پنجاب حکومت کا ریاست دشمن عناصر، غیرقانونی رہائشیوں اور بدمعاش کلچر کے خلاف فیصلہ کن کارروائیوں کا اعلان
اشاعت کی تاریخ: 22nd, October 2025 GMT
وزیراعلیٰ پنجاب مریم نواز کی زیر صدارت امن و امان سے متعلق مسلسل تیسرے غیر معمولی اجلاس میں ریاستی رٹ قائم رکھنے اور قانون کی بالادستی یقینی بنانے کے لیے اہم اور سخت فیصلے کیے گئے ہیں۔ اجلاس میں واضح پیغام دیا گیا کہ پنجاب میں ڈالا کلچر، بدمعاشی اور مافیا نیٹ ورک کو ہرگز برداشت نہیں کیا جائے گا۔
اجلاس میں فیصلہ کیا گیا کہ:
ریاست کے خلاف بندوق اٹھانے والے انتہاپسند عناصر اورغیر قانونی رہائشیوں کے خلاف بھرپور کارروائیاں ہوں گی۔
لاوڈ اسپیکر ایکٹ پر عملدرآمد کو مزید سخت بنایا جائے گا تاکہ مذہبی اور فرقہ وارانہ اشتعال انگیزی کا خاتمہ ممکن ہو۔
ہر ضلعے میںوسل بلور سیل قائم کیا جائے گا، تاکہ شہری بلاخوف انتہا پسند تنظیموں یا مشکوک غیر ملکی افراد کی اطلاع دے سکیں۔
پولیس ہیلپ لائن 15 پر خصوصی سیل قائم کر دیا گیا ہے، جہاں عوام ایسے عناصر کی اطلاع دے سکتے ہیں۔
مزید برآں، حکومت نے:
غیرقانونی اسلحہ کے خلاف کارروائیاں تیز کرنے،
پنجاب امن کمیٹیوں کو زیادہ فعال بنانے،
اور ہر شہری کی دہلیز تک موبائل پولیس اسٹیشن کی سہولت پہنچانے کا فیصلہ کیا ہے۔
حکومت نے واضح کیا کہ یہ اقدامات کسی خاص فرقے یا عقیدے کے خلاف نہیں، بلکہ مخصوص انتہا پسند سوچ رکھنے والے گروہوں کے خلاف ہیں۔
اس کے ساتھ ہی، انتہا پسند تنظیموں کے اشتہارات، بینرز، پلے کارڈز اور تصاویر پر بھی مکمل پابندی عائد کر دی گئی ہے۔
غیر قانونی غیر ملکی باشندوں کے خلاف سخت مہم
پنجاب بھر کی ضلعی انتظامیہ کو ہدایت دی گئی ہے کہ:
روزانہ کی بنیاد پر غیر قانونی غیر ملکیوں کی موجودگی، کاروباری سرگرمی اور ڈی پورٹیشن کی رپورٹس فراہم کی جائیں۔
ایسے افراد کوٹیکس نیٹ میں لانے کی کوشش کی جائے اورڈی پورٹ کرنے کے لیے اقدامات کیے جائیں۔
عوام کو سختی سے ہدایت کی گئی ہے کہ غیر قانونی غیر ملکیوں کو دکان یا مکان کرائے پر نہ دیں، بصورت دیگر کرایہ داری اور پاسپورٹ ایکٹ کے تحت کارروائی کی جائے گی۔
سوشل میڈیا پر نفرت انگیزی کے خلاف زیرو ٹالرنس
حکومت نے اعلان کیا کہ:
سوشل میڈیا پر نفرت انگیز مواد پھیلانے والوں کے خلاف پیکا ایکٹ کے تحت مقدمات درج کیے جائیں گے۔
ایسے افراد کے خلاف زیرو ٹالرنس پالیسی نافذ کر دی گئی ہے۔
اسی طرح، بغیر اجازت اجتماعات یا بازار بند کرانے والے افراد کے خلاف دہشت گردی کے قوانین کے تحت کارروائی کی جائے گی۔
اجلاس میں وزیراعلیٰ مریم نواز نے ریاستی اداروں کو پیغام دیا کہ قانون شکن عناصر کے خلاف بلا امتیاز اور بلا خوف کارروائی کی جائے، اور شہریوں کی جان و مال کے تحفظ کو یقینی بنانے کے لیے ریاستی رٹ ہر صورت بحال کی جائے۔
ذریعہ
ذریعہ: Daily Mumtaz
کلیدی لفظ: اجلاس میں کے خلاف کی جائے گئی ہے
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