پاکستان اور بنگلا دیش کا دفاعی اور سیکورٹی تعاون مضبوط بنانے پر اتفاق
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
251028-01-9
ڈھاکا (مانیٹرنگ ڈیسک) پاکستان اور بنگلا دیش کے درمیان 20 سال بعد نویں پاک–بنگلا جوائنٹ اکنامک کمیشن کا اجلاس ڈھاکا میں منعقد ہوا جس میں دونوں ممالک نے دفاعی، سیکورٹی اور اقتصادی تعاون کو مزید مستحکم بنانے پر اتفاق کیا۔ اجلاس کی مشترکہ صدارت وزیر پیٹرولیم علی پرویز ملک اور بنگلا دیش کے مشیر برائے خزانہ ڈاکٹر صالح الدین احمد نے کی۔اجلاس میں حلال ٹریڈ کے فروغ کے لیے مفاہمتی یادداشت (ایم او یو) پر دستخط کیے گئے۔ اس معاہدے سے حلال مصنوعات کے معیار، سرٹیفکیشن اور سرحد پار تجارت میں تعاون کے نئے راستے کھلیں گے۔ پاکستان نے بنگلا دیش کو کراچی پورٹ کے استعمال کی پیشکش بھی کی تاکہ بنگلا دیش خطے کے دیگر ممالک خصوصاً چین اور وسطی ایشیائی ریاستوں تک اپنی تجارتی رسائی بڑھا سکے۔مشترکہ اعلامیے کے مطابق دونوں ممالک کی قومی شپنگ کارپوریشنز کے درمیان تعاون بڑھانے، دوطرفہ اقتصادی اور ترقیاتی روابط مضبوط کرنے، اور براہ راست فضائی رابطے بحال کرنے پر اتفاق کیا گیا۔ اجلاس میں ‘‘پاک–بنگلا نالج کوریڈور’’ کے قیام کی تجویز بھی منظور کی گئی، جس کے تحت پاکستان بنگلا دیشی طلبہ کے لیے 500 مکمل اسکالرشپس فراہم کرے گا۔اعلامیے میں کہا گیا ہے کہ اسلام آباد نے ٹیکنیکل اسسٹنس پروگرام کے تحت تربیتی نشستوں کی تعداد 5 سے بڑھا کر 25 کر دی ہے۔ دونوں ممالک نے تجارت، سرمایہ کاری، توانائی، انفارمیشن ٹیکنالوجی، تعلیم، صحت، سیاحت، زراعت اور ٹیکسٹائل سمیت مختلف شعبوں میں تعاون کے فروغ پر بھی اتفاق کیا۔وزیر پیٹرولیم علی پرویز ملک نے کہا کہ پاکستان اور بنگلا دیش کے تعلقات باہمی احترام، دوستی اور خطے میں ترقی کے جذبے پر مبنی ہیں۔ انہوں نے کہا کہ دونوں ممالک کے درمیان نئے اقتصادی و دفاعی تعاون سے جنوبی ایشیا میں امن، استحکام اور خوشحالی کے امکانات مزید روشن ہوں گے۔اجلاس کے اختتام پر مشترکہ اقتصادی کمیشن کے نویں اجلاس کے متفقہ منٹس پر دستخط کیے گئے، جسے دونوں ممالک کے درمیان تعلقات کے ایک نئے باب کے طور پر دیکھا جا رہا ہے۔
ذریعہ
ذریعہ: Jasarat News
کلیدی لفظ: اور بنگلا دیش دونوں ممالک کے درمیان
پڑھیں:
اسحاق ڈار کویتی وزیر خارجہ کے درمیان ٹیلیفونک رابطہ، بدلتی عالمی صورتحال پر تبادلہ خیال
نائب وزیراعظم و وزیر خارجہ سینیٹر اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک رابطہ ہوا ہے، جس میں خطے اور عالمی سطح پر تیزی سے بدلتی ہوئی صورتحال پر تبادلہ خیال کیا گیا۔
ترجمان دفتر خارجہ کے مطابق گفتگو کے دوران کویت کے وزیر خارجہ شیخ جراح جابر الاحمد الصباح نے امریکا اور ایران کے درمیان رابطوں اور بات چیت کے فروغ کے لیے پاکستان کے مسلسل ثالثی کردار اور سہولت کاری کی کوششوں کو سراہا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Kuwait’s Foreign Minister Sheikh Jarrah Jaber Al-Ahmad Al-Sabah to discuss evolving regional and international developments.
FM Sheikh Jarrah appreciated Pakistan’s continued… pic.twitter.com/CBnvw1REKc
— Ministry of Foreign Affairs – Pakistan (@ForeignOfficePk) June 2, 2026
انہوں نے علاقائی امن و سلامتی کے فروغ میں پاکستان کے تعمیری کردار کی بھی تعریف کی۔
اس موقع پر نائب وزیراعظم و وزیر خارجہ اسحاق ڈار نے اس عزم کا اعادہ کیاکہ پاکستان خطے میں پائیدار امن اور استحکام کے قیام کے لیے سفارت کاری اور مسلسل مذاکرات کو ہی بہترین راستہ سمجھتا ہے اور اس کی حمایت جاری رکھے گا۔
دونوں رہنماؤں نے اس امید کا اظہار کیاکہ جاری سفارتی کوششیں مثبت نتائج دیں گی اور مستقبل قریب میں خطے میں دیرپا امن کے قیام کی راہ ہموار ہوگی۔
گفتگو کے دوران پاکستان اور کویت کے درمیان موجود مضبوط برادرانہ تعلقات کا بھی اعادہ کیا گیا، جبکہ دونوں فریقوں نے مستقبل میں قریبی رابطے برقرار رکھنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار ٹیلیفونک رابطہ عالمی صورتحال کویتی وزیر خارجہ نائب وزیراعظم وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