کاسمِک اورینج آئی فونز کیوں گلابی ہورہے ہیں؟
اشاعت کی تاریخ: 23rd, October 2025 GMT
نئے کاسمِک اورینج آئی فون 17 پرو کے خریداروں کی شکایات سامنے آ رہی ہیں کہ ان کے فونز کا رنگ آہستہ آہستہ گلابی ہوتا جارہا ہے۔
ریڈِٹ اور ٹِک ٹاک پر شیئر کی گئی تصاویر سے ظاہر ہوتا ہے کہ فون کا میٹل فریم اور بٹن گلابی پڑرہے ہیں جبکہ گلاس بیک اپنی تیز اورینج حالت میں ہی برقرار ہے۔
یہ بھی پڑھیں: وہ 7 ممالک جہاں آئی فون 17 کی قیمت پوری دنیا سے کم ہے
ماہرینِ کے مطابق یہ کسی خفیہ رنگ کی خرابی نہیں بلکہ کیمسٹری اور کلیننگ ہیبٹس (صفائی کے طریقوں) کا نتیجہ ہے۔
صارفین کو کیا نظرآرہا ہے؟متعدد صارفین کی رپورٹس کے مطابق رنگ کی تبدیلی زیادہ تر ان جگہوں پر ہوتی ہے جہاں ہاتھ زیادہ لگتے ہیں — جیسے ایجز، بٹن کے اردگرد حصے، اور وہ کونے جہاں انگلیاں یا وائپس زیادہ استعمال ہوتے ہیں۔
کئی صارفین نے بتایا کہ پہلے ہلکا سا ریڈِش رنگ آتا ہے جو چند دنوں میں گہرا ہو جاتا ہے، خاص طور پر جب فون کو بہت زیادہ ڈِس اِنفیکٹ کیا جائے۔
یہ بھی پڑھیں: ایپل سے بھی بہتر فیچرز کے ساتھ چینی کمپنی کے 17 پرو اور 17 پرو میکس متعارف، قیمتیں کیا ہیں؟
اہم بات یہ ہے کہ فون کے ٹچ موڈ یا گلاس پینل میں کوئی تبدیلی نہیں آتی؛ اصل فرق صرف میٹل والے حصے میں نظر آتا ہے۔
کاسمِک اورینج کے رنگ کی کیمسٹریآئی فون 17 پرو کا کاسمِک اورینج فِنِش دراصل اینوڈائزڈ ایلومینیم پر لگایا جاتا ہے۔
اینوڈائزنگ ایک ایسا عمل ہے جس میں ایلومینیم پر ایک چھید دار آکسائیڈ لیئر بنائی جاتی ہے جس میں رنگ داخل کیا جاتا ہے، پھر اسے سیل کر دیا جاتا ہے تاکہ رنگ اور کوریژن ریزِسٹنس برقرار رہے۔
جب آپ ایسے کلینرز استعمال کرتے ہیں جن میں ہائیڈروجن پر آکسائیڈ یا کلورین کمپاؤنڈز ہوں تو یہ آرگینک ڈائیز (یعنی رنگ کے سالمات) کو نقصان پہنچا سکتے ہیں۔
یہ بھی پڑھیں: آئی فون 17 پرو میکس سے لی گئی پہلی تصویر جاری
عام طور پر جب اورینج رنگ میں موجود یلو ڈائی ختم ہوتی ہے تو نتیجتاً رنگ پنک یعنی گلابی دکھائی دینے لگتا ہے۔
اورینج رنگ زیادہ حساس کیوں؟تمام رنگ کیمیائی دباؤ میں ایک جیسے ردعمل نہیں دیتے۔
اورینج رنگ عام طور پر ریڈ اور یلو رنگوں کے امتزاج سے بنتا ہے۔
جب آکسیڈنٹس یلو جز کو ختم کرتے ہیں تو باقی ریڈ غالب آجاتا ہے، اور یوں فون گلابی پڑنے لگتا ہے۔
جبکہ گرافائٹ، بلو یا دوسرے ڈارک ٹونز والے رنگ زیادہ مستحکم رہتے ہیں۔
