مولانا فضل الرحمن سے برطانوی ہائی کمشنر کی ملاقات، سیاسی و سیکیورٹی صورتحال پر تبادلہ خیال
اشاعت کی تاریخ: 25th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: جمعیت علمائے اسلام (ف) کے سربراہ مولانا فضل الرحمن سے برطانوی ہائی کمشنر جین میریٹ نے اسلام آباد میں ملاقات کی، جس میں پاکستان اور خطے کی مجموعی سیاسی و سیکیورٹی صورتحال پر تفصیلی تبادلہ خیال کیا گیا۔
میڈیا رپورٹس کے مطابق ملاقات کے دوران دونوں رہنماؤں نے باہمی دلچسپی کے امور، علاقائی استحکام اور موجودہ عالمی چیلنجز پر بھی گفتگو کی، اس موقع پر پاک برطانیہ تعلقات کو مزید مضبوط اور مستحکم بنانے پر اتفاق کیا گیا جبکہ باہمی تعاون کے فروغ کے لیے مختلف پہلوؤں پر مشاورت کی گئی۔
ذرائع نے بتایا کہ مولانا فضل الرحمن نے گفتگو کے دوران پاکستان میں جمہوری عمل کے تسلسل، سیاسی استحکام اور امن و امان کی فضا کو برقرار رکھنے کی ضرورت پر زور دیا، جمہوری اداروں کو مضبوط کیے بغیر ملکی ترقی اور استحکام ممکن نہیں، اور تمام قوتوں کو مل کر ملک کے آئینی نظام کو مستحکم بنانے کے لیے کردار ادا کرنا ہوگا۔
برطانوی ہائی کمشنر جین میریٹ نے اس موقع پر پاکستان کے مثبت کردار کو سراہتے ہوئے کہا کہ برطانیہ پاکستان کے ساتھ دیرینہ تعلقات کو قدر کی نگاہ سے دیکھتا ہے۔ انہوں نے خطے میں قیامِ امن، استحکام اور ترقی کے لیے پاکستان کی قربانیوں کو خراجِ تحسین پیش کیا اور مختلف شعبوں میں تعاون بڑھانے کی خواہش کا اظہار کیا۔
ذرائع کے مطابق ملاقات خوشگوار ماحول میں ہوئی اور دونوں رہنماؤں نے اس بات پر اتفاق کیا کہ بدلتی ہوئی عالمی صورتِ حال میں بین الاقوامی شراکت داری اور مکالمے کو فروغ دینا وقت کی اہم ضرورت ہے تاکہ خطے میں پائیدار امن اور ترقی کی راہ ہموار کی جاسکے۔
ذریعہ: Jasarat News
پڑھیں:
وزیرِ خزانہ، برطانوی وزیرِ ترقیات ملاقات، معاشی استحکام پر گفتگو
اسلام آباد(نیوزڈیسک) وفاقی وزیرِ خزانہ محمد اورنگزیب سے برطانوی وزیر برائے ڈیولپمنٹ بیرونس چیپ مین نے اسلام آباد میں ملاقات کی۔
سرکار اعلامیے کے مطابق ملاقات میں برطانوی ہائی کمشنر جین میریٹ اور سینئر برطانوی حکام نے بھی شرکت کی۔
پاکستان نے آئی ایم ایف پروگرام کی کامیاب تکمیل کے لیے برطانیہ کی حمایت پر اظہارِ تشکر کیا جبکہ دونوں ممالک کے درمیان معاشی استحکام اور ساختی اصلاحات پر تبادلۂ خیال کیا۔
ملاقات میں توانائی سیکٹر کی بہتری، قرضوں کے انتظام اور سرکاری اداروں میں اصلاحات، پینشن اصلاحات، مالیاتی نظم و ضبط اور سماجی شعبوں کے لیے مالی گنجائش بڑھانے پر گفتگو کی گئی۔
وزیرِ خزانہ نے کہا کہ ٹیکس بیس میں توسیع اور ٹیکنالوجی کے ذریعے ریکوری بہتر ہو رہی ہے۔
اعلامیے کے مطابق وزیرِ خزانہ نے کہا کہ صحت، تعلیم اور کلائمیٹ ریزیلینس میں وفاقی و صوبائی روابط مضبوط بنانے پر اتفاق کیا۔
وزیرِ خزانہ نے ڈیولپمنٹ اسپینڈنگ کو قومی ترجیحات سے ہم آہنگ کرنے کی ضرورت پر زور دیا۔
برطانیہ نے گورننس اصلاحات، ڈیجیٹلائزیشن اور سرمایہ کاری ماحول کے لیے تعاون کی یقین دہانی کرائی۔
ملاقات میں خواتین کی معاشی شمولیت اور آبادی سے متعلق پالیسی آپشنز پر بھی گفتگو کی گئی، دونوں ممالک نے اعلیٰ سطح پر روابط اور نجی شعبے کے ساتھ تعاون بڑھانے پر اتفاق کیا۔
وفاق اور صوبوں کے درمیان وسائل کی تقسیم کیلئے قومی مالیاتی کمیشن کا اجلاس آج ہوگا