بجلی کی قیمت میں 15 روپے فی یونٹ کمی
اشاعت کی تاریخ: 27th, October 2025 GMT
ویب ڈیسک: حکومتِ پاکستان نے صنعتی شعبے کیلئے ایک بڑا اور تاریخی فیصلہ کرتے ہوئے بجلی کی قیمت میں 15 روپے فی یونٹ کی نمایاں کمی کر دی ہے۔ اس فیصلے کے بعد صنعتوں کیلئے بجلی کا نیا نرخ 38 روپے فی یونٹ سے کم ہو کر 23 روپے فی یونٹ مقرر کر دیا گیا ہے۔
وزیر خزانہ کے مشیر خرم شہزاد نے سماجی رابطوں کی ویب سائٹ پر جاری اپنے پیغام میں کہا کہ اس فیصلے سے نہ صرف کاروباری لاگت میں نمایاں کمی آئے گی بلکہ سرمایہ کاری کے نئے دروازے کھلیں گے اور روزگار کے بے شمار مواقع پیدا ہوں گے۔
ہنڈائی ٹکسن ہائبرڈ بغیر سود کے آسان اقساط میں حاصل کریں
ان کا کہنا تھا کہ حکومت کا واضح ہدف پاکستان میں معاشی ترقی، سرمایہ کاری میں اضافہ، اور روزگار کے مواقع پیدا کرنا ہے تاکہ عام آدمی کو براہ راست فائدہ پہنچایا جا سکے۔
حکومت نے معیشت کے استحکام کیلئے سود کی شرح میں واضح کمی کی ہے جبکہ کاروباری طبقے کیلئے سرمائے تک رسائی بھی آسان بنا دی گئی ہے۔ ان کے مطابق ٹیکس کے ڈھانچے میں بنیادی اصلاحات جاری ہیں اور تنخواہ دار طبقے کے ساتھ ساتھ کارپوریٹ سیکٹر کیلئے بھی ریلیف پیکیجز متعارف کرائے گئے ہیں تاکہ مجموعی معیشت میں بہتری آئے۔
برائلر مرغی کے گوشت کی قیمت میں حیران کن کمی
مشیر خزانہ نے یہ بھی بتایا کہ حکومت غیر دستاویزی معیشت کو رسمی دائرے میں لانے کیلئے بھرپور اقدامات کر رہی ہے، جس سے ٹیکس کی وصولی، تعمیل اور نفاذ کے نظام میں خاطر خواہ بہتری آئے گی۔
انہوں نے کہا کہ حکومت ریگولیٹری فریم ورک میں بھی نرمی لا رہی ہے تاکہ کاروباری طبقے کو غیر ضروری رکاوٹوں اور پیچیدہ منظوری کے مراحل سے نجات دلائی جا سکے۔
خرم شہزاد کے مطابق موجودہ حکومت کی پالیسیوں کا بنیادی مقصد یہ ہے کہ صنعتی پیداوار میں اضافہ ہو، برآمدات بہتر ہوں اور پاکستان کے نوجوانوں کیلئے روزگار کے زیادہ مواقع پیدا کیے جا سکیں۔ ان کا کہنا تھا کہ سرمایہ کاروں کا اعتماد بحال ہو رہا ہے اور ملکی معیشت اب بتدریج بہتری کی سمت گامزن ہے۔
بالی ووڈاداکار کا موت سے پہلے کیا گیا ٹوئٹ وائرل
.ذریعہ: City 42
کلیدی لفظ: روپے فی یونٹ
پڑھیں:
چینی مزید مہنگی، فی کلو قیمت 210 روپے تک جا پہنچی
ملک بھر میں چینی کی قیمتوں میں اضافہ نہ رک سکا۔ حکومتی اقدامات اور مانیٹرنگ کے باوجود گزشتہ ایک ہفتے کے دوران چینی مزید مہنگی ہوگئی، جس کے بعد ملک میں فی کلو چینی کی زیادہ سے زیادہ قیمت210 روپے تک پہنچ گئی ہے۔
ادارہ شماریات پاکستان کی تازہ رپورٹ کے مطابق صرف ایک ہفتے کے دوران چینی کی فی کلو قیمت میں اوسطاً 3 روپے 77 پیسے کا اضافہ ریکارڈ کیا گیا۔ پشاور میں صورتحال سب سے زیادہ تشویشناک ہے، جہاں چینی کی فی کلو قیمت10 روپے بڑھ کر 210 روپے تک پہنچ گئی ہے — جو پورے ملک میں سب سے زیادہ ہے۔
رپورٹ کے مطابق اسلام آباد، راولپنڈی، ملتان اور بنوں میں چینی 200 روپے فی کلو تک فروخت ہو رہی ہے، جبکہ کراچی میں قیمت 195 روپے فی کلو تک جا پہنچی ہے۔
اعداد و شمار کے مطابق اس وقت ملک میں چینی کی اوسط فی کلو قیمت 188 روپے 81 پیسے ہے، جو گزشتہ ہفتے 185 روپے 4 پیسے تھی۔ حیرت انگیز طور پر ایک سال قبل یہی چینی اوسطاً 134 روپے 8 پیسے فی کلو میں دستیاب تھی — یعنی صرف ایک سال میں قیمت میں50 روپے سے زائد کا اضافہ ہوا۔
مارکیٹ ذرائع کا کہنا ہے کہ چینی کی قیمتوں میں مسلسل اضافہ نہ صرف سپلائی چین میں بے ضابطگیوں بلکہ ذخیرہ اندوزی اور منافع خوری کا نتیجہ ہے، جبکہ حکومتی سطح پر کیے جانے والے اقدامات ابھی تک خاطر خواہ نتائج نہیں دے سکے۔
حیدرآباد: وفاقی وزیر برائے صحت مصطفی کمال اقرا یونیورسٹی کیمپس کے افتتاح کے موقع پر خطاب کررہے ہیں