کلینرز کا کردارایپل کی رہنمائی کے مطابق صرف 70 فیصد آئیسوپروپل الکحل یا 75 فیصد ایتھائل الکحل وائپس استعمال کیے جا سکتے ہیں۔
لیکن مسئلہ یہ ہے کہ پر آکسائیڈ اور کلورین بہت سے عام کلینرز میں موجود ہوتے ہیں — جیسے ہاسپٹل گریڈ اسپرے، ہوم آل پرپز کلینرز، اسٹین ریموورز، یا یہاں تک کہ ایکنی کریمز اور ہیئر پروڈکٹس کے اثرات جو ہاتھوں پر رہ جاتے ہیں۔
ایسے کیمیکلز کے بار بار اثر سے رنگ کا زائل ہونا تیز ہو جاتا ہے۔
ممکنہ مینوفیکچرنگ مسئلہ؟کچھ ویڈیوز میں یہ دعویٰ بھی کیا جا رہا ہے کہ شاید اینوڈائزڈ لیئر کو مکمل طور پر سیل نہیں کیا گیا۔
اینوڈائزنگ کے آخری مرحلے میں ہاٹ واٹر یا نِکّل ایسیٹیٹ کے ذریعے سیلنگ کی جاتی ہے۔
اگر یہ مرحلہ کمزور رہ جائے تو رنگ کی پائیداری کم ہو جاتی ہے۔
تاہم اب تک سامنے آنے والے شواہد زیادہ تر کیمیکل ری ایکشن سے مطابقت رکھتے ہیں، نہ کہ کسی بڑے پگمنٹ فالٹ سے۔
اگر آپ کے پاس گلابی فون آ گیا ہےاگر آپ کے کاسمِک اورینج آئی فون کا رنگ پہلے ہی گلابی پڑ گیا ہے تو بدقسمتی سے یہ تبدیلی پرمیننٹ ہوتی ہے۔
اسے پولِش کرنے سے رنگ واپس نہیں آئے گا بلکہ سطح مزید خراب ہوسکتی ہے۔
واحد حل یہ ہے کہ پورا انکلوژر (باہری حصہ) تبدیل کیا جائے۔
اگر فون ابھی وارنٹی یا ریٹرن ونڈو میں ہے تو ایپل سپورٹ سے رجوع کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی فون 17 پرو اورینج پنک رنگ کیمیکل.ذریعہ: WE News
کلیدی لفظ: آئی فون 17 پرو اورینج کیمیکل کاسم ک اورینج فون 17 پرو آئی فون جاتا ہے رنگ کی
پڑھیں:
نیویارک کے میئر زہران مَمدانی کرائے کے گھر سے گریسی مینشن کیوں منتقل ہوں گے؟
نیویارک کے میئر منتخب زہران ممدانی نے اعلان کیا ہے کہ وہ اپنی اہلیہ کے ہمراہ جنوری میں عہدہ سنبھالنے کے بعد مین ہیٹن میں واقع میئر کی سرکاری رہائش گاہ، گریسی مینشن، منتقل ہونے کے لیے تیار ہیں۔
ان کا کہنا ہے کہ یہ فیصلہ خاندان کی حفاظت اور نیویارک کے عوام کے لیے اپنی ’افورڈیبلٹی ایجنڈا‘ پر مکمل توجہ دینے کے پیشِ نظر کیا گیا ہے۔
یہ بھی پڑھیں:
انسٹا گرام پر جاری کردہ ایک بیان کے مطابق زہران مَمدانی نے جنوری میں گریسی مینشن منتقل ہونے کا اعلان کیا، تاہم انہوں نے اپنی موجودہ رہائش، اسٹوریا، کو خاص قرار دیتے ہوئے کہا کہ یہ محلہ ہمیشہ ان کے دل اور کام کا حصہ رہے گا۔
From 1-BHK to $100m mansion: Zohran Mamdani relocates to Gracie Mansion – here’s why it matters
Zohran Mamdani moves into Gracie Mansion, citing family safety and focus on city agendahttps://t.co/IFWZBrkhCR
