وزیراعظم شہباز شریف کا جنوبی افریقہ اور پاکستان کرکٹ ٹیموں کے اعزاز میں عشائیہ
اشاعت کی تاریخ: 25th, October 2025 GMT
وزیراعظم محمد شہباز شریف نے جنوبی افریقہ اور پاکستان کرکٹ ٹیم کے اعزاز میں عشائیہ دیا ہے۔ وزیراعظم ہاؤس میں منعقدہ تقریب میں دونوں ٹیموں کے کھلاڑیوں، ٹیم انتظامیہ، وفاقی وزرا اور پاکستان کرکٹ بورڈ کے اعلیٰ عہدیداروں نے شرکت کی۔
Islamabad: Prime Minister Muhammad Shehbaz Sharif interacts with the management and players of Pakistan Cricket team.
— PTV News (@PTVNewsOfficial) October 25, 2025
اس موقع پر وزیراعظم نے جنوبی افریقہ کی ٹیم کو پاکستان آمد پر خوش آمدید کہا اور کہا کہ جنوبی افریقہ کے ساتھ مختلف سطحوں پر شاندار تعلقات قائم ہیں، کرکٹ بھی ان میں سے ایک مضبوط رشتہ ہے۔
یہ بھی پڑھیں: پاکستان میں جلد فٹبال کی ترقی کے لیے جامع پلان کے نفاذ کا آغاز کریں گے، شہباز شریف
وزیراعظم نے کہا کہ جاری کرکٹ سیریز دونوں ممالک کے درمیان کھیلوں کے گہرے تعلقات اور باہمی احترام کی عکاس ہے۔ جنوبی افریقہ نے کرکٹ کے عظیم کھلاڑی پیدا کیے ہیں جبکہ پاکستانی کھلاڑیوں نے بھی اپنی کارکردگی سے ملک و قوم کا نام دنیا بھر میں روشن کیا ہے۔
Islamabad: Prime Minister Muhammad Shehbaz Sharif interacts with the management and players of Pakistan Cricket team.@CMShehbaz pic.twitter.com/Z7aqJgxh40
— PTV News (@PTVNewsOfficial) October 25, 2025
شہباز شریف نے کہا کہ امید ہے پاکستان کرکٹ ٹیم ماضی کی طرح شاندار کھیل پیش کرے گی، انہوں نے دونوں ٹیموں کے کھلاڑیوں کے لیے نیک خواہشات کا اظہار کیا۔
وزیراعظم نے چیئرمین پی سی بی محسن نقوی کی صلاحیتوں پر مکمل اعتماد کا اظہار کرتے ہوئے کہا کہ کرکٹ محض ایک کھیل نہیں بلکہ یہ مختلف ممالک کے عوام کو قریب لانے کا ذریعہ ہے۔ کرکٹ بھائی چارے اور امن کو فروغ دیتا ہے، اس کھیل کی اصل روح کو برقرار رکھنا ضروری ہے۔
Islamabad: Prime Minister Muhammad Shehbaz Sharif interacts with the management and players of Pakistan Cricket team.@CMShehbaz pic.twitter.com/yXJjquGmXr
— PTV News (@PTVNewsOfficial) October 25, 2025
یہ بھی پڑھیں: ثنا میر پاکستان کا فخر ہیں، کھیلوں میں خواتین کو برابر مواقع دیں گے : وزیر اعظم
وزیراعظم نے بین الاقوامی کھیلوں کے فروغ اور بڑے ایونٹس کی میزبانی کے لیے سازگار ماحول برقرار رکھنے کے پاکستان کے عزم کو بھی اجاگر کیا۔
Islamabad: Prime Minister Muhammad Shehbaz Sharif interacts with the management and players of Pakistan Cricket team.@CMShehbaz pic.twitter.com/yXJjquGmXr
— PTV News (@PTVNewsOfficial) October 25, 2025
جنوبی افریقی ٹیم کے کھلاڑیوں اور انتظامیہ نے حکومتِ پاکستان اور عوام کی گرمجوشی پر شکریہ ادا کرتے ہوئے کہا کہ سیریز ایک یادگار تجربہ رہی، اور وہ پاکستانی شائقین کی محبت اور جوش و خروش سے بہت متاثر ہوئے۔
Islamabad: Prime Minister Muhammad Shehbaz Sharif addresses the managements and players of Pakistan Cricket teams.@CMShehbaz pic.twitter.com/ZiHoWpHtDn
— PTV News (@PTVNewsOfficial) October 25, 2025
عشائیے میں وفاقی وزیر خزانہ و محصولات محمد اورنگزیب، وفاقی وزیر تجارت جام کمال، وفاقی وزیر داخلہ و چیئرمین پی سی بی محسن نقوی، وفاقی وزیر اطلاعات و نشریات عطاء اللہ تارڑ اور دیگر اعلیٰ حکام شریک تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام اباد پاکستان جنوبی افریقہ شہباز شریف عشایہ کرکٹ ٹیمیں وزیراعظم
ذریعہ
ذریعہ: WE News
کلیدی لفظ: اسلام اباد پاکستان جنوبی افریقہ شہباز شریف عشایہ کرکٹ ٹیمیں پاکستان کرکٹ جنوبی افریقہ شہباز شریف وفاقی وزیر کرکٹ ٹیم کہا کہ کے لیے
پڑھیں:
میٹھے پر سجاوٹ کیلئے چیونٹیوں کا استعمال ریسٹورنٹ مالک کو مہنگا پڑگیا
جنوبی کوریا(southkorea) میں ایک معروف ریسٹورنٹ کے مالک کے خلاف میٹھے پکوانوں کی سجاوٹ کے لیے چیونٹیاں استعمال کرنے پر قانونی کارروائی کی جا رہی ہے۔
مقامی میڈیا رپورٹس کے مطابق جنوبی کورین استغاثہ نے عدالت سے ریسٹورنٹ کے مالک کو ایک سال قید اور تقریباً 13 ہزار 510 امریکی ڈالر جرمانے کی سزا دینے کی استدعا کی ہے۔
ریسٹورنٹ مالک نے دورانِ تفتیش اعتراف کیا کہ اس نے سوئٹ ڈشز کی ٹاپنگ کے لیے محدود پیمانے پر چیونٹیاں استعمال کیں، اس حوالے سے گاہکوں کو پہلے ہی آگاہ کر دیا جاتا تھا۔
مزیدپڑھیں:ورلڈ کپ فاتح ہسپانوی فٹبالرز کو وزن کے برابر ٹماٹر انعام میں مل گئے
تفتیشی حکام کے مطابق گزشتہ چار برسوں کے دوران امریکا اور تھائی لینڈ سے درآمد کی گئی تقریباً 49 ہزار چیونٹیاں مختلف پکوانوں، خصوصاً میٹھے ڈشز، میں استعمال کی گئیں۔
رپورٹس کے مطابق جنوبی کوریا کے موجودہ قوانین کے تحت چیونٹیاں ان 10 کیڑوں میں شامل نہیں ہیں جنہیں انسانی خوراک کے طور پر استعمال کی اجازت حاصل ہے، اسی بنیاد پر ریسٹورنٹ مالک کے خلاف مقدمہ درج کیا گیا۔
عدالت اس مقدمے کا فیصلہ 2 ستمبر کو سنائے گی، جس کے بعد یہ واضح ہوگا کہ ریسٹورنٹ مالک کو سزا دی جاتی ہے یا نہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی