی جبکہ اسمگلنگ میں ملوث تین افراد کو گرفتار کیا گیا۔
تفصیلات کے مطابق ڈی آئی جی ویسٹ زون و سربراہ انسداد منشیات ٹاسک فورس عرفان علی بلوچ کی خصوصی ہدایات پر منشیات فروشوں کے خلاف کارروائیاں تیز کر دی گئی ہیں، اسی سلسلے میں خفیہ اطلاع پر پولیس اور ٹاسک فورس نے پنجاب سے آنے والی ایک مسافر کوچ کو روک کر اس کے خفیہ خانوں کی تلاشی لی۔
تلاشی کے دوران 60 کلو سے زائد اعلیٰ معیار کی منشیات برآمد ہوئی جس کی مالیت 60 لاکھ روپے سے زائد بتائی جا رہی ہے، پولیس کے مطابق یہ منشیات کراچی کے مختلف اڈوں اور مقامات پر سپلائی کی جانی تھی۔
کارروائی کے دوران پولیس نے منشیات اسمگلر غلام حسین سمیت مسافر کوچ کے ڈرائیور جاوید اور کنڈیکٹر رضوان کو گرفتار کر لیا۔ گرفتار افراد سے ابتدائی تفتیش شروع کر دی گئی ہے جبکہ پولیس اُن کے سابقہ ریکارڈ کی بھی جانچ کر رہی ہے۔
ذرائع کے مطابق گزشتہ چار روز کے دوران انسداد منشیات ٹاسک فورس نے گلستان جوہر، پاک کالونی، ملیر اور دیگر علاقوں میں کارروائیاں کرتے ہوئے کروڑوں روپے مالیت کی منشیات ضبط کی ہے۔
ڈی آئی جی ویسٹ زون عرفان علی بلوچ نے کہا ہے کہ شہر بھر میں منشیات کے خاتمے کے لیے ٹاسک فورس کی کارروائیاں مزید تیز کی جائیں گی اور اس دھندے میں ملوث کسی شخص کو رعایت نہیں دی جائے گی۔
پیپلز پارٹی صرف سیاست نہیں بلکہ خون سے لکھی جدوجہد کا نام ہے، سید ناصر حسین شاہ