— Gulf News (@gulf_news) December 9, 2025
’یہ فیصلہ دراصل ہمارے خاندان کی حفاظت اور اس بات کی اہمیت کے پیشِ نظر کیا گیا کہ میں اپنی تمام تر توجہ اس افورڈیبلٹی ایجنڈے پر مرکوز رکھ سکوں جس کے لیے نیویارکرز نے ووٹ دیا۔‘
ان کا کہنا تھا وہ بہت سی چیزوں کو یاد کریں گے۔ ’۔۔۔عدنی چائے کی خوشبو، ہسپانوی اور عربی سمیت مختلف زبانوں میں ہونے والی گفتگو۔۔۔ سمندری غذا اور شاورما کی مہک جو ہر طرف پھیلی رہتی تھی۔‘
افورڈیبلٹی اور رہائشی استحکام کے ایجنڈے پر انتخابی مہم چلانے والے زہران ممدانی نے گزشتہ ماہ بڑے مارجن سے میئر کا انتخاب جیتا تھا۔
مزید پڑھیں:
وہ گزشتہ 100 سال میں نیویارک کے سب سے کم عمر میئر ہوں گے۔
34 سالہ ڈیموکریٹک سوشلسٹ کو اس بات پر تنقید کا سامنا بھی رہا کہ وہ سبسڈی والے گھر میں رہتے ہیں۔
View this post on Instagram
A post shared by Zohran Kwame Mamdani (@zohrankmamdani)
فی الحال وہ اسٹوریا میں ایک بیڈروم کے اپارٹمنٹ کے لیے تقریباً 2,300 ڈالر کرایہ ادا کرتے ہیں۔
سابق گورنر اینڈریو کومو نے ان پر تنقید کرتے ہوئے کہا تھا کہ وہ سالانہ 1,42,000 ڈالر کمانے کے باوجود سبسڈی والے کرایہ کے فلیٹ میں رہ رہے ہیں۔
زہران مَمدانی کا موجودہ 800 اسکوائر فٹ کا اپارٹمنٹ نیویارک قانون کے مطابق حرارت اور گرم پانی فراہم کرتا ہے۔
مزید پڑھیں:
اگرچہ اپارٹمنٹ میں واشر یا ڈرائر نہیں، مگر عمارت میں مشترکہ لانڈری روم موجود ہے۔
1929 میں تعمیر ہونے والی اس عمارت میں لفٹ بھی موجود ہے، جو آسٹوریا میں ایک نایاب سہولت ہے۔
دوسری جانب، گریسی مینشن میں ورانڈے سے ایسٹ ریور کا دلکش منظر نظر آتا ہے۔
مزید پڑھیں:
یہاں ایک شاندار فائر پلیس کے ساتھ استقبالیہ کمرہ، اور پیرس کے باغات کی منظرکشی والے وال پیپر کے ساتھ خصوصی ڈائننگ اور بیٹھک کمرے موجود ہیں، جہاں میئرز سرکاری شیف کے تیار کردہ کھانے کھاتے ہیں۔
اسٹوریا ایک نسبتاً سستا اور نوجوان خاندانوں کا پسندیدہ محلہ ہے، جب کہ اپر ایسٹ سائیڈ دنیا کے مشہور عجائب گھروں اور بارز کا مرکز ہے۔
نیویارک ٹائمز کے مطابق یہی سخت سیکیورٹی اور سرکاری تقریبات کی سہولت وہ عوامل ہیں جن کی وجہ سے تقریباً تمام میئرز بالآخر گریسی مینشن ہی کو منتخب کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افورڈیبلٹی ایجنڈا ڈیموکریٹک سوشلسٹ زہران ممدانی شاورما کم عمر گریسی مینشن میئر نیویارک
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر