ٹرمپ نے منشیات فروش کو عراق میں ایلچی مقرر کردیا
اشاعت کی تاریخ: 22nd, October 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن (انٹرنیشنل ڈیسک) امریکی صدر ڈونلڈ ٹرمپ نے مشی گن میں مقیم منشیات فروش مارک ساویا کو عراق کے لیے اپنا خصوصی ایلچی مقرر کرنے کا اعلان کیا۔ ٹرمپ نے اپنے ٹروتھ سوشل پر لکھا کہ مجھے یہ اعلان کرتے ہوئے خوشی ہو رہی ہے کہ مارک ساوایا عراق کے لیے خصوصی ایلچی کے طور پر کام کریں گے۔ انہوں نے مزید کہا کہ عراق امریکاتعلقات کے بارے میں مارک کی گہری سمجھ اور خطے میں ان کے روابط امریکی عوام کے مفادات کو آگے بڑھانے میں مدد کریں گے۔دوسری جانب اس تقررنے مارک ساوایا کے غیر روایتی پس منظر کی وجہ سے بڑے پیمانے پر تنازع پیدا کردیا ہے۔ دی انڈیپنڈنٹ کے مطابق مشی گن میں چرس کی دکانوں کا سلسلہ چلانے والا یہ شخص اپنے بل بورڈ اشتہارات کے لیے جانا جاتا ہے۔ مارک ساوایا سنٹرلائن ہازل پارک اور لیونوئس ڈیٹروئٹ کے مغرب میں چرس کے ریٹیل اسٹورزلیف اینڈ بڈ کی چین کے مالک ہیں،جب کہ ان کے پاس حکومت کا کوئی سابق تجربہ بھی نہیں ہے۔ ٹرمپ نے اپنے بیان میں امریکاعراق تعلقات کے بارے میں ان کی گہری سمجھ اور اپنی مہم میں مشی گن میں مسلم امریکی ووٹ حاصل کرنے میں ان کے تعاون کی تعریف کی تھی۔مشی گن نے 2018 ء میں بھنگ کی فروخت کو قانونی حیثیت دی تھی اور اس کے طبی استعمال کو ایک دہائی قبل قانونی حیثیت دی گئی تھی لیکن یہ وفاقی قانون کے تحت غیر قانونی ہے۔ مارک ساویا سے متعلق یہ انکشاف روسی اسرائیلی محقق الزبتھ تسرکوف کی طرف سے سامنے آیا ہے جسے 2023 ء میں عراق میں اغوا کیا گیا تھااور حال ہی میں رہا کیا گیا ہے۔ تسرکوف نے اپنے انسٹاگرام اکاؤنٹ پر ایک پوسٹ میں انکشاف کیا کہ مارک ساوایا نے عراقی حزب اللہ بریگیڈز کے ہاتھوں 903 دن کی قید کے بعد ان کی رہائی میں اہم کردار ادا کیا۔
ذریعہ
ذریعہ: Jasarat News
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی